ⵜⵉⵔⵉⵜ ⵜⴰⵎⵔⴰⵔⴰⵏⵜ ⵏ ⵓⵙⴷⵓⵙ ⵏ ⵓ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⵊⴰⵕ ⵍⵎⵖⵔⵉⴱ ⴷ ⵡⴰⵎⵓⵏ ⵏ ⵓⵔⵓⴱⴱⴰ

ⵉⵡⵏⵏⴰ ⵍⵎⵖⵔⵉⴱ ⴷ ⵡⴰⵎⵓⵏ ⵏ ⵓⵔⵓⴱⴱⴰ ⴰⵙⵙ ⴰⴷ ⴰⴽⵡⴰⵙ ⴳ ⵕⵕⴱⴰⵟ ⵅⴼ ⵜⵉⵔⵉⵜ ⵏⵏⵙⵏ ⵅⴼ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵢⵜ ⴳⵔ ⵜⵙⴳⴳⵡⵉⵏ, ⵏⵏⴰ ⵉⵡⴰⵍⴰ ⵓⴳⵍⵍⵓⴷ ⴰⵎⵖⵔⵉⴱⵉ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ .

 ⵉⵍⵍⴰ ⴳ ⵓⵍⵖⵓ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵜⴰⵎⵖⵔⵉⴱⵉⵢⵜ, ⵎⴰⵙ ⴷ ⵜⵉⵔⵉⵜ ⴰⴷ ⵜⵓⵛⴽⴰⴷ ⵙⴳ ⴽⵔⴰ ⵉⵙⵏⵓⴱⴱⵛⵏ ⵏⵏⴰ ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴷ ⵓⵎⵙⵎⴷⵢⴰ ⴰⵎⴰⵜⵜⴰⵢ ⵏ ⵡⴰⵎⵓⵏ ⵓⵔⵓⴱⴱⵉ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵙⵔⵜⴰⵏⵜ ⵜⴰⴼⵔⴰⵏⵜ ⵊⵓⵣⵉⴼ ⴱⵓⵔⵉⵍ ⵍⵍⵉ ⵏⵏ ⵉⴽⴽⴰⵏ ⵍⵎⵖⵔⵉⴱ.

ⵙ ⵜⵎⵍⴷⴰ ⴰⴷ ⵉⵙⴱⵔⵔⴽ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵙ ⵜⴷⵉⵏⴰⵎⵉⵢⵜ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⴷ ⵡⴰⵎⵓⵏ ⵓⵔⵓⴱⴱⵉ ⵏⵏⴰ ⵉⵙⴱⵓⵖⵍⴰⵏ ⵜⴰⴷⵔⴰⵡⵜ ⴳⵔ ⵜⵙⴳⴳⵡⵉⵏ ⴷ ⵓⵙⴱⵓⵖⵍⵓ ⵏⵏⵙ ⴳ ⵜⵓⴳⵜⵜ ⵏ ⵉⵙⴰⵜⴰⵏ, ⵎⴽ ⵍⵍⵉ ⵙ ⵉⵙⴰⵡⵍ ⴰⵡⴷ ⵅⴼ ⵜⵢⴰⴼⵓⵜ ⵏⵏⵙ ⵜⵉⵎⵏⵉⴳⵜ ⴳ ⵢⵉⴳⵔ ⵏ ⵜⴳⵎⵔⵜ ⴷ ⵜⴼⵍⵍⴰⵃⵜ ⴷ ⵓⵥⵕⴼ ⴷ ⵜⵙⴰⵔⵡⴰ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵣⵡⴰⴳ ⴷ ⵓⴼⵔⴰ.

ⵎⴽ ⵍⵍⵉ ⵙ ⵉⵙⴱⵖⵙ ⵜⵉⵏⴷⵉ ⵜⴰⵎⴰⵜⵜⴰⵢⵜ ⵏⵏⴰ ⵢⵉⵡⴹⵏ ⵉⵎⵔⴰⵔⴰⵜⵏ ⵉⵙⴱⴱⴰⴱⵏ ⵊⴰⵔⴰⵜⵙⵏ, ⵎⴰ ⴰⴷ ⴰⴷ ⵢⵓⵊⵊⴰⵏ ⴰⴷ ⵉⵙⵙⴰⵏ ⴰⴷⵖⴰⵔ ⵏ ⵓⵎⴰⴷⵔⴰⵡ ⴰⴷⵎⵙⴰⵏ ⴷ ⵢⵙⴱⴱⴰⴱ ⴰⵎⵣ‍ⴰⵔⵓ ⵏ ‍ⴰⵎⵓⵏ ⵓⵔⵓⴱⴱⵉ ⴳ ⵜⴼⵔⵓⵇⵜ , ⵎⵉⵏⵣⵉ ⵉⵡⴹⵏ ⵉⵎⵔⴰⵔⴰⵜⵏ ⵊⴰⵔⴰⵜⵙⵏ ⴳ ⵓⵙⴳⴳⵯⴰⵙ ⵏ 2021 ⵎⴰⴷ ⵉⴳⴰⵏ 45 ⵎⵍⵢⴰⵕ ⵓⵕⵓ , ⵎⴽ ⵍⵍⵉ ⵙ ⴳⴳⵓⵜⵏ ⵙ ⴽⵔⴰⴹⵜ ⵜⴽⴽⴰⵍ ⴳ ⵎⵔⴰ‍ ⵉⵙⴳⴳⵯⴰⵙⵏ.

ⴳ ⵓⵏⵎⵓⵇⵇⴰⵔ ⴰⴷ , ⵉⵎⵍⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵜⵉⵔⵉⵜ ⵏⵏⵙ ⵏ ⵓⵎⵢⴰⵡⴰⵙ ⴰⵙ ⴳⵔ ⵉⵙⴳⵉⴷⴷⵉⵜⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⴱ ⵏⵏⴰ ⵉⵙⴽⴰⵔ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴷ ⵡⴰⵏⵏⴰⵍ ⵏ ⵡⴰⵎⵓⵏ ⵓⵔⵓⴱⴱⵉ ⴷ ⵓⴹⴼⵓⵕ ⵏⵏⵙ ⵉ ⵉⵚⵏⴼⴰⵕ ⴰⴷ ⴳ ⵓⵙⴰⵜⵉ ⵏ ⵓⵙⵔⴱⵉ ⵏ ⵢⴰⵏ ⵓⴳⵣⵣⵓⵎ ⴷⵉⴳⵙⵏ ⴳ ⵓⵙⴳⴳⵯⴰⵙ ⵏ 2023.

ⵜⴳⴰ ⵜⵉⴳⴳⵉⵜ ⵏ ⵊⵓⵣⵉⴼ ⴱⵓⵔⵉⵍ ⵢⴰⵜ ⵜⵎⵍⴷⴰ ⵏ ⵓⵙⴽⴰⵔ ⵏ ⴽⵔⴰ ⵏ ⵉⵎⵙⴰⵡⴰⵍⵏ ⴷⵓⵙⵏⵉⵏ ⵅⴼ ⵜⵎⵀⵍⵜ ⵏ ⵜⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵡⴰⵎⵓⵏ ⵓⵕⵓⴱⴱⵉ , ⵙⵍⴰⵡⴰⵏ ⴰⴽ ⴳ ⵓⵙⴰⵜⵉ ⵏ ⵉⵙⵔⴷⴰⵙ ⵉⵎⴰⵢⵏⵓⵜⵏ ⵏ ⵡⴰⵎⵎⴰⵙ.

ⵜⵙⵎⴷ ⵜⴷⵔⴰⵡⵜ ⴰⴷ ⵜⴰⵎⵣⵔⵓⵢⵜ ⵏⵏⴰ ⵉⵍⵍⴰⵏ ⵊⴰⵔⴰⵜⵙⵏ ⴰⵙⴱⵓⵖⵍⵓ ⵏⵏⵙ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ , ⴰⴼⴰⴷ ⴰⴷ ⵜⵉⵡⴹ ⵢⴰⵜ ⵓⴷⵖⴰⵔ ⴳ ⵜⵙⵔⵜⵉⵜ ⵏ ⵓⵎⵙⴰⵡⴰⵍ ⴷⴰⵔ ⵡⴰⵎⵓⵏ ⵍⵓⵕⵓⴱⴱⵉ.