ⵜⵙⵙⴼⵓⵍⴽⵉ ⵉⵙⵜⵓⵏⵢⴰ ⵜⵉⵙⵏⵜⴰⵢⵉⵏ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵉⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴼⴰⴷ ⵜⴰⵏⴽⵔⴰ ⵙ ⵙⵍⴰⵎⵜ ⴷ ⵍⵀⵏⴰ ⴷ ⵜⵉⴳⵎⵉ ⴳ ⵉⴼⵔⵉⵇⵢ

أكادير اليوم - AgadirToday22 October 2024 - 14:48

ⵕⵕⴱⴰⵟ – ⵜⵏⵏⴰ ⵉⵙⵜⵓⵏⵢⴰ ⴳ ⵜⵓⵙⵎⵉⵔⵜ ⴰⴷ ⵉⵛⵛⴰⵔⵏ ⴷ ⵉⴼⴼⵖⵏ ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ ⵓⵏⵢⴰⵙ ⴳ ⵕⵕⴱⴰⵟ ⴳⵔ ⴰⵎⴰⵡⴰⵙ ⵏ ⵜⵉⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⴷ ⵡⵉⵏ ⵉⵙⵜⵓⵏⵢⴰ ⵎⴰⵔⴳⵓⵙ ⵜⵙⴰⵀⴰⴽⵏⴰ ⵎⴰⵙ ⵜⵖⵓⴷⴰ ⵜⴰⵙⵏⵜⴰⵢⵜ ⵜⴳⵍⴷⴰⵏⵜ ⵏ ⵓⵙⵙⵔⵅⵓ ⵏ ⵓⵙⵉⴷⴼ ⵏ ⵜⵉⵎⵉⵣⴰⵔ ⵏ ⵙⵙⴰⵃⵉⵍ ⵙ ⵓⴳⴰⵔⵓ ⴰⵟⵍⴰⵙⵉ ⴷ ⵓⵖⴰⵡⴰⵙ ⵏ ⵜⵉⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⵜⴰⵟⵍⴰⵙⵉⵢⵉⵏ ⴷ ⵓⵙⵜ ⵓⵍⴰ ⵏⵓⵏⴱⵓⴱ ⵏ ⵍⴳⴰⵣ ⵏⵉⵊⵉⵔⵢⴰ -ⵍⵎⵖⵔⵉⴱ .

ⵜⵎⵍⴰ ⵓⵍⴰ ⴰⴷⴷⵓⵔ ⵏ ⵜⵉⵙⵏⵜⴰⵢⵉⵏ ⵍⵍⵉ ⵉⵜⵜⵓⵕⵥⵎⵏ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⵜⴰⵏⴼⵔⵓⵜ ⴷ ⵜⴰⵏⴽⵔⴰ ⴷ ⵓⴷⵖⴰⵔ ⴰⵟⵍⴰⵙⵉ ⴷ ⵜⴰⵙⴳⴰ ⵏ ⵙⵙⴰⵃⵉⵍ .
ⵖⵎⴽⵍⵍⵉ ⵉⵙⴷⴷⵉⴷ ⵍⵎⵖⵔⵉⴱ ⴷ ⵉⵙⵜⵓⵏⵢⴰ ⵜⵉⴽⵍⵉⵜ ⵢⴰⴹⵏ ⴰⴷⴷⵓⵔ ⵏ ⵜⴰⵏⴽⵔⴰ ⵙ “ ⵜⴰⴷⵔⴰⵡⵜ ⵜⴰⵎⵖⵔⵉⴱⵉⵢⵜ ⵜⴰⵡⵔⵓⴱⵉⵢⵜ “ ⵉⴳⴰⵏ ⴰⵙⵜⵉ ⴰⵎⴰⵢⵏⵓ ⴰⴼⴰⴷ ⵜⴰⵎⵔⵏⵉⵡⵜ ⵏ ⵉⵎⵢⴰⵙⵙⴰⵏ ⵉⵙⵜⵔⴰⵜⵉⵊⵉⵢⵏ ⴷ ⵉⵖⵓⴷⴰⵏ ⵍⵍⵉ ⵉⵙⵙⵡⵓⵔⵔⵉⵏ ⵜⵉⵢⴰⴼⵓⵜⵉⵏ ⵏ ⵜⵉⵎⵉⵣⴰⵔ ⵙⵏⴰⵜ.
ⵜⵙⴷⴷⵉⴷ ⵜⵙⵙⵏⵜⴰⵎⵜ ⵓⵍⴰ ⵎⴰⵙ ⵜⵎⵙⴰⵙⴰ ⵜⴰⴷⵔⴰⵡⵜ ⴷ ⵜⵓⵙⵎⵉⵔⵜ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵍⵍⵉ ⵉⵍⵍⴰⵏ ⴳ ⵜⴰⵙⵙⵓⵜⵍⵜ ⵜⵉⵙⵙ 14 ⵏ ⵓⵙⵇⵇⵉⵎ ⵏ ⵜⴰⴷⵔⴰⵡⵜ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ 27 ⵢⵓⵏⵢⵓ 2019 ⴳ ⴱⵔⵓⴽⵙⵉⵍ.
ⵜⵎⵍⴰ ⵉⵙⵜⵓⵏⵢⴰ ⴳ ⵓⵙⵜⴰⵉ ⵢⴰⴷ ⵍⵀⵏⴰ ⴰⵙⵔⵜⴰⵏ ⵏ ⵍⵎⵖⵔⵉⴱ ⴷ ⵉⵙⵡⵓⴷⴷⵓⵜⵏ ⵍⵍⵉ ⵉⵜⵜⵓⵙⴽⴰⵔⵏ ⴷⴷⵓ ⵜⴰⵏⵙⵙⵉⵅⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⵜⵏⵏⴰ ⵓⵍⴰ ⵎⴰⵙ ⴼⴽⴰⵏ ⵉⵙⵡⵓⴷⴷⵓⵜⵏ ⴰⴷ ⵉ ⵍⵎⵖⵔⵉⵖⴱ ⴰⵏⵙⴰ ⴷ ⴰⵎⴷⵔⴰⵡ ⵏ ⵍⵎⵄⵇⵓⵍ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⴰⵙⴳⴰ.

أكادير اليوم - AgadirToday22 October 2024 - 14:48