ⵜⴰⴷⵍⵙⴰ

ⴰⵕⵥⵥⵓⵎ ⵏ ⵜⴳⴳⵓⵔⴰ ⵏ ⵓⵙⵜⴰⵢ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵏ ⵓⵙⴳⴳⴰⵙ 2024- ⴰⵏⴰⵡ ⵏ ⵓⵙⴰⵔⵓ

ⵙ ⵜⵎⵍⴷⴰ ⵏ ⵓⴽⵜⵜⴰⵢ ⵏ ⴽⵓ ⴰⵙⴳⴳⵯⴰⵙ ⵏ ⵢⵉⵏⵏⴰⵡ ⴰⴳⵍⴷⴰⵏ ⴰⵎⵣⵔⵓⵢⴰⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⴰⵊⴷⵉⵔ, ⵍⵍⵉⵖ ⵉⵙⴽⵔ ⴳ ⵜⵎⴰⵣⵉⵖⵜ ⵢⴰⵜ ⴳ ⵉⴼⵔⴷⵉⵙⵏ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵢⵜ. ⴷ ⵙ ⵓⵙⴽⴰⵔ ⵙ ⴰⵢⵍⵍⵉ ⴷ ⵢⵓⵛⴽⴰⵏ ⴳ ⵜⴰⵍⵖⴰ ⵜⴰⵎⵙⴰⵖⵓⵍⵜ ⵍⵍⵉ ⵉⵙⵏⵎⴰⵍⴰⵏ ⴰⵙⵙⴰⵔ ⴳⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷ ⵜⵎⵙⵎⵓⵏⵉⵏ ⵜⵉⵏⴰⵎⵓⵔⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵓⴱⴰⵔⴰⵣ ⵏ ⵓⵙⴱⵓⵖⵍⵓ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷ ⵙ ⵓⵣⵉⴳⴳⵣ ⵏ ⵓⵙⵏⵎⴰⵍⴰ ⵍⵍⵉ ⵙ ⵜⵜⵉⴷⵓ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⵍⵉ ⵙ ⵉⵣⵣⵉⴳⵉⵣ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷⴰ ⵜⵙⵙⵍⵖⵓ ⵜⵎⵙⵎⵓⵏⵜ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵡⵓⵔⵖ ⴰⵕⵥⵥⵓⵎ ⵏ ⵜⴳⴳⵓⵔⴰ ⵏ ⵓⵙⵜⴰⵢ  ⵙ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵓⵙⴰⴳⴳⴰⵙ 2024, ⴰⵏⴰⵡ ⵓⵙⴰⵔⵓ.

ⵜⵉⵎⵣⵉⵣⵣⵍⵜ ⵜⵓⵎⴰ ⴰⵏⴰⵡⵏ ⴰⴷ:

ⵉⵙⵓⵔⴰ ⵉⵎⴰⵏⴳⴰⵍⵍⵏ ( ⵉⵖⵣⵣⴰⴼⵏ ⴷ ⵡⵉⴷ ⴳⵣⵣⵓⵍⵏⵉⵏ)

ⵉⵙⵓⵔⴰ ⵓⵏⵜⵉⵎⵏ ( ⵉⵖⵣⵣⴰⴼⵏ ⴷ ⵡⵉⴷ ⴳⵯⵣⵣⵓⵍⵏⵉⵏ)

ⵜⴰⵙⵙⵏⵜⴰⵢⵜ ⴰⴷ ⵜⵓⴷⴼ ⴳ ⵜⴰⵍⵖⴰ ⵏ ⵜⵙⵎⵖⵓⵔⵉⵏ ⵜⵉⵙⴳⵯⵙⴰⵏⵉⵏ ⵍⵍⵉ ⵢⴰⴽⴽⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉ ⵉⵎⵙⵏⴼⵍⵓⵍⵏ ⴳ ⵢⵉⴳⵔ ⵏ ⵜⵥⵓⵕⵉ ⴷ ⵜⴷⵍⵙⴰ ⴷ ⵓⵙⵏⵖⵎⵙ ⴷ ⵜⵙⴽⵍⴰ, ⴼ ⵓⵙⵙⵉⵎⵖⵔ ⵏ ⵓⵙⵏⴼⵍⵓⵍ ⴷ ⵓⵙⵏⴼⴰⵍⴰⵍ ⵏ ⵜⴱⵖⵔⵜ ⴷ ⵜⵎⵏⵏⴰⵡⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵜ.

ⵜⵉⴼⴰⴷⵡⵉⵏ ⵓⵙⵜⴰⵢ

ⵉⵍⵍⴰ ⴼ ⵡⴰⵏⵏⴰ ⵔⴰⴷ ⵉⴷⵔⵓ ⴳ ⵜⵎⵣⵉⵣⵣⵍⵜ ⴰⴷ ⴷ ⴰⵣⵏ ⴰⵙⴷⴰⵡ ⵏⵏⵙ ⵏⵏⴰ ⴳ ⵍⵍⴰⵏⵜ ⵜⴷⴽⴰⵔⵉⵏ ⴰⴷ:

– ⴰⵙⵙⵓⵜⵔ ⵉⵜⵜⵢⴰⵔⴰⵏ ⵉⵜⵜⵢⴰⵣⴰⵏⵏ ⵉ ⵎⴰⵙⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ

– ⴰⵙⵙⴳⵣⵍ ⵏ ⵓⵙⴰⵔⵓ ⴷ ⵓⵙⵎⴰⵍ ⵏⵏⵙ

– ⵜⴰⵡⵍⴰⴼⵜ ⵜⵓⴷⵎⴰⵡⴰⵏⵜ ⵏ ⵓⵎⵙⵙⵓⴼⴼⵖ

– ⵜⴰⵎⴷⴷⵓⵔⵜ ⵏ ⵓⵎⵙⵙⵓⴼⴼⵖ

– ⵜⴰⵡⵍⵍⴰⴼⵜ ⵉⵜⵜⵓⵙⴳⵯⵎⴰⴹⵏ ⵏ ⵜⴽⵕⴹⴰ ⵜⴰⵏⴰⵎⵓⵔⵜ ⵏ ⵓⵎⵙⵙⵓⴼⴼⵖ

– ⴰⴽⴰⵔⵉⴼ ⵏ ⵡⴰⴳⴳⴰⵎ ⵏ ⵓⵙⴰⵔⵓ ⵙ ⵜⵡⵍⴰⴼⵜ ⵢⴰⵜⵜⵓⵢⵏ

– ⵙⵎⵎⵓⵙⵜ ⵜⵓⵏⵖⵉⵍⵉⵏ ⵏ ⵓⵙⴰⵔⵓ ⴳ ⵜⵇⴰⵕⵉⴹⵉⵏ ⵏ DVD ⵏⵖ ⴷ  Blu-ray

ⴷⴰ ⵜⵜⵢⴰⵣⴰⵏⵏ ⵉⵙⴷⴰⵡⵏ ⵙⵏⴰⵜ ⵜⵓⵏⵖⴰⵍⵉⵏ

– ⵜⵓⵏⵖⴰⵍⵜ ⵏ ⵜⵏⴼⵓⵍⵉⵏ ⵙ ⵡⴰⵏⵙⴰ ⴰⴷ:

ⴰⴼⵏⵉⵇ ⵏ ⵜⵓⵣⵓⵏⵜ 20724, ⴰⵙⵓⴽ ⵎⵓⵍⴰⵢ ⵄⴱⴷⵍⵍⴰⵀ, ⵜⵉⵖⵔⵎⵜ ⵜⴰⵎⴰⵢⵏⵓⵜ, 80000- ⴰⴳⴰⴷⵉⵔ

– ⵜⵓⵏⵖⴰⵍⵜ ⵜⴰⵍⵉⴽⵜⵔⵓⵏⵜ ⵙ ⵡⴰⵏⵙⴰ ⴰⴷ:

[email protected]

ⴰⵙⴰⴽⵓⴷ ⵉⴳⴳⵔⴰⵏ ⴷ ⵜⵓⵣⵓⵏⵉⵏ ⵏ ⵉⵙⵜⴰⵢⵏ: ⴰⵙⵙ 05 ⵖⵓⵛⵜ 2025

ⵉⵙⵏⵉ ⵏ ⵡⵓⵔⵖ ⵉⴳⴰ ⵢⴰⵏ ⵓⵙⴰⵜⵓⵔ ⴰⴷⵙⵍⴰ ⴳ ⵓⵙⴰⵏⴰⵢ ⵏ ⵙⵙⵉⵏⵉⵎⴰ ⵏ ⵜⵎⴰⵣⵉⵖⵜ, ⵎⴽ ⴷⴰ ⵉⴳⴰ, ⵓⴳⴳⴰⵔ ⵏ ⵎⵔⴰⵡ ⵉⵙⴳⴳⵯⴰⵙ ⴰⵢⴰ ⴷ ⵢⴰⵏ ⵓⴷⴰⵙⵉⵍ ⵉⴳⴰⵏ ⵡⴰⵥ ⵏ ⵜⵢⴰⴼⴰ ⴷ ⵓⵙⵓⵜⵜⴳ ⵏ ⵜⵎⴼⴽⵉⵜⵉⵏ ⵉⴽⴽⴰⵏ ⴰⴱⵔⵉⴷ ⵏⵏⵙⵏ ⵙ ⵜⵓⴼⵓⵜ ⴳ ⵢⵉⴳⵔ ⵏ ⵓⵙⵓⴼⴼⵖ ⴷ ⵓⴼⴰⵔⵙ, ⵎⴰ ⴰⵏⵏ ⵙ ⵡⴰⵙⵙⴰⵔ ⵏⵏⵙ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⴷ ⵏⴰⵃⵢⴰ ⴰⵍⵎⵓⴳⴳⴰⵔ ⴰⴷ ⵙ ⵓⵙⵏⵎⴰⵍⴰ ⵏⵏⵙ ⵏ ⵜⵙⴰⵡⵡⵓⵔⵉⵏ ⵏ ⵓⵙⵎⵓⵜⵜⴳ ⴷ ⵉⵖⴰⵡⴰⵙⵏ ⵏ ⵡⵓⵏⵓⵏ ⵍⵍⵉ  ⵅⴼ ⵜⵜⵉⵍⵉⵏ ⵉⵙⵍⵎⴰⴷⵏ ⴷ ⵉⵎⴰⵥⵍⴰⵢⵏ ⴰⵎⵖⴰⵔⴱⵉⵢⵏ ⴷ ⵉⴳⵔⴰⵖⵍⴰⵏⵏ, ⵎⴰ ⴰⵏⵏ ⵢⵉⵡⵙ ⵉ ⵜⵓⴳⴳⵜ ⵏ ⵉⵄⵔⵔⵉⵎⵏ ⴰⴷ ⵙⵙⴰⵜⵜⵓⵢⵏ ⴰⵙⵡⵉⵔ ⵏⵏⵙⵏ ⴷ ⵜⵣⵎⵎⴰⵔ ⵏⵏⵙⵏ ⴳ ⵜⵡⴰⴷⴰ ⵏⵏⵙⵏ ⵜⴰⵥⵓⵕⴰⵏⵜ.

ⵕⴰⵛⵉⴷ ⵎⵓⵜⵛⵓ

ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⴰⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ

          

Leave a Reply

Your email address will not be published. Required fields are marked *

Back to top button