ⵎⴰⵙⵙ ⵍⴰⵕⴹⵉ ⵎⴱⴰⵔⴽ ⴰⵏⵎⵖⵓⵔ ⵏ ⵜⵖⵏⵙⴰ ⵜⴰⴷⵍⵙⴰⵏⵜ ⵜⴰⵎⴰⵣⵉⵖⵜ ⴷ ⵓⵎⵙⴽⴰⵔ ⵏ ⵓⵎⴰⵡⴰⵍ ⴰⵎⴰⵣⵉⵖ ⴰⵎⵣⵡⴰⵔⵓ ⵙ ⵜⴼⵉⵏⴰⵖ

• ⵢⵓⵔⴰⵜ : ⴱⵓⵎⵉⵚⵕ ⵄⴱⴷⵍⵡⴰⵃⴷ -ⵕⵕⴱⴰⵟ-//

ⵉⴳⴰ ⵎⴰⵙⵙ ⵍⴰⵕⴹⵉ ⵎⴱⴰⵕⴽ ⵢⴰⵏ ⵙⴳ ⵉⵡⵔⵉⴽⵏ ⵏⵏⴰ ⵉⵙⴽⵔⵏ ⵜⴰⵡⵡⵓⵔⵉ ⵉⴷⵓⵙⵏ ⴳ ⵉⴳⵔ ⵏ ⵜⴷⵍⵙⴰ ⴷ ⵓⵎⵓⵙⵙⵓ ⴰⵎⴰⵣⵉⵖ,ⵙⴳ ⵎⴰⴷ ⵉⵜⴳⴳⴰⵏ ⵙⵎⵎⵓⵎⵔⴰⵡ ⵏ ⵓⵙⴳⴳⵯⴰⵙ ⵍⵍⵉⵖ ⵉⵙⵎⵓⵏ ⴳⵔ ⵜⵖⵏⵙⴰ ⴷ ⵓⵙⴳⵎⵉ ⴷ ⵜⵎⴰⵙⵙⴰⵏⵜ ⴷ ⵜⵡⵓⵔⵉ ⵏⵏⵙ ⴳ ⵓⵙⴽⵓ ⵏ ⵓⵙⴳⵎⵉ ⴷ ⵜⵖⵏⵙⴰ ⴷ ⵜⵙⵏⵉⵍⵙⵜ ⵜⴰⵎⴰⵣⵉⵖⵜ .

ⵉⵍⵓⵍ ⵓⵙⵍⵎⴰⴷⴼ ⵎⴰⵙⵙ ⵍⴰⵕⴹⵉⴽ ⴳ ⵓⵙⴳⴳⵯⴰⵙ ⵏ 1951 ⴳ ⵓⵙⵓⵏ ⵏ ⵜⴰⵏⵣⴰⴳⵉⵏ ⵏⵏⴰ ⵉⵅⵡⴰⵍⴰⵏ ⵉ ⵜⵇⵇⴱⵉⵍⵜ ⵏ ⵉⴷⴰⵡⴳⴳⵏⵉⴹⵉⴼ ⵏ ⵉⵖⵔⵎ ⵏ ⵜⵔⵓⴷⴰⵏ,ⵜⴱ ,ⵉⵖⵔⴰ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⴰⵢⵍⵍⵉⵖ ⵢⵓⵎⵥ ⵜⵓⵔⴰⴳⵜ ⵏ ⵍⴱⴰⴽ ⴳ ⵕⵕⴱⴰⵟ ⴰⵙⴳⴳⵯⴰⵙ ⵏ 1969 ⴳ ⵜⵉⵏⵎⵍ ⵜⴰⵎⴰⵜⴰⵢⵜ ⵏ ⵉⵙⵍⵎⴰⴷⵏ ⵏⵏⴰ ;ⵉⵍⵍⴰⵏ ⴳ ⵜⵖⵔⵎⵜ ⵏ ⵕⵕⴱⴰⵟ .

ⵢⵓⵎⵥ ⵎⴰⵙⵙ ⵍⴰⵕⴹⵉ ⵜⵓⵔⴰⴳⵜ ⵜⴰⵙⴷⴰⵡⴰⵏⵜ ⴳ ⵓⵎⵣⵔⵓⵢ ⴰⵙⴳⴳⵯⴰⵙ ⵏ 1973 ⵉⵙⵙⴹⴼⵕ ⴰⵙ ⵜⵓⵔⴰⴳⵜ ⴳ ⵓⵙⵍⴳⵏ ⴳ ⵓⵙⴳⴳⵯⴰⵙ ⵏ 1982 ⴷ ⵜⵓⴳⴳⴰ ⵏ ⵓⵙⴰⴽⴰ ⵡⵉⵙⵙ ⵙⵉⵏ ⵏ ⵜⵉⵏⵎⵍ ⵜⴰⵎⴰⵜⴰⵢⵜ ⵏ ⵉⵙⵍⵎⴰⴷⵏ ⴷ ⵜⵓⵔⴰⴳⵜ ⵏ ⵍⵎⵉⴽⴰⵏⵉⴽ ⴱⴰⵙⴳⴳⵯⴰⵙ ⵏ 1990 , ⵉⵙⵡⵡⵓⵔⵉ ⴳ ⵄⵉⴳⵔ ⵏ ⵓⵙⵙⵍⵎⴷ ⵎⴰⴷ ⵉⵜⵜⴳⴳⴰⵏ 38 ⵏ ⵓⵙⴳⴳⵯⴰⵙ ⴰⵢⵍⵍⵉⵖ ⵉⵙⵓⵏⴼⴰ ⴳ ⵜⵡⵡⵓⵔⵉ ⴳ ⵓⵙⴳⴳⵯⴰⵙ ⵏ 2012, ⴰⵀⵢⵍⵍⵉⵖ ⵢⵓⵎⵥ ⵜⵓⴳⴳⴰ ⵜⴰⴳⵍⴷⴰⵏⵜ ⵅⴼ ⵜⵡⵡⵓⵔⵉⵡⵉⵏ ⵏⵏⵙ ⴳ ⵓⵙⴳⴳⵯⴰⵙ ⴰⵏⵏ ⵏⵉⵜ .

ⵉⴳ ⵎⴰⵙⵙ ⵍⴰⵕⴹⵉ ⵢⴰⵏ ⵙⴳ ⵉⵙⵓⵜⴰⵔ ⵏ ⵓⵎⵓⵙⵙⵓ ⴰⵎⴰⵣⵉⵖ ⴳ ⵍⵎⵖⵔⵉⴱⵍⵍⵉⵖ ⵉⴳⴰ ⴰⵎⵍⵜⴰⵖ ⴳ ⵓⴳⵔⴰⵡ ⵏ ⵍⵎⵖⵔⵉⴱ ⵏ ⵉⵙⵉⴳⴳⵍ ⴷ ⵉⵙⵏⵉⴼⵉⵍⵏ ⵏ ⵜⵓⵙⵙⵏⴰ ⵏⵏⴰ ⵉⴳⴰⵏ ⵢⴰⵜ ⵜⵎⵙⵎⵓⵏⵜ ⵜⴰⵎⴰⵣⵉⵖⵜ ⵜⴰⵎⵎⵣⵡⴰⵔⵓⵜ ⴳ ⵡⴰⵎⵓⵔ ⵏ ⵡⴰⴽⵓⵛ ⵉⴳ ⴰⴳⵎⴰⵎ ⵏ ⵓⵙⵉⵔⴰ ⵏⵏⵙ ⴰⵏⴰⵎⵓⵔ ⴳ ⵓⵙⴳⴳⵯⴰⵙ ⵏ 1989.

ⴳ ⵎⴰⴷ ⵉⵥⵍⵉⵏ ⵙ ⵜⵡⵡⵓⵔⵉ ⵜⴰⵎⴰⵙⵙⴰⵏⵜ ⵉⵙⴽⵔ ⵎⴰⵙⵙ ⵍⴰⵕⴹⵉ ⵢⴰⵏ ⵓⵎⴰⵡⴰⵍ ⴰⵎⴰⵣⵉⵖ ⵙ ⵉⵙⴽⴽⵉⵍⵏ ⵏ ⵜⴼⵉⵏⴰⵖ ⵏⵏⴰ ⵉⴳⴰⵏ ⵢⴰⵏ ⵓⵙⵏⴼⴰⵕ ⴰⴷⵙⵍⴰⵏ ⵏⵏⴰ ⵅⴼ ⵙⵡⵡⵡⵓⵔⵉⵏⴽⵉⴳⴰⵏ ⵏ ⵉⵎⵔⵣⵓⵜⵏ ⴳ ⵜⵙⵏⵉⵍⵙⵜ ⵜⴰⵎⴰⵣⵉⵖⵜ ⴰⵔ ⴰⵙⵙ ⴰⴷ .

ⵎⴽⵍⵍⵉ ⵉⴷⵔⴰ ⴳ ⴽⵉⴳⴰⵏ ⵏ ⴳⵜⵉⵏⴰⵡⵉⵏ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵓⵎⵣⵔⵓⵢ ⴷ ⵜⵙⵏⵉⵍⵙⵜ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ, ⵣⵓⵏⴷ ⴰⵙⵓⵙⵙⵏ ⵙ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⵓⵙⴰⴽⵓⴷ ⵏⵏⵙ ⴷ ⴽⵉⴳⴰⵏ ⵏ ⵉⵙⵏⵜⴰⵍ ⵉⵣⴷⵉⵏ ⴷ ⵜⵓⵎⴰⵏⵜ ⵜⴰⵎⴰⵣⵉⵖⵜ ⴷ ⵓⵎⵣⵔⵓⵢ ⵏⵏⵙ .

ⵙ ⵓⵎⴰⵜⴰ ⵉⴳⴰ ⵎⴰⵙⵙ ⵍⴰⵕⴹⵉ ⵊⵢⴰⵏ ⵓⵎⴷⵢⴰ ⵏ ⵓⵎⵖⵏⴰⵙ ⴷ ⵓⵎⴰⵙⵙⴰⵏ ⴰⵎⴰⵣⵉⵖ ⵏⵏⴰ ⵉⵙⵎⵓⵏⵏ ⴳⵔ ⵜⴷⵍⵙⴰ ⴷ ⵜⵎⴰⵙⵙⴰⵏⵜ, ⵢⵀⴰⵡⵙ ⴰⴼⴰⴷ ⴰⴷ ⵜⵍⴽⵎ ⵜⴷⵍⵙⴰ ⵜⴰⵎⴰⵣⵉⵖⵜ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⵏⵏⴰ ⵔⴰⴷ ⵉⴳ ⵢⴰⵏ ⵓⵙⴰⴳⵯⵎ ⵉ ⵢⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ ⴷ ⵉⵎⴰⵙⵙⴰⵏⵏ ⵓⵍⴰ ⵉⵎⵣⵔⴰⵡⵏ ⵉⵎⴰⵣⵉⵖⵏ .