ⵜⵎⵢⴰⵡⴰⴹ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⴰⴽⴷ ⵓⴳⴷⵓⴷ ⴰⵎⵖⵔⴰⴱⵉ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

سفارة المملكة العربية السعودية تتحدث للمغاربة باللغة الأمازيغية

ⵙ ⵜⵎⵍⴷⴰ ⵏ ⵓⵔⴳⴰⴱ ⵏ ⵓⵎⴰⵡⵙⴰⵙ ⵏ ⵍⵃⵉⵊⵊ ⴷ ⵍⵄⵓⵎⵕⴰ ⴰⵙⴰⵄⵓⴷⵉ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵙⵙ ⵏ ⴰⵢⵏⴰⵙ 10 ⴱⵕⴰⵢⵕ 2025, ⵜⴳⴳ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⴳ ⵕⵕⴱⴰⴹⵜ ⵢⴰⵜ ⵜⵙⵏⵜⴰⵢⵜ ⴱⴰⵀⵔⴰ ⵉⵥⵉⵍⵏ, ⵉⴷⴷⵖ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⵙ ⵜⵡⵉⵍⴰ ⵜⴰⵎⴰⴷⴷⵓⴷⵜ ⴰⴷ ⵜⴰⵔⵉ ⴽⵕⴰⴹ ⵡⴰⵔⵔⴰⵜⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵙⴽⴽⵉⵍ ⵏⵏⵙ ⵏ ⵜⴼⵉⵏⴰⵖ.

ⵉⴳⴰ ⵡⴰⵔⵔⴰ ⴰⵎⵣⵡⴰⵔⵓ ⵙ ⵓⵙⵏⵜⵍ “ⵙⴳ ⵕⵕⴱⴰⵟ ⴰⵔ ⵎⴰⴽⴽⴰ: ⴰⵎⴷⵢⴰ ⴰⵙⴰⵄⵓⴷⵉ ⴰⵎⴰⴹⵍⴰⵏ ⵉ ⵜⵏⴰⴼⵓⵜ ⵏ ⵍⵃⵊⵊⴰⵊ ⴷ ⵉⵎⵣⵣⴰⵖⵏ”, ⵢⵓⵔⴰ ⵜ ⵓⴷⵓⴽⵜⵓⵔⵙⴰⵎⵉ ⴱⵏ ⵄⴱⴷⵍⵍⴰⵀ ⵚⴰⵍⵉⵃ, ⴰⵎⵙⵇⴰⴷ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⵖⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵉⵙⴷⴷⵉⴷ ⴷⵉⴳⵙ ⵅⴼ ⵡⴰⵏⵙⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵡⴰⵢⴷⴰ ⵏⵏⵙ ⵢⴰⵜⵜⵓⵢⵏ ⴷ ⵜⵎⴰⴳⵉⵜ ⵏⵏⵙ ⵜⵓⵙⵍⵉⵎⵜ ⵉⴷⵓⵙⵏ, ⴰⵎ ⵢⴰⵏ ⵙⴳ ⵉⵡⴰⵏⴽⵏ ⵉⵣⴷⵉⵏ ⵙ ⵢⵉⵎⴰⵏ ⴷ ⵓⵎⵣⵔⵓⵢ ⴰⴽⴷ ⵙⵉⵏ ⵉⴼⵓⵥⴰⵕ ⵉⵎⴰⵖⵓⴷⵏ.

ⵜⵉⵙⵉⵜ ⵏ ⵓⵣⴷⴷⵓⵢ ⴰⴷ ⵓⵙⵍⵉⴳ ⴷ ⴰⵎⵔⴰⵔⴰ ⴰⵙⵓⵍⴰⵏ ⵏⴳⵔ ⵙⵉⵏ ⵉⴳⴷⵓⴷⵏ ⴰⵙⴰⵄⵓⴷⵉ ⴷ ⵓⵎⵖⵔⵉⴱⵉ, ⵙⵍⴰⵡⴰⵏ ⴰⴽⴽⵯ ⵙⴳ ⵜⵏⵓⴼⴰ ⴷ ⵉⵙⵏⴰⵔⴰⵜⵏ ⵏ ⵍⵄⵓⵎⵕⴰ ⴷ ⵍⵃⵉⵊⵊ ⴷⴰ ⵉⴷⴷⵜⵔⵏ ⵢⴰⵏ ⵓⴱⵓⵖⵍⵓ ⴰⵙⵓⵍⴰⵏ ⵉⵜⵜⴳⴳⵏ ⵜⴰⴳⵍⴷⵉⵜ ⴳ ⵓⵙⵎⵉⵍ ⵏ ⵉⵡⴰⵏⴽⵏ ⵉⵎⵣⵡⵓⵔⴰ ⴳ ⵓⵎⴰⴹⴰⵍ ⴳ ⵓⵙⵡⵉⵔ ⵏ ⵜⵏⵓⴼⴰ ⴷⴰ ⵜⵙⵙⵏⴽⴰⴷ ⵉ ⵉⵏⵔⵣⴰⴼ ⵏⵏⵙ ⵙⴳ ⵍⵃⵊⵊⴰⵊ ⴷ ⵉⵎⵣⵣⴰⵖⵏ.

ⵢⵉⵡⵉ ⴷ ⴰⵡⴷ ⵅⴼ ⵎⵏⵏⴰⵡ ⵜⵎⴳⴳⴰ ⴷ ⵜⵙⴽⵔⴰⵡⵉⵏ ⵏ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⴷ ⵜⵣⵎⵎⴰⵔ ⵜⵉⵙⵓⵍⴰⵏⵉⵏ ⵉⵡⴰⵜⵜⵙⵏ ⵉⴳⴳⵉⵜ ⵏ ⵍⵄⵓⵎⵔⴰ ⴷ ⵍⵃⵉⵊⵊ ⵉⴽⵛⵎⵏ ⴳ ⵜⵉⵔⵎⵉⵜ ⵜⴰⵏⵉⵎⴰⵏⵜ ⴷ ⵜⴷⵍⵙⴰⵏⵜ ⴷⴰ ⵜⴻⵜⵜⴳⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ, ⵙ ⵜⵓⴳⴳⴰⵙ ⵏⵏⵙ ⴷ ⵉⵙⵓⴼⵓⵜⵏ ⵏⵏⵙ ⴷ ⵉⵙⵉⵣⵡⵉⵔⵏ ⵏⵏⵙ, ⴰⵎ ⵢⴰⵏ ⵓⵎⴷⵢⴰ ⴰⵎⴰⴹⵍⴰⵏ ⵡⵉⵏ ⵓⴹⴼⴰⵕ ⴳ ⵜⵏⴰⴼⵓⵜ ⵏ ⵍⵉⵙⵍⴰⵎ ⴷ ⵉⵎⵓⵙⵍⵎⵏ, ⵜⵙⴷⴷⵉⴷ ⵅⴼ ⵓⵙⵓⵖⵏ ⵏⵏⵙ ⵉⵣⴷⵉⵏ ⴷ ⵜⴱⵔⴰⵜ ⵜⴰⵏⴼⴳⴰⵏⵜ ⴷ ⵜⵎⵙⵖⴰⵏⵜ.

ⴳ ⵉⵙⴳⵓⵎⵏ ⵏ ⵜⵉⵔⵎⵜ ⴰⴷ: ⵜⵉⵙⴽⵔⴰⵡⵉⵏ ⵜⵓⵙⵍⵉⴳⵉⵏ ⴳ ⵉⵎⵉⵔ ⵏ 2024, ⴰⵙⴷⵓⵙ ⵏ ⵜⵉⵔⵎⵉⵜ ⵜⴰⵏⵉⵎⴰⵏⵜ ⵏ ⵉⵏⵔⵣⴰⴼ, ⵜⴰⵙⵏⵜⴰⵢⵜ “ⴰⴱⵔⵉⴷ ⵏ ⵎⴰⴽⴽⴰ”, ⴰⵙⵙⴰⵢ ⵓⴷⵔⵉⴼ ⵏ ⵓⵙⵓⵏⴼⵓ: ⵜⵉⵔⵎⵉⵜ ⵏ ⵓⵍⴰⵡⴰⵢ ⵏ ⵙⵉⵏ ⵉⴼⵓⵥⴰⵕ, ⴷ ⵡⴰⵔⴰⵢ ⵏ ⵡⴰⵢⴷⴰ ⴰⴷⵍⵙⴰⵏ ⴷ ⵓⵎⵣⵔⴰⵢ.

ⵜⵙⵉⵡⵍ ⵜⵏⵜⴰⵎⵜ ⵜⵉⵙ ⵙⵏⴰⵜ ⵅⴼ ⵉⵙⵏⴼⵍⵏ ⵉⵎⵣⵔⴰⵢⵏ ⴷ ⵜⵉⵔⵎⵉⵜⵉⵏ ⵜⵉⵎⵙⵏⴼⵍⵓⵍⵉⵏ ⴳ ⵜⵏⵓⴼⴰ ⵏ ⵍⵃⵉⵊⵊ ⴷ ⵍⵄⵓⵎⵔⴰ, ⵜⴰⵡⵉ ⴷ ⵎⴰⵙ ⵜⵍⵍⴰ ⵢⴰⵜ ⵜⵣⵣⵉⴳⵣⵜ ⵜⵓⵙⵍⵉⴳⵜ ⴳ ⵜⵏⵓⴼⴰ ⵏ ⵍⵃⵉⵊⵊ ⴷ ⵍⵄⵓⵎⵔⴰ. ⵉⴷⴷⵖ ⴳ ⵓⵙⴳⴳⵯⴰⵙ ⵏ 2024, ⵢⴰⵜ ⵜⴰⵜⵜⵓⵢⵜ ⵜⵓⵙⵍⵉⴳⵜ ⴳ ⵡⵓⵟⵟⵓⵏ ⵏ ⵉⵏⵔⵣⴰⴼ ⵏ ⵙⵏⴰⵜ ⵜⵖⵔⵎⵉⵏ ⵜⵉⴼⵓⵥⴰⵕⵉⵏ, ⵎⵉⵏⵣⵉ ⵉⵣⵔⵉ ⵡⵓⵟⵟⵓⵏ ⵏ ⵍⵃⵊⵊⴰⵊ ⴷ ⵉⵎⵣⵣⴰⵖⵏ 18 ⵏ ⵎⵍⵢⵓⵏ ⵏ ⵓⵏⵔⵣⵓⴼ, ⴰⵎ ⵢⴰⵜ ⵜⵉⵙⵉⵜ ⵜⵓⵙⵔⵉⴷⵜ ⵏ ⵜⵣⵎⵎⴰⵔ ⵏ ⵜⴳⵍⴷⵉⵜ ⴳ ⵓⵙⵙⵉⵔⵉⵡ ⵏ ⵜⵏⵓⴼⴰ ⵏⵏⵙ ⴷ ⵓⴹⴰⴽⴰⵍ ⵏ ⵓⵙⵀⵡⵏ ⵏ ⵓⵍⴽⴰⵎ ⵏ ⵙⵉⵏ ⵉⴼⵓⵥⴰⵕ ⵉⵎⴰⵖⵓⴷⵏ. ⵜⴰⵎⵔⵏⵉⵡⵜ ⴰⴷ, ⴷⴰ ⵜⵎⵎⴰⵍ ⵉⵙⵓⵊⴷⵏ ⵉⵎⵓⴼⴰⵢⵏ ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵢⴰⵜⵜⵓⵢⵏ ⴷⴰ ⵜⴳⴳ ⵜⴳⵍⴷⵉⵜ ⵉ ⵜⵏⴰⴼⵓⵜ ⵏ ⵉⵏⴱⴳⵉⵡⵏ ⵏ ⵕⵕⵃⵎⴰⵏ ⴳ ⵓⵙⴳⴳⵯⴰⵙ ⴰⴽⴽⵯ.

ⵙⴳ ⵜⵓⴳⴳⴰⵙ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵜⵉⵔⵎⵉⵜ ⵏ ⵉⵏⵔⵣⴰⴼ, ⵜⴱⴷⴷ ⵜⵎⴰⵡⴰⵙⵜ ⵅⴼ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵓⵔⴳⴰⴱ ⵏ ⵓⴳⵍⴳⵓⵍ ⴰⵎⴰⵖⵓⴷ, ⵉⴷⴷⵖ ⵢⴰⵜⵜⵓⵢ ⵓⵟⵟⵓⵏ ⵏ ⵉⵏⵔⵣⴰⴼ ⵉⴽⵓⵢⴰⵙⵙⵏ ⵙ 48.000 ⵏ ⵓⵏⵔⵣⵓⴼ, ⵢⵉⵡⴹ ⵓⵟⵟⵓⵏ ⴰⵎⴳⵔⴰⵡ ⵏ ⵉⵏⵎⵓⵇⵇⴰⵔⵏ 9,4 ⵏ ⵉⴷ ⵎⵍⵢⵓⵏ ⵏ ⵓⵏⵎⵓⵇⵇⴰⵔ ⴳ ⵓⵙⴳⴳⵯⴰⵙ ⵏ 2024. ⵉⵜⵜⵡⴰⴳⴳ ⵓⵙⴷⵓⵙ ⵏ ⵜⵉⵔⵎⵉⵜ ⴰⴷ ⵙ ⵓⵙⵎⵔⵙ ⵏ ⵜⵉⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴼⵔⴽ ⴷ ⵉⴷ ⵜⴰⵔⴰⵏⵥⴰⵕ  ⵉ ⵓⴼⵔⴰⴳ ⵏⵏⵙⵏ ⵙⴳ ⵉⵥⵏⵥⴰⵕⵏ ⵏ ⵜⴰⴼⵓⴽⵜ, ⴰⵢⵍⵍⵉ ⵉⵎⵎⴰⵍⵏ ⵜⴰⵏⵏⴰⵢⵜ ⵏ ⵜⴳⵍⴷⵉⵜ ⵉ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵉⵏⴱⴳⵉⵡⵏ.

ⴳ ⵜⵏⵜⴰⵎⵜ ⵜⵉⵙ ⴽⵕⴰⴹⵜ, ⵢⴰⵜ ⵜⴰⵍⵍⴰⵙⵜ ⵉⴳⴰⵏ ⵙ ⵓⵙⵏⵜⵍ: “ⵙⴳ ⵡⴰⵎⵎⴰⵙ ⵏ ⵓⵔⵉⴼ ⴰⵎⵖⵔⵉⴱⵉ ⴰⵔ ⴰⵙⴰⵢⵔⴰⵔ ⵏ ⵙⵉⵏ ⵉⴼⵓⵥⴰⵕ, ⵢⴰⵏ ⵓⵎⵓⴷⴷⵓ ⴰⵏⵉⵎⴰⵏ ⵉⵜⵜⴰⵍⵙⵏ ⵢⴰⵜ ⵜⴰⵍⵍⴰⵙⵜ ⵏ ⵓⵎⵢⴰⵡⴰⵙ ⴰⵎⵖⵔⵉⴱⵉ ⴰⵙⴰⵄⵓⴷⵉ”. ⵜⵉⵡⵉ ⴷ ⵅⴼ ⵓⵎⵓⴷⴷⵓ ⴰⵏⵉⵎⴰⵏ ⵏ ⵢⴰⵜ ⵜⵡⵊⴰ ⵜⴰⵎⵖⵔⵉⴱⵉⵜ ⵙⴳ ⵡⴰⵎⵎⴰⵙ ⵏ ⵓⵔⵉⴼ ⵃⵎⴰ ⴰⴷ ⵜⴳⴳ ⵉⵙⵓⵎⴰⴷⵏ ⵏ ⵍⵄⵓⵎⵔⴰ. ⵜⴰⵍⵍⴰⵙⵜ ⴰⴷ ⴷⴰ ⵜⵎⵎⴰⵍⵏ ⵜⴰⴷⵔⵓⵜ ⵏ ⵉⵎⵢⴰⵙⵙⴰⵜⵏ ⵉⵎⵖⵔⵉⴱⵉⵢⵏ ⵉⵙⴰⵄⵓⴷⵉⵢⵏ ⴷ ⵢⵉⵎⴰⵏ ⵏ ⵓⵎⵢⴰⵡⴰⵙ ⵉ ⵜⵏⴰⴼⵓⵜ ⵏ ⵉⵏⴱⴳⵉⵡⵏ ⵏ ⵕⵕⵃⵎⴰⵏ. ⵜⵙⵉⵡⵍ ⵜⵡⵊⴰ ⴰⴷ ⵅⴼ ⵉⵙⵢⴰⴼⴰⵜⵏ ⵏⵏⵙ ⴳⴳⵓⵜⵏⵉⵏ ⴳ ⵓⵙⴰⵢⵔⴰⵔ ⵏ ⵍⴽⵄⴱⴰ ⵜⴰⵎⴰⵖⵓⴷⵜ, ⴷ ⴰⵙⵏⴼⵍ ⴰⵎⵓⵟⵟⵓⵏ ⴷ ⵓⵙⵀⵡⵏ ⵏ ⵜⵎⴳⴳⴰ.

ⵢⵓⵙⴰ ⴷ ⵓⵎⴷⵢⴰ ⴰⴷ ⵉⵎⵓⵔⵙⵏ ⴰⴼⴰⴷ ⴰⴷ ⵉⵙⴷⴷⵉⴷ ⵜⵉⵢⴰⴼⵓⵜⵉⵏ ⵏ ⵓⵎⵢⴰⵡⴰⵙ ⵉⴷⵓⵙⵏ ⵏⴳⵔ ⵙⵏⴰⵜ ⵜⴳⵍⴷⴰⵢ ⵜⴰⵎⵖⵔⵉⴱⵉⵜ ⴷ ⵜⵙⴰⵄⵓⴷⵉⵜ ⴳ ⵢⵉⴳⵔ ⵏ ⵜⵏⴰⴼⵓⵜ ⵏ ⵉⵎⵣⵣⴰⵖⵏ ⴷ ⵉⵏⵔⵣⴰⴼ. ⴰⵣⴷⴷⵓⵢ ⴰⴷ ⴰⵙⵓⵍⴰⵏ ⵏⴳⵔ ⵙⵏⴰⵜ ⵜⵎⴰⵡⴰⵙⵉⵏ ⵜⵉⵏ ⵍⴰⵡⵇⴰⴼ ⵜⴰⵎⵖⵔⵉⴱⵉⵜ ⴷ ⵍⵃⵉⵊⵊ ⵜⴰⵙⴰⵄⵓⴷⵉⵜ ⵉⵡⵛⴰ ⵜⵉⵔⵎⵉⵜⵉⵏ ⵎⵓⵔⵙⵏⵉⵏ ⵉ ⵉⴼⴹⴰⵡⵏ ⵏ ⵍⵃⵊⵊⴰⵊ ⵉⵎⵖⵔⴰⴱⵉⵢⵏ ⴷⴰ ⵉⵜⵜⴳⴳⵏ ⵉⵙⵓⵎⵓⴷⵏ ⵏ ⵍⵄⵓⵎⵔⴰ ⴷ ⵍⵃⵉⵊⵊ ⴽⵓ ⴰⵙⴳⴳⵯⴰⵙ.