ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⴳ ⵓⵙⴽⴽⵉⵏ ⵏ ⵓⴷⵔⴰⵡ ⴷ ⵓⵎⵢⴰⵡⴰⵙ ⵉ ⵓⵙⴱⵓⵖⵍⵓ ⵏ ⵜⵏⴱⴰⴹⵜ ⵜⴰⵍⵉⴽⵟⵕⵓⵏⵉⵜ ⴷ ⵓⵙⵎⴰⵜⴰ ⵏ ⵓⵙⵎⵔⵙ ⵏ ⵜⵏⴱⵖⵓⵔⵉⵏ ⵏ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ

🔷 ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⴳ ⵓⵙⴽⴽⵉⵏ ⵏ ⵓⴷⵔⴰⵡ ⴷ ⵓⵎⵢⴰⵡⴰⵙ ⵉ ⵓⵙⴱⵓⵖⵍⵓ ⵏ ⵜⵏⴱⴰⴹⵜ ⵜⴰⵍⵉⴽⵟⵕⵓⵏⵉⵜ ⴷ ⵓⵙⵎⴰⵜⴰ ⵏ ⵓⵙⵎⵔⵙ ⵏ ⵜⵏⴱⵖⵓⵔⵉⵏ ⵏ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ.

🔷 توقيع اتفاقية إطار بشأن الشراكة والتعاون من أجل تطوير الحكومة الإلكترونية وتعميم استخدام ميزات الهوية الرقمية

ⵜⵙⴳⵎⴹ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵜⴰⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵉ ⵡⴰⵏⵏⴰⵍ ⵏ ⵓⴷⵔⴰⵡ ⴰⵎⵔⵙⴰⵍ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵜⵏⴱⴰⴹⵜ ⵜⴰⵍⵉⴽⵟⵕⵓⵏⵉⵜ ⴷ ⵓⵙⵎⴰⵜⴰ ⵏ ⵓⵙⵎⵔⵙ ⵏ ⵜⵏⴱⵖⵓⵔⵉⵏ ⵜⵉⵜⵉⵇⵏⵉⵜⵉⵏ ⴷ ⵉⵙⵀⵡⵏⵏ ⵉⵜⵜⵓⵏⴼⵔⴰⵏ ⵏⵏⴰ ⵜⵙⵙⵓⵊⴰⴷ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ ⵉⵣⴷⵉⵏ ⴷ ⵜⴰⵙⵓⵜ ⵜⴰⵎⴰⵢⵏⵓⵜ ⵙⴳ ⵜⴽⴰⵕⴹⴰ ⵜⴰⵏⴰⵎⵓⵔⵜ ⵏ ⵜⵎⴰⴳⵉⵜ ⵜⴰⵍⵉⴽⵟⵕⵓⵏⵉⵜ.

ⵜⴰⵎⵢⴰⵇⵇⴰⵏⵜ ⴰⴷ, ⵏⵏⴰ ⵉⵜⵜⵓⵙⴳⵎⴰⴹⵏ ⴳ ⵓⵙⵖⵉⵎ ⵏ ⵜⵎⴰⵡⴰⵙⵜ ⴳⵔ ⵜⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵎⴰⵍ ⵍⴼⴰⵍⴰⵃ ⵙⵙⵖⵔⵓⵛⵛⵏⵉ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ, ⵄⴱⴷⵍⵍⴰⵟⵉⴼ ⵃⴰⵎⵎⵓⵛⵉ, ⵜⴷⴷⴰ ⴷ ⵙ ⵓⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⴰⵜⵜⵓⵢⵏⵉⵏ, ⵉⵜⵜⴰⵏⴹⵏ ⵙ ⵓⵙⴱⵓⵖⵍⵓ ⵏ ⵓⵏⴳⵔⴰⵡ ⵏ ⵜⵏⴱⴰⴹⵜ ⵜⴰⵍⵉⴽⵟⵕⵓⵏⵉⵜ ⴷ ⵓⵙⴷⵓⵙ ⵏ ⵓⵙⵎⵔⵙ ⵏ ⵜⵉⵜⵉⵇⵏⵉⵜⵉⵏ ⵜⵉⵜⵔⴰⵔⵉⵏ ⵉ ⵓⵙⵀⵡⵏ ⵏ ⵡⴰⵡⴰⴹ ⵏ ⵓⵏⵎⵓⵔⵉ ⵙ ⵢⴰⵜ ⵜⴷⵍⵙⴰ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⵎⴽⵍⵍⵉ ⵜⴽⵛⵎ ⴳ ⵓⵙⴰⵜⵉ ⵏ ⵓⵣⵓⴳⵣ ⵏ ⵜⵙⵜⵕⴰⵜⵉⵊⵉⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ 2030”.

ⵜⵡⴰⵜⵜⵙ ⵜⵎⵢⴰⵇⵇⴰⵏⵜ ⴰⴷ, ⵏⵏⴰ ⴷ ⵢⵓⴳⵎⵏ ⵙⴳ ⵜⵉⵔⵉⵜ ⵏ ⵜⵎⵔⵙⴰⵍ ⵙ ⵙⵏⴰⵜ ⵙ ⵓⵙⵖⵓⴷⵓ ⵏ ⵓⵖⵓⴷⵓ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵉⵜⵜⵓⵙⵎⵏⵉⴷⵏ ⵉ ⵜⵏⵎⵓⵔⴰ ⴷ ⵉⵏⵎⵓⵔⴰⵏ ⵙⴳ ⵜⵡⵡⵓⵔⵜ ⵏ ⵓⵙⴽⴰⵔ ⵏ ⵓⵙⵎⴰⴷ ⴰⵙⵖⵏⴰⵏ ⴳⵔ ⵜⵎⵙⵙⵓⴳⴰⵔ ⴷ ⵜⵎⵔⵙⴰⵍ, ⵙ ⵓⵙⵙⵕⵚⵓ ⵏ ⵓⵙⴰⵜⵉ ⵓⵍⴳⵉⵏ ⴷ ⵓⵎⴰⴷⴷⴰⵙ ⵉ ⵡⵓⵜⵓⵢ ⵏ ⵓⴷⵔⴰⵡ ⴷ ⵓⵎⵢⴰⵡⴰⵙ ⴳⵔ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵜⵙⴳⴰ, ⴷ ⵓⵙⴷⵓⵙ ⵏ ⵓⵙⴱⵓⵖⵍⵓ ⵏ ⵜⵏⴱⴰⴹⵜ ⵜⴰⵍⵉⴽⵟⵕⵓⵏⵉⵜ ⴷ ⵜⵉⴽⴽⵉ ⵏ ⵜⵏⵓⴼⴰ ⵏ ⵓⴳⴳⵉⵡⵙ ⵅⴼ ⵜⵎⴰⴳⵉⵜ ⵏⵏⴰ ⵉⵙⵙⵎⵏⵉⴷ ⵓⵏⴳⵔⴰⵡ ⵏ ⵓⴳⵎⴰⵎ ⵡⵉⵙ ⴽⵕⴰⴹ ⴰⵏⴰⵎⵓⵔ ⵖⵓⵔ ⵜⴰⵎⵢⵉⵎⴰⵏⵜ ⵉ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴳ ⵜⵙⴳⴰ ⵜⵉⵙ ⵙⵏⴰⵜ.

ⵎⴽⵍⵍⵉ ⵜⴱⴱⴰⴳ ⵜⵎⵢⴰⵇⵇⴰⵏⵜ ⴰⴷ, ⴰⵏⵏⴰⵍ ⵏ ⵜⵡⵓⵔⵉ ⵜⴰⵎⵔⵙⴰⵍⵜ ⵉⵛⵛⴰⵔⵏ ⵙ ⵜⵡⵉⵍⴰ ⵉⵜⵜⴰⵊⵊⴰⵏ ⵜⴰⵣⵣⴰⵣⵜ ⵏ ⵓⵙⵏⴼⵍ ⴰⵎⵓⵟⵟⵓⵏ ⵉ ⵢⵉⴳⵔ ⴰⵎⴰⵜⴰⵢ, ⴷ ⵡⴰⵏⵏⴰⵍ ⵏ ⵓⵙⴱⵓⵖⵍⵓ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵜⵉⵎⵓⵟⵟⵓⵏⵉⵏ ⵎⵉ ⵢⴰⵜⵜⵓⵢ ⵓⵖⵓⴷⵓ ⴷ ⵉⴳⴰⵏ ⵜⵉⵖⵣⵓⵔⴰⵏⵉⵏ, ⵏⵏⵓⵎⵙⵏⵜ ⵅⴼ ⵓⵙⴷⵓⵙ ⵏ ⵜⵉⵔⵎⵉⵜ ⵏ ⵓⵎⵙⵙⵎⵔⵙ, ⵙⴳ ⵓⵙⵏⴼⵍ ⵏ ⵜⵉⵍⵉⵜ ⵜⴰⴽⵎⴰⵎⵜ ⵏ ⵓⵏⵎⵓⵔⵉ ⵙ ⵓⵏⵜⴰⵎ ⴰⵎⵓⵟⵟⵓⵏ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ

#MTNRA #Morocco #digitalMorocco2030 #EGOV #ⴰⵙⵓⵖⵍ #ⵜⴰⵎⴰⵣⵉⵖⵜ #ⴰⵎⵓⵟⵟⵓⵏ