ⴰⵕⵥⵥⵓⵎ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵔⴰⵏⴰⵡⵜ ⴳ ⵢⵉⴳⵔ ⵏ ⵓⵎⵎⵓⵄⴹⵕ ⴷ ⵜⵖⵓⵔⵉ ⵉ ⵓⵙⴷⵓⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵖⴰⵎⵓⵙ ⴰⵏⵖⵎⴰⵙ ⵉ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵡⴰⴷⴷⴰⴷ ⵏ ⵓⵎⵎⵓⵄⴹⵕ

ⵜⵡⴰⵜⵜⵙ ⵜⵙⵏⵜⴰⵢⵜ ⴰⴷ, ⴳ ⵜⴼⵔⴽⵜ ⵏⵏⵙ ⵜⴰⵎⵣⵡⴰⵔⵓⵜ, ⴰⴷ ⵜⵙⴷⵓⵙ ⵜⴰⴷⵔⴰⵡⵜ ⵏ ⵜⵏⵖⵎⴰⵙⵉⵏ/ⵉⵏⵖⵎⴰⵙⵏ ⴳ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⴷ ⴰⴷ ⵜⵙⵎⵖⵔ ⵜⴰⴷⵔⴰⵡⵜ ⵏⵏⵙⵏ/ⵜ ⴳ ⵓⵎⵣⴰⵖ ⵅⴼ ⵜⵎⵙⴰⵔⵉⵏ ⵏ ⵓⵎⵎⵓⵄⴹⵕ ⴷ ⵓⵙⴷⵓⵙ ⵏ ⵓⴼⵔⴰⴽ ⴰⵏⴰⵎⵓⵏ ⴷ ⵓⵙⵏⴼⵍ ⵏ ⵜⵡⵍⴰⴼⵉⵏ ⵜⵉⵎⴷⵢⴰⵜⵉⵏ ⵜⵓⵣⴷⵉⵔⵉⵏ ⵏⵏⴰ ⵉⵙⴱⵉⴹⵉⵕⵏ ⴰⴷⴰⴼ ⴰⵎⵢⴰⴳⴰⵏ ⵖⵔ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ.

ⵜⵣⵎⵔ ⵜⵏⵖⵎⴰⵙⵜ, ⵙ ⵓⵔⵎⵎⵓⵙ ⵏⵏⵙ ⴰⵎⵉⵔⵉⵡ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵣⵎⵣⵣⵓ ⴰⴷ, ⴰⴷ ⵜⴳ ⵜⴰⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵉ ⵓⵙⴼⵓⵍⴽⵉ ⵏ ⵡⴰⴷⴷⴰⴷⵏ ⵏ ⵜⵓⴷⵔⵜ ⵏ ⵓⴳⴳⵉⴷⵏ ⴳ ⵓⵙⵓⵔⵙⵏ ⵓⵎⵎⵓⵄⴹⵕ, ⵙ ⵜⴷⵔⴰⵡⵜ ⴳ ⵓⵙⴼⵙⵉ ⵏ ⵜⵡⵍⴰⴼⵉⵏ ⵜⵉⵎⴷⵢⴰⵜⵉⵏ ⴷ ⵓⵙⴷⵓⵙ ⵏ ⵓⴼⵔⴰⴽ ⴰⵏⴰⵎⵓⵏ ⵙ ⵉⵣⵔⴼⴰⵏ ⵏ ⵓⵙⵎⵉⵍ ⴰⴷ ⴷ ⵡⴰⵙⵙⴰⵔⵏ ⵏⵏⵙ, ⴷ ⵡⴰⵏⵏⴰⵍ ⵏ ⵓⵣⵓⵣⵣⵔ ⵏ ⵜⵓⵙⵙⵏⴰ ⵏ ⵜⵉⵔⴰⵜ ⵏ ⵓⵎⵣⴰⵔⴰⵢ ⴷ ⵓⵎⵢⴰⵏⴰⵡ. ⵎⴰⵛ ⴰⵙⴽⴽⵉⵏ ⴰⴷ, ⴰⵏⴰⵔⵓⵣ ⴰⴷ, ⴷ ⵓⵙⵓⴼⵖ ⵏ ⵜⵉⵍⴰⵍⵜ ⴰⴷ, ⵜⵔⵏⴰ ⵎⴰⵙⵙⴰ ⴱⵓⵄⵢⵢⴰⵛ, ⵓⵔ ⵉⵜⵜⵡⴰⴹⵎⴰⵏ ⵙ ⵜⵡⵉⵍⴰ ⵜⴰⵎⵙⴰⵎⴰⵜ ⵏⵖ ⵜⴰⵡⵓⵔⵎⴰⵏⵜ.

ⵓⵟⵟⵓⵏ ⴰⵎⵏⴽⴰⴱ!

ⴳ ⵜⴳⵓⵔⵉ ⵏⵏⵙ, ⵜⵙⵙⵉⴷⴷ ⵎⴰⵙⵙⴰ ⴱⵓⵄⵢⵢⴰⵛ ⵅⴼ ⵜⵏⵥⴰⵕ ⵏⵏⴰ ⵜⵜⵎⵏⴰⵍⴰ ⵜⵏⵖⵎⴰⵙⵜ ⴳ ⵓⵎⵢⴰⵖ ⴷ ⵜⵎⵙⴰⵔⵉⵏ ⵏ ⵓⵎⵎⵓⵄⴹⵕ, ⵜⵙⵎⵏⵉⴷ “ⴰⵍⵎⴰⴹ ⴰⵣⵎⵣⴰⵏ” ⵏ ⵓⵖⴰⵎⵓⵙ ⴰⵏⵖⵎⴰⵙ ⵏ ⵜⵎⵙⴰⵔⵉⵏ ⴰⴷ.

ⴳ ⵓⵎⵏⴰⴹ ⴰⴷ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵓⵟⵟⵓⵏⵏ ⵉⵎⵙⴰⵎⵏⵓⵙⵏ ⵉⵎⵎⴰⵍⵏ ⵎⴰⵙ ⴷ ⴰⵙⵖⴰⵍ ⵏ ⵉⵎⴳⵔⴰⴷⵏ ⴷ ⵉⵙⵓⴳⴰⵎ ⵉⵏⵖⵎⴰⵙⵏ ⵉⵙⴰⵡⴰⵍⵏ ⵅⴼ ⵜⵎⵙⴰⵔⵉⵏ ⵏ ⵓⵎⵎⵓⵄⴹⵕ ⵓⵔ ⵉⵣⵔⵉ 1.2% ⵙⴳ ⵜⴰⴳⴰⵔⵜ ⵏ ⵓⵡⵏⵏⵉ ⴰⵏⵖⵎⴰⵙ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ. ⵙⴳ ⵓⵥⵓⵕ ⵏ 234 ⵏ ⵉⴼⴹ ⴷ 151 ⵏ ⵓⵎⴳⵔⴰⴷ ⴷ ⵓⵙⴰⵖⵓⵍ ⴰⵏⵖⵎⴰⵙ ⵏⵏⴰ ⵉⴹⴼⵕ ⵓⵙⵇⵇⵉⵎ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵓⵍ ⵓⵟⵟⵓⵏ ⵏ ⵉⵎⴳⵔⴰⴷⵏ ⵉⵙⴰⵡⴰⵍⵏ ⵅⴼ ⵜⵎⵙⴰⵔⵉⵏ ⵏ ⵓⵎⵎⵓⵄⴹⵕ ⴰⵙⵙ ⴰ ⴷⴷⴰⵡ ⵏ 3000 ⵏ ⵓⵎⴳⵔⴰⴷ, ⴰⴷ ⵜⵏⵏⴰ.

ⴰⵔ ⵜⵎⵎⴰⵍ ⵜⵉⵍⴰⵡⵜ ⴰⴷ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ, ⴰⵙⵙⴰⵔ ⴰⴽⵙⵡⴰⵜ ⵙ ⵓⵙⴷⵓⵙ ⵏ ⵓⴼⵔⴰⴽ ⴰⵏⵖⵎⴰⵙ ⵙ ⵜⵎⵙⴰⵔⵉⵏ ⵏ ⵓⵎⵎⵓⵄⴹⵕ, ⵜⵖⵔ ⵙ ⵓⵙⵔⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵏⵖⵎⴰⵙⵉⵏ ⵜⵉⴽⴰⵢⵍⴰⵍⵉⵏ ⵉⵡⴰⵜⵜⵙⵏ ⴰⴷ ⵏⴽⵔⵏⵜ ⵙ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵙ ⵜⵏⵖⵎⴰⵙⵜ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴹ, ⴷ ⵓⵙⵙⵉⴷⴷ ⵅⴼ ⵓⵙⵎⵉⵍ ⴰⴷ ⴷ ⵓⵙⵉⴷⴼ ⵏⵏⵙ ⴳ ⵓⵎⴹⴰⴽⴰⵕ ⴰⵎⴰⵜⴰⵢ, ⵖⴰⵢⴰⴷ ⴰⵡⴷ ⵙ ⵓⵙⵙⵔⵇⴱ ⵏ ⵓⵎⵢⴰⵖ ⴰⵏⵖⵎⴰⵙ ⴷ ⵜⵎⵙⴰⵔⵉⵏ ⴰⴷ ⵙ ⵜⴱⵔⵉⴷⵜ ⵜⴰⵖⵣⵓⵔⴰⵏⵜ ⵙ ⵓⵎⵙⴰⵙⴰ ⴷ ⵜⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵕⵕⴰⵥ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ.

ⵉ ⵓⵙⵙⴽⵜⵉ, ⵉⴳⴰ ⵓⵙⴳⵔⴰⵡ ⴰⵏⴰⵎⵓⵔ ⵏ ⵓⵎⵓⵄⴹⵕ, ⵉⵜⵜⵓⵙⵏⵎⴰⵍⴰⵏ ⵙ ⵜⴷⵔⴰⵡⵜ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ 16, ⵜⴰⴷⴰⴱⵓⵜ ⵏ ⵓⵎⵙⴰⵡⴰⵍ ⴷ ⵓⵙⵡⵉⵏⴳⵎ ⵉⵛⵛⴰⵔⵏ ⵅⴼ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙⵏ ⵓⵎⵎⵓⵄⴹⵕ.