ⵉⵙⴱⵔⵔⴽ ⴱⴰⴱ ⵏ ⵡⴰⴷⴷⵓⵔ ⵉⵎⴰⵡⵙⴰⵙⵏ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⵏ ⴽⵕⴰⴹⵜ ⵜⵎⵉⵣⴰⵔ ⵜⵉⴳⵎⴰⵎⵉⵏ ⴳ ⵜⵎⵓⵏⵉ ⵏ ⵉⵡⴰⵏⴽⵏ ⵏ ⵓⴼⵜⴰⵙ

ⵉⵙⴱⵔⵔⴽ ⴱⴰⴱ ⵏ ⵡⴰⴷⴷⵓⵔ ⵉⵎⴰⵡⵙⴰⵙⵏ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⵏ ⴽⵕⴰⴹⵜ ⵜⵎⵉⵣⴰⵔ ⵜⵉⴳⵎⴰⵎⵉⵏ ⴳ ⵜⵎⵓⵏⵉ ⵏ ⵉⵡⴰⵏⴽⵏ ⵏ ⵓⴼⵜⴰⵙ

جلالة الملك يستقبل وزراء الشؤون الخارجية بالبلدان الثلاثة الأعضاء في تحالف دول الساحل

ⵕⵕⴱⴰⵟ- ⵉⵙⴱⵔⵔⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⴰⴷ ⵉⵙⵙⵔⵏⵓ ⵕⴱⴱⵉ, ⴰⵙⵙ ⴰⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⵉⵎⴰⵡⵙⴰⵙⵏ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴳ ⵜⵎⵉⵣⴰⵔ ⵜⵉⴳⵎⴰⵎⵉⵏ ⴳ ⵜⵎⵓⵏⵉ ⵏ ⵉⵡⴰⵏⴽⵏ ⵏ ⵓⴼⵜⴰⵙ, ⵎⴰⵙⵙ ⴽⴰⵕⴰⵎⵓⴽⵓ ⵊⵓⵏ ⵎⴰⵕⵉ ⵜⵕⴰⵡⵕⵉ, ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵙⴳⴰⵡⴰⵏ ⴷ ⵉⴱⵓⵔⴽⵉⵏⴰⴱⵉⵢⵏ ⴳ ⴱⵕⵕⴰ ⵏ ⴱⵓⵕⴽⵉⵏⴰⴼⴰⵚⵓ, ⴷ ⵎⴰⵙⵙ ⵄⴱⴷⵍⵍⴰⵀ ⴷⵢⵓⴱ, ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵏ ⵜⴳⴷⵓⴷⴰⵏⵜ ⵏ ⵎⴰⵍⵉ, ⴷ ⵎⴰⵙⵙ ⴱⴰⴽⴰⵕⵉ ⵢⴰⵡⵓ ⵚⴰⵏⴳⴰⵕⵉ, ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴷ ⵉⵏⵉⵊⵉⵔⵉⵢⵏ ⴳ ⴱⵕⵕⴰ ⴳ ⵜⵏⴱⴰⴹⵜ ⵜⴰⵏⵎⵓⵜⵜⵉⵜ ⵏ ⵜⴳⴷⵓⴷⴰⵏⵜ ⵏ ⵏⵏⵉⵊⵉⵔ.

ⵉⴽⵛⵎ ⵓⵙⵓⵏⴱⴳ ⴰⴷⵛⴳ ⵓⵙⴰⵜⵉ ⵏ ⵜⵣⴷⴰⵢⵉⵏ ⵜⵉⴷⵓⵙⴰⵏⵉⵏ ⴷ ⵜⵣⴰⵢⴽⵓⵜⵉⵏ ⵏⵏⴰ ⵉⵣⴷⵉⵏ ⵜⴰⴳⵍⴷⵉⵜ ⴷ ⵜⵎⵉⵣⴰⵔ ⵜⵉⵙⵉⵎⵎⵉⵜⵉⵏ ⵙ ⴽⵕⴰⴹⵜ ⵏ ⵜⵎⵓⵏⵉ ⵏ ⵉⵡⴰⵏⴽⵏ ⵏ ⵓⴼⵜⴰⵙ, ⵏⵏⴰ ⴱⴷⴷⴰ ⵉⵥⵍⵉⵏ ⵙ ⵜⴷⴷⵓⴽⴽⵍⴰ ⵉⵣⴷⴷⵉⴳⵏ ⴷ ⵓⵣⵔⴰⴽ ⴰⵎⵢⴰⵖ ⴷ ⵜⵡⵉⵣⵉ ⵜⵉⵎⵕⵡⵉⵜ ⴷ ⵓⵎⵢⴰⵡⴰⵙ ⵖⵓⵔ ⵜⴰⵢⴰⴼⵓⵜ.

ⴳ ⵓⵙⵏⵓⴱⴳ ⴰⴷ ⴰⴳⵍⴷⴰⵏ, ⵉⵡⵉ ⴷ ⵉⵎⴰⵡⵙⴰⵙⵏ ⵏ ⴱⵕⵕⴰ ⵏ ⵜⵎⵓⵏⵉ ⵉ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵜⴰⴽⵜⵜⴰⵡⵜ ⵏ ⵉⵏⵙⴷⵉⵅⴼⵏ ⵏ ⵉⵡⴰⵏⴽⵏ ⵏⵏⵙⵏ ⵏ ⵜⴰⵡⵉⵜ ⵜⴰⵎⵖⵍⴰⵍⵜ ⵙ ⵜⵙⴳⴰ ⵏ ⵓⴼⵜⴰⵙ, ⴷ ⵓⵍⴰ ⵜⵉⵙⵏⵜⴰⵢⵉⵏ ⵜⵉⴳⵍⴷⴰⵏⵉⵏ ⵉ ⵜⵏⴰⴼⵓⵜ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⵎⵉⵣⴰⵔ ⵏ ⵜⵙⴳⴰ ⴷ ⵉⵎⵣⴷⴰⵖⵏ ⵏⵏⵙⵏ.

ⵓⵍⵍⵖⵏ ⵉⵎⴰⵡⵙⴰⵙⵏ, ⵙ ⵜⵡⵉⵍⴰ ⵉⵥⵍⵉⵏ, ⵙ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⴼⵔⴳ ⵕⴱⴱⵉ, ⵉ ⵓⵙⵣⵎⵔ ⵏ ⵉⵡⴰⵏⴽⵏ ⵏ ⵓⴼⵜⴰⵙ ⵙⴳ ⵓⵙⵉⴷⴼ ⵖⵔ ⵓⴳⴰⵔⵓ ⴰⵟⵍⴰⵚⵉ, ⵙⵎⴰⵢⵏⵓⵏ ⴰⵍⵜⴰⵖ ⵏⵏⵙⵏ ⵉⵙⵎⴷⵏ ⴷ ⵜⵎⵔⵉⵙⵜ ⵏⵏⵙⵏ ⵉ ⵜⴰⵣⵣⴰⵣⵜ ⵏ ⵓⵙⵎⵀⵍ ⵏⵏⵙ.

ⵙ ⵓⵢⴰ, ⵙⵙⵎⵏⵉⴷⵏ ⵉⵎⴰⵡⵙⴰⵙⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴷⴷⴰⴷ ⵏ ⵜⵣⵣⵉⵣⴳⵜ ⵏ ⵜⵓⵚⴽⴰ ⵜⴰⵎⵔⵙⴰⵍⵜ ⴷ ⵜⵓⵙⴽⵉⵔⵜ ⵏ ⵜⵎⵓⵏⵉ ⵏ ⵉⵡⴰⵏⴽⵏ ⵏ ⵓⴼⵜⴰⵙ, ⵏⵏⴰ ⵉⵜⵜⵓⵙⴽⴰⵔⵎ ⴰⵎ ⵓⵙⴰⵜⵉ ⵏ ⵓⵙⵉⴷⴼ ⴷ ⵓⵣⴷⴷⵓⵢ ⴳⵔ ⵉⵡⴰⵏⴽⵏ ⵉⴳⵎⴰⵎⵏ ⵙ ⴽⵕⴰⴹ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ