ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵙⵇⵇⵉⵎ ⵏ ⵜⵎⵀⵍⴰ ⵏ ⵜⵉⵎⵔⵙⵍⵜ ⵏ ⵓⵃⵟⵟⵓ ⵏ ⵡⴰⵢⴷⴰ ⴰⴷⵍⵙⴰⵏ ⵏ ⵜⵎⴷⵉⵏⵜ ⵏ ⵕⵕⴱⴰⵟ

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵉⵎⵔⵙⵍⵜ ⵏ ⵓⵃⵟⵟⵓ ⵏ ⵡⴰⵢⴷⴰ ⴰⴷⵍⵙⴰⵏ ⵏ ⵜⵎⴷⵉⵏⵜ ⵏ ⵕⵕⴱⴰⵟ ⵎⴰⵙ ⵜⵙⴰⵡⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⵉⵏⴰⵡⵜ ⵏⵏ ⵙ ⵓⵣⵎⵣⵣⵓ ⵢⴰⴷ ⵅⴼ ⵜⵉⵖⴰⵡⵙⵉⵡⵉⵏ ⵍⵍⵉ ⵜⵙⴽⵔ ⵜⵎⵔⵙⵍⵜ ⴳ ⵉⵙⴳⴳⴰⵙⵏ ⵏ 2022 ⴷ2023.

ⵜⵙⴷⴷⵉⴷ ⵜⴳⵍⴷⵓⵏⵜ ⵅⴼ ⵜⴰⵡⵓⵔⵉ ⵉⵙⴷⵉⵙⵏ ⴷ ⵉⵖⵓⴷⴰⵏ ⵏ ⵜⵉⵎⵔⵙⵍⵜ ⴷ ⵉⵎⴷⵔⴰⵡⵏ ⵏⵏⵙ ⵏ ⵜⵙⴳⴰ ⴳ ⵉⴳⵔⴰⵏ ⵜⴰⴷⵍⵙⴰ ⴷ ⴰⵙⴳⵎⵉ ⴰⵏⴰⵎⵓⵔ ⴳ ⵜⵉⵏⵎⴰⵍ ⵏ ⵉⵎⵥⵢⴰⵏⵏ ⴷ ⵉⵙⵏⴰⵡⴰⵏⵏ ⴰⴼⴰⴷ ⵜⴰⵏⴽⴰⵔ ⵙ ⵉⵙⵍⴰⵎⴷⵏ ⴷ ⵜⵉⵙⵍⵎⴰⴷⵉⵏ ⴰⴷ ⵉⵙⵙⴰⵏ ⴰⵟⵜⴰⵙ ⴰⵢⴷⴰ ⵏ ⵜⴰⵎⴷⵉⵏⵜ ⵏⵏⵙⵏ ⴷ ⵓⵃⵟⵟⵓ ⵏⵏⵙ .

ⵜⵎⵍⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵓⵍⴰ ⴰⵏⴰⵡ ⵏ ⵉⵎⵓⵙⵙⵓⵜⵏ ⵉⵎⴰⵢⵏⵓⵜⵏ ⵏ ⵜⵉⵎⵔⵙⵍⵜ ⵍⵍⵉ ⵉⵜⵜⴰⵙⵙⴰⵏ ⵙ ⵓⵎⵙⴰⵙⴰ ⴷ ⵓⵙⵡⵉⵔ ⴰⵊⵓⵖⵔⴰⴼⵉ ⴷ ⵡⵉⵏ ⵓⵎⵣⵔⵓⵢ ⵣⵓⵏⴷ ⵉⵖⴰⵡⴰⵙⵏ ⵏ ⵜⵉⵏⵎⴰⵍ ⵏ ⵓⵙⴳⵎⵉ ⵍⵍⵉ ⵉⵜⵜⵔⵙⵏ ⴳ ⵜⴰⵎⴷⵉⵏⵜ ⵏ ⵜⴰⵔⵓⴷⴰⵏⵜ.

ⵜⵙⵙⴽⵜⵉⴷ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵜⵓⴳⴳⴰⵙ ⵏ ⵜⵉⵎⵔⵙⵍⵜ ⵏ ⵓⵃⵟⵟⵓ ⵏ ⵡⴰⵢⴷⴰ ⴰⴷⵍⵙⴰⵏ ⵏ ⵜⵎⴷⵉⵏⵜ ⵏ ⵕⵕⴱⴰⵟ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ , ⵜⵙⴰⵡⵍ ⵓⵍⴰ ⵅⴼ ⵜⴰⴷⵔⴰⵡⴰⵜ ⴷ ⵍⵢⵓⵏⵉⵙⴽⵓ ⵍⵍⵉ ⵉⵙⵙⴼⵓⵍⴽⵉⵏ ⵜⴰⵡⵓⵔⵉ ⵏ ⵜⵉⵎⵔⵙⵍⵜ ⴳ ⵓⵙⴷⵓⵙ ⵏ ⵓⴷⵖⴰⵔ ⵏ ⵜⴰⴷⵍⵙⴰ ⴷ ⵜⴰⵥⵓⵕⵉ ⴳ ⵜⴰⵙⴳⵎⵉ ⴳ ⵜⵉⵏⵎⴰⵍ.

ⵜⵙⴷⴷⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⵉⵍⵜⵉⵣⴰⵎ ⵏ ⵜⵉⵎⵔⵙⵍⵜ ⵙ ⵜⴰⵏⴽⵔⴰ ⵙ ⵓⵔⵣⵣⵓ ⴳ ⵉⴳⵔ ⵏ ⵓⵢⴷⴰ ⴰⴷⵍⵙⴰⵏ ⵙ ⵜⵉⵙⵏⵜⴰⵢⵉⵏ ⵏ ⵜⵓⵥⵥⵓⵎⵜ ⵜⵉⴷⵍⵙⴰⵏⵉⵏ ⴰⴼⴰⴷ ⴰⵃⵟⵟⵓ ⵏ ⵓⵢⴷⴰ ⴷ ⵡⴰⵙⵙⴰⵢ ⵏⵏⵙ ⵍⵍⵉ ⵉⴳⴰⵏ ⵜⴰⵡⵓⵔⵉ ⵏ ⵉⵎⴰⵙⵙⴰⵏ ⴷ ⵜⵉⵎⵔⴰⵙⵍ ⴷ ⵡⴰⵎⵓⵏ ⵓⵖⵔⵉⵎ ⴷ ⴰⴽⴽⵯ ⵉⴼⴳⴰⵏⵏ.

ⵖⵓⴷⴰⵏ ⵉⵙⴳⴳⵯⴰⵙ ⵏ 2022 ⴷ 2023 ⵉ ⵜⵉⵎⵔⵙⵍⵜ ⵍⵍⵉ ⵉⵎⵙⴰⵙⴰⵏ ⴷ ⵜⴰⵡⵓⵔⵉ ⵏⵏⵙ ⵉⵥⵍⵉⵏ ⵙ ⵓⵙⴳⵎⵉ ⵙ ⵜⴰⵎⵓⵏⵜ ⵏ ⵜⵓⴳⴳⴰⵙ ⵏ ⵉⵎⵙⴽⴰⵔⵏ ⵖⵎⴽⵍⵍⵉ ⵜⵣⴷⵉ ⵜⵉⵎⵔⵙⵍⵜ ⴰⵣⵣⵓⴳⵣ ⵏ ⵉⵖⴰⵡⴰⵙⵏ ⵏⵏⵙ “ ⴰⴷ ⵔⵙⵎⵖ ⵜⴰⵎⴷⵉⵏ ⵉⵏⵓ” ⴷ “ ⴰⴷ ⵉⵙⵙⴰⵏⵖ ⴰⵢⴷⴰ ⵏ ⵜⴰⵎⴷⵉⵏⵜ ⵉⵏⵓ” .