ⴰⵎⵙⴰⵡⴰⵍ ⴰⵏⴰⵎⵓⵔ ⴰⵎⴰⵣⵉⵖ.. ⴰⵙⴽⴽⵓⵢⵙ ⴰⵎⵣⵡⴰⵔⵓ. (الحوار الوطني الأمازيغي)

ⴷⴰⵜ ⵏ ⴽⵉⴳⴰⵏ ⵏ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴷ ⵉⵙⵡⵉⵏⴳⵉⵎⵏ ⵅⴼ ⵉⵎⵓⴽⵔⵉⵙⵏ ⵏⵏⴰ ⵜⵜⵉⴷⵉⵔ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⴷ ⵓⵎⵓⵙⵙⵓ ⴰⵎⴰⵣⵉⵖ ⴳ ⵍⵎⵖⵔⵉⴱ, ⵏⵏⴰ ⵉⵜⵜⵓⴳⴰⵏ ⴳ ⵙⵉⵏ ⵢⵉⵔⵏ ⴰⴷ ⵉⵣⵔⵉⵏ, ⴰⴽⴷ ⴽⵉⴳⴰⵏ ⵏ ⵉⵎⵖⵏⴰⵙⵏ ⴷ ⵜⵎⵖⵏⴰⵙⵉⵏ ⵉⵎⴰⵣⵉⵖⵏ ⴳ ⵍⵎⵖⵔⵉⴱ, ⵃⵎⴰ ⴰⴷ ⵜⵜⵓⵙⴽⵉⵔⵏ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴷ ⵉⵙⴽⴽⵓⵢⵙⵏ ⵉⵏⴰⵎⵓⵔⵏ ⵙⴳ ⵜⵏⵇⵇⴰⴹ ⴰⴷ ⴷ ⵉⴷⴷⴰⵏ :

_ ⴰⵡⵜⵜⴰⵙ ⵏ ⵓⵎⵢⴰⵡⴰⴹ ⴰⵏⴰⵎⵓⵔ ⴰⵎⴰⵣⵉⵖ ⴰⴼⴰⴷ ⴰⴷ ⵉⵙⵎⵔⵙ ⵜⵉⵎⵉⵖⵉⵙⵜ ⵜⴰⵏⴰⵎⵓⵏⵜ ⵙⴳ ⵓⵎⵙⴰⵡⴰⵍ ⴷ ⵓⵎⵔⴰⵔⴰ ⵏ ⵜⵓⵙⵙⵏⴰ ⴷ ⵜⴰⵏⵏⴰⵢⵉⵏ ⴰⴼⴰⴷ ⴰⴷ ⵉⵜⵜⵉⵏ ⵉⵎⵓⴽⵔⵉⵙⵏ ⴰⴽⴽⵯ ⵏⵏⴰ ⵉⵍⵍⴰⵏ ⴷⴰⵜ ⵏ ⵓⵎⵓⵙⵙⵓ ⴰⵎⴰⵣⵉⵖ ⵃⵎⴰ ⴰⴷ ⴷⵓⵙⵏ ⵉⵣⵔⴼⴰⵏ ⵉⵎⴰⵣⵉⵖⵏ, ⵔⴰⴷ ⵜⵜⵓⵙⴽⴰⵔⵏ ⵜ ⵜⴳⵉⵡⵔⵉⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵔ ⴰⵎⴰⵣⵉⵖ ⴰⴽⴷ ⵓⴱⵓⵖⵍⵓ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵢⴰⵡⴰⴹ.

_ ⵔⴰⴷ ⵜⵜⵓⵙⴽⴰⵔⵏ ⵙⵎⵎⵓⵙ ⵉⵏⵎⵓⵇⵇⴰⵔⵏ ⵏ ⵓⵎⵢⴰⵡⴰⴹ ⴰⵏⵎⵓⵔ ⴰⵎⴰⵣⵉⵖ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ, ⴷ ⵢⴰⵏ ⵉⴳⵉⵡⵔ ⵏ ⵓⵙⵙⴰⵜⵉⴳ ⵏⵏⴰ ⵔⴰⴷ ⵉⵎⵍ ⵉⵙ ⵔⴰⴷ ⵜⵜⵓⵙⴽⴰⵔ ⵜⵙⵏⵜⴰⵢⵜ ⴰⴷ ⵏⵖⴷ ⵓⵀⵓⵢ, ⵔⴰⴷ ⵉⵙⵙⵏⵜⵉ ⵓⵎⵢⴰⵡⴰⴹ ⴰⵏⴰⵎⵓⵔ ⴰⵎⴰⵣⵉⵖ ⴳ ⵡⴰⵙⵙ ⵏ ⵓⵚⵉⴹⵢⴰⵙ 27 ⴷⵓⵊⴰⵏⴱⵉⵔ 2025 ⴳ ⵜⵖⵔⵎⵜ ⵏ ⵕⵕⴱⴰⵟ ⵔⴰⴷ ⵉⵙⵓⵍ ⴰⵔ ⵡⴰⵢⵢⵓⵔ ⵏ ⴽⵟⵓⴱⵕ ⵏ ⵓⵙⴳⴳⵯⴰⵙ ⵏ 2026 .

_ ⵉⵡⵜⵜⴰⵙⵏ ⵓⵙⵔⵉⴷⵏ ⴷ ⵡⴰⵔ ⵓⵙⵔⵉⴷⵏ ⵏ ⵜⵙⵏⵜⴰⵢⵜ ⴰⴷ ⵔⴰⴷ ⵜⵜⵓⴼⵙⴰⵔⵏ ⴰⴽⴽⵯ ⴳ ⵉⴳⵉⵡⵔ ⴰⵎⵣⵡⴰⵔⵓ, ⴷ ⵓⵔ ⴰⴷ ⵜⴼⴼⴰⵖ ⵜⵙⵏⵜⴰⵢⵜ ⵉ ⵢⵉⵡⵜⵜⴰⵙⵏ ⵏⵏⵙ ⵏⵏⴰ ⵅⴼ ⵜⵚⴽⴰ ⵏⵉⵖ ⵜⵉⵣⵡⵉⵔⵉ ⵏ ⴽⵔⴰ ⵏⵜⴼⵔⴽⵉⵡⵉⵏ ⵏⵏⵙ ⴰⵛⴽⵓ ⵓⵔ ⵜⵣⴷⵉ ⴷ ⵓⵎⵏⴰⴹ ⵏ ⵓⵙⵜⴰⵢ ⴷ ⵡⵉⵢⵢⴰⴹ ⴷ ⵓⵍⴰ ⴰⵃⵟⵟⵓ ⵏ ⵓⴱⵓⵖⵍⵓ ⵏ ⵓⵎⵢⴰⵡⴰⴹ ⴰⵏⴰⵎⵓⵔ ⴰⵎⴰⵣⵉⵖ ⴷ ⵓⵡⵇⵇⵔ ⵏ ⵉⵜⴳⴰⵔⵏ ⵏ ⵜⵡⵡⵓⵔⵉ ⵜⴰⴳⵔⴰⵡⴰⵏⵜ .

ⵔⴰⴷ ⵢⵉⵍⵉ ⵓⵎⵙⴰⵡⴰⴹ ⴷ ⴽⵉⴳⴰⵏ ⵏ ⵉⵎⵖⵏⴰⵙⵏ ⴷ ⵜⵎⵖⵏⴰⵙⵉⵏ ⵏⵏⴰ ⴷ ⴷⴰⵔ ⴰⵏⵣⴳⵓⵎ ⵏ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⴷ ⵡⵉⵏⵏⴰ ⴳ ⵍⵍⴰⵏ ⵉⵙⴰⵖⵓⵍⵏ ⵏ ⵓⵎⵓⵙⵙⵓ ⴰⵎⴰⵣⵉⵖ ⵏⵏⴰ ⴷ ⵢⵓⴳⵎⵏ ⵙⴳ ⵜⵎⵢⴰⵇⵇⴰⵏⵉⵏ ⴷ ⵉⵙⵍⴳⴰⵏⵏ ⵉⵎⴰⴹⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⴷⴰⵏⵏ ⵉⵎⵣⵡⵓⵔⴰ ⴷ ⵉⵜⴳⴰⵔⵏ ⵉⵎⵜⵉⵡⴰⴳⵏ, ⵡⴰⵏⵏⴰ ⵓⵔ ⵉⵍⴽⵎ ⵓⵏⵖⵎⵉⵙ ⵉⵔⵉ ⴰⴷ ⵉⵎⵢⴰⵡⴰⴹ ⴷ ⵢⴰⵏ ⴳ ⵉⴳⵎⴰⵎⵏ ⵏ ⵜⵙⵏⵜⴰⵢⵜ ⴰⴷ , ⵙ ⵜⴼⴰⴷⴰ ⴰⴷ ⵜ ⵉⵏⵏⴰ ⴳ ⵉⴳⵉⵡⵔ ⴰⵎⵣⵡⴰⵔⵓ ⵉ ⵜⴰⵢⵎⵓⵏⵜ ⵜⴰⵙⵏⵎⴰⵍⴰⵢⵜ ⵏ ⵜⵙⵏⵜⴰⵢⵜ ⴰⴷ .