ⴰⵕⵥⵥⵓⵎ ⵏ ⵉⴳⴳⵓⵔⴰ ⵏ ⵓⵙⵜⴰⵢ ⵉ ⵉⵙⵓⵔⴰ ⵏ ⵜⵎⵣⵉⵣⵣⵍⵜ ⵏ ⵜⵎⴰⵣⵉⵖⵜ- ⵜⴰⵙⵙⵓⵜⵍⵜ ⵜⵉⵙⵙ ⵙⴰⵜ ⴷ ⵎⵔⴰⵡⵜ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ (FINIFA)

ⴰⴳⴰⴷⵉⵔ, ⴰⵙⵙⴰ ⴰ – ⴰⵔ ⵜⵙⵙⵍⵖⵓ ⵜⵎⵙⵎⵓⵏⵜ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ, ⴰⵕⵥⵥⵓⵎ ⵏ ⵉⴳⴳⵓⵔⴰ ⵏ ⵓⵙⵜⴰⵢ ⵉ ⵉⵙⵓⵔⴰ ⵏ ⵜⵎⵣⵉⵣⵣⵍⵜ ⵏ ⵜⵎⴰⵣⵉⵖⵜ, ⵎⴰ ⴰⵏⵏ ⴳ ⵜⴰⵍⵖⴰ ⵏ ⵓⵃⵉⵢⵢⵍ ⵉ ⵜⴰⵙⵙⵓⵜⵍⵜ ⵜⵉⵙⵙ ⵙⴰⵜ ⴷ ⵎⵔⴰⵡⵜ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ (FINIFA) ⵍⵍⵉ ⵔⴰⴷ ⵢⵉⵍⵉ ⵙⴳ 01 ⴰⵔ 05 ⴽⵟⵓⴱⵕ 2026 ⴳ ⵙⵉⵏⵉⵎⴰ ⵚⴰⵃⴰⵕⴰ ⴳ ⵜⴰⵍⴱⵔⵊⵜ ⴳ ⵜⵖⵔⵎⵜ ⵏ ⵓⴳⴰⴷⵉⵔ.

ⵉⴷⴷⴰ ⴷ ⵓⵍⵖⵓ ⴰⴷ ⴳ ⵓⵏⴰⴳⵔⴰⵡ ⵏ ⵓⵙⵖⵓⴷⵓ ⵏ ⵓⵕⵥⵥⵓⵎ ⵏ ⵓⵍⵎⵓⴳⴳⴰⵔ ⴼ ⵜⵉⵔⵎⵉⵜⵉⵏ ⵜⵉⵎⵏⵏⴰⵡⵉⵏ ⵏ ⵙⵙⵉⵏⵉⵎⴰ ⵍⵍⵉ ⵉⴷⵓⵍⵏ ⵙ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵍⵍⵉ ⴳ ⴰⵔ ⵢⴰⵇⵇⵔⴰ ⵓⵍⵎⵓⴳⴳⴰⵔ ⵉ ⵉⵎⵙⵙⵓⴼⴼⵖⵏ ⴷ ⵜⵎⵙⵙⵓⴼⵖⵉⵏ ⴷ ⵉⵎⵙⵢⴰⴼⵓⵜⵏ ⴰⴷ ⵙⵙⴽⵛⵎⵏ ⵉⵙⵓⵔⴰ ⵏⵏⵙ ⵙ ⵓⵙⵜⴰⵢ ; ⵉⵙⵓⵔⴰ ⵍⵍⵉ ⵎⵎⴰⵍⵏⵉⵏ ⵜⴰⴱⵖⵔⵜ ⴷ ⵜⵎⵏⵏⴰⵡⵜ ⵏ ⵡⵓⴽⴽⵓⵙ ⴷ ⵜⴰⵢⵙⵉ ⴰⴷⵍⵙⴰⵏ ⴷ ⵓⵙⵏⵉⵍⵙ ⴷ ⵓⵏⵎⵣⵔⵓⵢ ⴷ ⵓⵏⴰⵥⵓⵕ ⴰⵎⴰⵣⵉⵖ.

ⵜⵉⴼⴰⴷⵡⵉⵏ ⴷ ⵜⴱⵔⵉⴷⵉⵏ ⵏ ⵓⵣⵎⵎⴻⵎ

ⵜⵉⵎⵣⵉⵣⵣⵍⵜ ⵏ ⵜⵎⴰⵣⵉⵖⵜ (ⴰⵔⵥⵥⵓⵎ ⵏ ⵜⴰⴳⴳⵓⵔⵜ ⵏ ⵓⵣⵎⵎⴻⵎ): ⵉⵕⵥⵎ ⵉⵙⵏⵉ ⵏ ⵡⵓⵔⵖ ⵏ ⵜⴰⴳⴳⵓⵔⵜ ⵏ ⵓⵣⵎⵎⴻⵎ ⴳ ⵎⵏⴰⴷ ⵏ ⵉⵙⵓⵔⴰ ⴳ ⵜⴷⵔⴰⵡⵜ ⵏ ⵜⵙⵙⵓⵜⵍⵜ ⴰⴷ, ⴼⴰⴷ ⴰⴷ ⵜⵣⵎⵎⴻⵎⵎ ⴰⵙⴰⵔⵓ ⵏⵏⵓⵏ, ⵉⵍⵍⴰ ⴼⵍⵍⴰⵡⵏ ⴰⴷ ⵜⴽⵜⵓⵔⵎ ⵜⴰⵍⴳⴰⵎⵜ ⴰⴷ ⵜⵜⵓⵏⵚⵉⴱⵜ ⴳ ⴰⵏⵜⵉⵔⵏⵉⵜ:  https://docs.google.com/forms/d/e/1FAIpQLSeKpVU-JWONpQjyOzjjeDLWNb9N7QGlsr4vudjZUlJExPSc8Q/viewform?usp=publish-editor

ⵜⵉⵎⵣⵉⵣⵣⵍⵜ ⵜⴰⴳⵔⴰⵖⵍⴰⵏ (ⴰⵙⵙⴽⵜⵉ) : ⴰⵢⵍⵍⵉ ⵉⵥⵍⵉⵏ ⵙ ⵉⵙⵓⵔⴰ ⵉⴳⵔⴰⵖⵍⴰⵏⵏ ⵍⵍⵉ ⵉⴷⵓⵍⵏ ⵙ ⵉⵙⵇⵇⵙⵉⵜⵏ ⵉⵏⴰⴼⴳⴰⵏⵏ ⴷ ⵉⵎⴰⴹⵍⴰⵏⵏ ⴳⵖⵏⵉⵜ ⵏ ⵓⵙⴰⵢⵔⵓⵔ ⴰⵎⴰⵣⵉⵖ, ⴰⵔ ⵏⵜⵜⵉⵏⵉ ⵎⴰⵙ ⵓⴽⴰ ⵙⵓⵍ ⵜⵕⵥⵎ ⵜⴳⴳⵓⵔⵜ ⵏ ⵓⵙⵜⴰⵢ, ⴷ ⴰⵔ ⵉⵜⵜⵉⵍⵉ ⵓⵣⵎⵎⴻⵎ ⴳ ⵜⴷⴰⵙⵉⵍⵜ ⵜⴰⴳⵔⴰⵖⵍⴰⵏⵜ FilmFreeway

ⵉⵙⵏⵉ ⵏ ⵡⵓⵔⵖ : ⵜⴰⴷⴰⵙⵉⵍⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵖⵓⴷⵓ ⵏ ⵓⵙⵏⴼⵍⵓⵍ ⴳ ⵢⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ.

ⵉⴳⴰ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵍⵍⵉ ⵉⵜⵜⵉⵍⵉⵏ ⴳ ⵙⵙⵉⵏⵉⵎⴰ ⵚⴰⵃⴰⵕⴰ ⴳ ⵜⵖⵔⵎⵜ ⵏ ⵓⴳⴰⴷⵉⵔ, ⵢⴰⵜ ⵜⵜⴷⴰⵙⵉⵍⵜ ⵜⴰⴷⵍⵙⴰⵏⵜ ⴷ ⵜⵏⴰⵥⵓⵕⵜ ⵉⴼⴰⵡⵏ, ⵉⵡⴰⵜⵙⵏ ⴰⴷ ⵜⵏⵏⴰⵍ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ, ⵜⵙⵏⴼⴰⵍⴰⵍ ⵜⵉⵍⵉⵜ ⵏⵏⵙ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.

ⴷ ⴰⵔ ⵜⴰⴽⴽⴰ ⵜⵙⵙⵓⵜⵍⵜ ⴰⴷ ⵉ ⵉⵎⵙⵙⵓⴼⴼⵖⵏ ⴷ ⵉⵎⵙⴳⵓⵔⵓⵜⵏ ⵏ ⵉⵙⵓⵔⴰ ⵢⴰⵜ ⵜⵎⵍⴷⴰ ⵉⴳⴰⵏ ⵡⴰⵥ ⴼⴰⴷ ⴰⴷ ⵎⵍⵏ ⵜⵉⵡⵓⵔⵉⵡⵉⵏ ⵏⵏⵙⵏ ⵉ ⵓⴳⴷⵓⴷ ⵉⵏⵏⵖⵣⵍ ⵙ ⵙⵙⵉⵏⵉⵎⴰ, ⴷ ⵉ ⵜⴰⵢⵎⵓⵏⵜ ⵏ ⵜⵏⴼⵔⴰⵢⵜ ⵏⵏⴰ ⴳ ⵍⵍⴰⵏ ⵜⵓⴳⵜⵜ ⵏ ⵉⵎⵥⵍⴰⵢⵏ ⴷ ⵉⵎⴰⵣⵣⵓⵍⵏ ⴷ ⵉⵎⴳⴳⴰⵢⵏ ⴷⵓⵍⵏⵉⵏ ⵙ ⵢⵉⴳⵔ ⵏ ⵜⴷⵍⵙⴰ ⴷ ⵜⵥⵓⵕⵉ ⵜⵉⵙⵙ ⵙⴰⵜ.

ⵙⴳ ⵓⵙⵜⴰⵢ ⵉⵙⴷⴷⵉⴷⵏ ⵉ ⵉⵙⵓⵔⴰ, ⴷ ⵓⵙⵖⵉⵡⵙ ⴷ ⵓⵃⵉⵢⵢⵍ ⵉ ⵉⵏⵙⴰⵜⵏ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵏⵉⴼⵍ ⵏ ⵜⵉⵔⵎⵉⵜⵉⵏ ⵜⵉⵣⵣⵓⵍⴰⵏⵉⵏ ⴷ ⵜⴷⵍⵙⴰⵏⵉⵏ, ⴰⵔ ⵉⵙⵎⵎⵓⴷ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⴰⵙⵉⴳⴳⵣ ⵏ ⵓⴷⵖⴰⵔ ⵏⵏⵙ, ⵜⵉⵣⵉ ⵍⵍⵉ ⵉⴳⴰ ⵜⴰⴷⴰⵙⵉⵍⵜ ⵜⴰⴳⵔⴰⵖⵍⴰⵏⵜ ⵉⵏⵣⵖⵏ ⴰⵏⵏⴰⵍ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ, ⴷ ⴰⴷ ⴰⵙ ⵉⵙⴽⵔ ⴰⵙⵉⵙⵙⵏ, ⵉⵙⴱⵓⵖⵍⵓ ⴰⵙⵙⵏⵥⵕ ⵏⵏⵙ ⴳ ⵓⵎⴰⴹⴰⵍ.

ⴰⴷ ⴽⵯⵏ ⵓⵔ ⵉⵣⵔⵉ ⵓⵍⵎⵓⵇⵇⴰⵔ 23 ⵢⵓⵍⵢⵓⵣ 2026 ⵍⵍⵉ ⵉⴳⴰⵏ ⴰⵙⴰⴽⵓ ⵉⴳⴳⵯⵔⴰⵏ ⴳ ⵓⵣⵎⵎⴻⵎ, ⴰⵡⵙⴰⵜ ⵙ ⵜⵡⵡⵓⵔⵉⵡⵉⵏ ⵏⵏⵓⵏ ⴳ ⵓⵙⵎⴰⵍ ⵏ ⵜⴰⵢⵙⵉ ⵏⵏⵖ ⵜⴰⵎⴰⵣⵉⵖⵜ ⵉⴱⵖⵔⵏ, ⵜⴰⵡⵙⵎ ⵉ ⵓⵙⵏⴼⵍⵓⵍ ⵏⵏⵖ ⴳ ⵓⴳⵯⴷⵉⵍ ⴰⵎⵇⵇⵔⴰⵏ.

ⴼⴰⴷ ⴰⴷ ⴷⵉⴷⵏⵖ ⵜⵏⵢⴰⵍⴽⴰⵎⵎ :

Google Forms

https://docs.google.com/forms/d/e/1FAIpQLSeKpVU-JWONpQjyOzjjeDLWNb9N7QGlsr4vudjZUlJExPSc8Q/viewform?usp=publish-editor

ⵉⴽⴰⵔⵉⴼⵏ ⵢⴰⴹⵏⵉⵏ :

ⵓⵣⵓⵏ ⴰⵍⵉⴽⵜⵕⵓⵏ : festivalissninourgh@gmail.com

ⵉⵖ ⵜⵔⴰⵎ ⴰⴷ ⵜⵉⵙⵙⴰⵏⵎⵎ ⵓⴳⴳⴰⵔ ⴼ ⵓⵍⵎⵓⴳⴳⴰⵔ : www.facebook.com/FINIFA