ⴰⵙⵉⵡⴹ ⴰⵏⵖⵎⴰⵙ ⵏ ⵜⵉⵎⵙⵎⵓⵏⵉⵏ ⴷ ⵜⵉⵙⵎⵣⴷⴰⵢⵉⵏ ⵜⵉⵎⴰⵣⵉⵖⵉⵏ ⴳ ⵍⵎⵖⵔⵉⴱ..

ⵔⴰⴷ ⵉⴽⵛⵎ ⵅⴼ ⵉⵎⵖⵔⴰⴱⵉⵢⵏ ⴰⵙⵙ ⵏ 2/07/2025 ⴰⴽⵜⵜⵓⵢ ⵡⵉⵙ 14 ⵏ ⵓⵙⵎⵔⵙ ⵏ ⵓⴷⵓⵙⵜⵓⵔ ⵏ ⵢⵓⵍⵢⵓⵣ 2011, ⵉⵙⵖⵜⵙⵏ ⵙ ⵎⴰⵙ ⵜⴳⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⵡⴷ ⵏⵜⵜⴰⵜ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵏ ⵓⵡⴰⵏⴽ,

ⵙ ⵜⵎⵍⴷⴰ ⴰⴷ, ⴷ ⵙ ⵢⵉⵥⵉⵕ ⵙ ⴰⵢⵍⵍⵉ ⵎⵉ ⵜⴻⵜⵜⵓⵙⴽⴰⵔ ⵜⵉⴹⴰⴼ ⵙⴳ ⵓⴹⴼⵓⵕ ⵏ ⵓⵛⵃⵓ ⵏ ⵡⴰⴷⴷⴰⴷ ⵏ ⵜⵎⴰⵣⵉⵖⵜ ⴳ ⵍⵎⵖⵔⵉⴱ, ⴰⵔ ⴹⴼⴼⵔⵏⵜ ⵜⵓⴳⵜⵜ ⵏ ⵜⵎⵙⵎⵓⵏⵉⵏ ⴷ ⵉⵎⵓⵙⵙⵓⵜⵏ ⵉⵎⴰⵣⵉⵖⵏ ⵜⴰⵖⵏⵙⴰ ⵏⵏⵙⵏ ⵉ ⵓⵙⴱⴷⴷⵉ ⵏ ⴽⵔⴰⵢⴳⴰⵜ ⵉⴱⴱⴰⵢⴹⴰⵕⵏ, ⵏⵉⵖ ⴰⵙⵉⴼⵙⵓⵙ ⵏⵏⵙ ⵏⵏⴰ ⵓⴽⴰⵏ ⵙⵓⵍ ⵉⴽⵔⵔⴼⵏ ⴰⵣⵓⴳⵣ ⴰⵎⵢⴰⴳⴰⵏ ⴷ ⵓⵏⵉⵍⴰⵡ ⵏ ⵓⵙⴰⵡⵔ ⵏ ⵓⵙⵎⴰⵜⴰ ⵏ ⵜⵎⴰⵣⵉⵖⵜ ⴳ ⵜⵉⵏⵎⵍ ⵜⴰⵎⵖⵔⵉⴱⵉⵜ.

ⴳ ⵓⵙⴰⵜⵉ ⴰⴷ ⵙⵙⵎⵏⵉⴷⵉⵏⵜ ⵜⵓⴳⵜⵜ ⵏ ⵜⵎⵙⵎⵓⵏⵉⵏ ⴷ ⵜⵙⵎⵣⴷⴰⵢⵉⵏ ⵜⵉⵎⴰⵣⵉⵖⵉⵏ ⴳ 2/07/2025 ⵙ ⵜⵡⵉⵙⵉ ⵏ ⵢⴰⵏ ⵓⴳⵔⴰⵡ ⵏ ⵓⵎⵣⴰⵖ ⵉⵡⴰⵍⴰⵏ ⵜⵓⴳⵜⵜ ⵏ ⵉⴳⵔⴰⵡⵏ ⵏ ⵉⵎⵙⵜⴰⵏⵏ ⴳ ⵍⵎⵖⵔⵉⴱ ⵙ ⵜⵎⵓⵔⴰⵢⵜ ⵅⴼ ⵜⵎⵙⵎⵓⵏⵉⵏ ⴷ ⵜⵙⵎⵣⴷⴰⵢⵉⵏ ⵜⵉⵎⴰⵣⵉⵖⵉⵏ ⴳ ⵍⵎⵖⵔⵉⴱ, ⵙ ⵓⵎⵚⵉⵕⵉⴹ ⴰⵏⵣⵔⴰⴼ ⵎⵏⵉⴷ ⵏ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⴳ ⵕⵕⴱⴰⵟ ⵎⴳⴰⵍ ⵏ ⵜⵖⵜⴰⵙⵉⵏ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵜⵉⵍⵉ ⴷⵉⴷⵙ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⵢⵓⵊⵊⴰⵏ ⴰⵙⵎⵅⴰⵟⵉ ⵏ ⵓⵙⵎⴰⵜⴰ ⵏ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵡⵉⵔ ⴰⵎⵣⵡⴰⵔⵓ ⴷ ⵓⵎⵏⵣⵓ ⴰⵔ ⴰⵙⴳⴳⵯⴰⵙ 2030.

ⵉⵡⴰⵜⵜⵙ ⵓⵎⵚⵉⵕⵉⴹ ⵖⵔ ⵢⵉⴱⴹⵉ ⵙ ⵡⴰⵔ ⵜⵉⵍⵍⵓⴳⵏⴰ ⵏ ⵜⵖⵜⴰⵙⵜ ⴰⴷ ⵜⴰⵎⵙⵙⵓⴳⵓⵔⵜ ⴰⵛⴽⵓ ⵜⴳⴰ ⴳ ⵢⵣⵜ ⵜⵙⴳⴰ ⵜⴰⵎⵣⵡⴰⵔⵜ ⴷ ⵢⴰⵏ ⵓⵄⴽⴽⵙ ⵓⵍⴳⵉⵏ ⵎⴳⴰⵍ ⵏ ⵉⵙⴱⴷⴰⴷⵏ ⵏ ⵓⴳⵟⵟⵓⵎ ⴰⵎⵣⵡⴰⵔⵓ ⵙⴳ ⵓⵎⵏⵏⵉ 31 ⵙⴳ ⵓⵙⵍⴳⵏ ⴰⵎⴰⴷⴷⴰⵙ 26/16, ⴷ ⴳ ⵜⵙⴳⴰ ⵢⴰⴹⵏ, ⴷ ⵢⴰⵜ ⵜⵉⵕⵥⵉ ⵏ ⵓⵎⵏⵣⴰⵢ ⴰⴷⵙⵜⴰⵔ ⵢⵓⵊⵊⴰⵏ ⴰⴱⵟⵟⵓ ⵏ ⵉⵏⴱⴰⴹⵏ ⴷ ⵏⵏⴰ ⵉⵡⴰⵜⵜⵙⵏ ⴰⴳⴷⴷⵓⵍ ⴷ ⵓⵙⵉⴷⵔⵓⵙ ⵙⴳ ⵜⴷⵡⵍⴰ ⵏ ⵜⴷⵏⴽⴰ, ⴷ ⵙⴳ ⵜⵙⴳⴰ ⵜⵉⵙ ⴽⵕⴰⴹⵜ ⵉⴳⴰ ⴰⵣⴷⴷⵉⵎ ⵡⴰⵔ ⵓⵍⴳⵉⵏ ⵅⴼ ⵜⵡⵓⵔⵉⵡⵉⵏ ⵏ ⵓⵏⴱⴰⴹ ⵓⵣⵔⵉⴼ.

ⵕⵕⴱⴰⵟ 02/07/2025
ⵙⴳ ⵜⵎⵙⵎⵓⵏⵉⵏ ⴷ ⵜⵙⵎⵣⴷⴰⵢⵉⵏ ⵜⵉⵎⴰⵣⵉⵖⵉⵏ ⵉⵙⵙⵎⵏⵉⴷⵏ ⴰⵎⵚⵉⵕⵉⴹ ⴰⵏⵣⵔⴰⴼ.