ⵜⴰⵖⵓⵔⵉ ⵙ ⵜⴷⵔⴰⵡⵜ ⴳ ⵜⵙⵙⵓⵜⵍⵜ ⵜⵉⵙⵙ 16 ⴳ ⵓⵎⵣⵉⵣⵣⵍ ⵓⵏⵚⵉⴱ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ

ⴰⴳⴰⴷⵉⵔ – ⵍⵎⵖⵔⵉⴱ. ⴰⵔ ⵜⴰⵇⵇⵔⴰ ⵜⵎⵙⵎⵓⵏⵜ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⵉ ⴰⵢⵜ ⵙⵙⵉⵏⵉⵎⴰ ⴷ ⵉⵎⵙⵓⴼⵖⵏ ⴷ ⵉⵎⵙⵢⴰⴼⵓⵜⵏ ⵙ ⵜⴷⵔⴰⵡⵜ ⴷⴼⴼⵉⵔ ⵎⴰⴷ ⵜⵕⵥⵎ ⵜⵉⴳⴳⵓⵔⴰⵏ ⵏ ⵓⵣⵎⵎⴻⵎ ⴷ ⵜⴷⵔⴰⵡⵜ ⴳ ⵜⵙⵙⵓⵜⵍⵜ ⵜⵉⵙⵙ 16 ⴳ ⵜⵎⵣⵉⵣⵣⵍⵜ  ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⵜⴰⵙⵙⵓⵜⵍⵜ ⵏ 2025, ⴳ ⵓⴳⵯⵏⵙ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ : ⴰⴳⴰⴷⵉⵔ.  ⵙⴳ 01 ⴰⵔ 05 ⴽⵟⵉⴱⵕ 2025.

ⴳ ⵜⴰⵍⵖⴰ ⵏ ⵜⵖⵏⵙⴰ ⴷ ⵜⴰⵎⴰⵖⵜ ⴼ ⵓⵙⴱⵓⵖⵍⵓ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴳ ⵢⵉⴳⵔ ⵏ ⵙⵙⵉⵏⵉⵎⴰ, ⴷ ⵓⵙⴽⴽⵓ ⵏ ⵜⵍⴳⴳⵯⵉⵜ ⵍⵍⵉ ⴳ ⵔⴰⴷ ⵏⴻⵏⵢⴰⵍⴽⴰⵎ ⴷ ⵙⵙⵉⵏⵉⵎⴰ ⵜⴰⵎⴰⴹⵍⴰⵏⵜ, ⵉⵙⵏⵉ ⵏ ⵡⵓⵔⵖ ⴰⵔ ⵢⴰⵇⵇⵔⴰ ⵉ ⴽⵓ ⵢⴰⵏ ⵙⴳ ⵉⵎⵙⵙⵓⴼⴼⵖⵏ ⴷ ⵉⵎⵙⵢⴰⴼⵓⵜⵏ ⵙ ⵜⴷⵔⴰⵡⵜ ⵙ ⵉⴼⴰⵔⵙⵏ ⵏⵏⵙⵏ, ⵜⵉⵎⵣⵉⵣⵣⵍⵉⵏ ⵜⵜⵓⴱⴹⴰⵏⵜ ⴼ:

– ⵜⴰⵎⵣⵉⵣⵣⵍⵜ ⵏ ⵜⵎⴰⵣⵉⵖⵜ : ⵍⵍⵉ ⵢⴰⴽⴽⴰⵏ ⵓⴷⵎ ⴰⴱⴰⵖⵓⵔ  ⵜⴷⵍⵙⴰ ⴷ ⵜⵎⴰⴳⵉⵜ ⵜⴰⵎⴰⵣⵉⵖⵜ.

– ⵜⴰⵎⵣⵉⵣⵣⵍⵜ ⵜⴰⴳⵔⴰⵖⵍⴰⵏⵜ: ⵍⵍⵉ ⵉⴳⴰ ⵡⴰⵡⵜⵜⴰⵙ ⵏⵏⵙ, ⴰⵙⵎⴰⵍ ⵏ ⵡⵓⴷⵎ ⵉⵙⵙⴰⵔⵏ ⴳⵔ ⵉⵎⴰⴷⴰⵏⵏ ⵏ ⵓⵎⴰⴹⴰⵍ.

ⵜⵉⴼⴰⴷⵡⵉⵏ ⵏ ⵓⴷⵔⴰⵡ :

ⵙ ⴰⵢⵍⵍⵉ ⵉⵥⵍⵉⵏ ⵙ ⵜⵙⵎⵖⵓⵔⵜ ⵏ ⵉⵙⵓⵔⴰ ⵏ ⵜⵎⴰⵣⵉⵖⵜ, ⴰⵔ ⵏⴰⵇⵇⵔⴰ ⵉ ⵉⵎⵙⵢⴰⴼⵓⵜⵏ ⴷ ⵉⴷ ⴱⵓ ⵓⴼⴰⵔⵙ ⴷ ⵉⵎⵙⵙⵓⴼⴼⵖⵏ, ⴰⴷ ⵣⵎⵎⴻⵎⵏ  ⵜⵓⵜⵔⴰ  ⵏ ⵜⴷⵔⴰⵡⵜ ⴳ ⵓⵍⵎⵓⴳⴳⴰⵔ ⴼⵉⵏⵉⴼⴰ  ⵜⵜⵔⵏⵜ ⴳ ⵜⵓⵣⵓⵏⵜ ⵜⴰⵍⵉⴽⵜⵕⵓⵏⵜ : [email protected]

ⴰⵢⵍⵍⵉ ⵉⵥⵍⵉⵏ ⵙ ⵜⵎⵣⵉⵣⵣⵍⵜ ⵜⴰⴳⵔⴰⵖⵍⴰⵏⵜ , ⵉⵇⵇⴰⵏ ⴷ ⴰⴷ ⴽⵛⵎⵏ ⵉⵎⵙⵙⵓⴼⴼⵖⵏ  ⵙ ⵜⴰⵙⵏⴰ ⵏ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ, ⴳ ⵜⴷⴰⵙⵉⵍⵜ  FilmFreeway  ⴷ   Festhome.

ⵔⴰⴷ ⵉⵙⵙⵏⵜⵉ ⵓⵣⵎⵎⴻⵎ ⵙⴳ 13 ⵉⵏⵏⴰⵔ ⴰⵔ13 ⵎⴰⵢⵓ 2025.

ⵉⵙⵏⵉ ⵏ ⵡⵓⵔⵖ, ⵎⴽ ⴷⴰ ⵙ ⵜⵙⵙⵏⵏ ⵉⵏⴹⴼⴰⵕⵏ ⵏⵏⵙ, ⵉⴳⴰ ⴱⴷⴷⴰ ⵢⴰⵏ ⵓⴷⵖⴰⵔ ⵍⵍⵉ ⴳ ⵉⵜⵜⴰⴼⴰ ⴽⵓ ⵢⴰⵏ ⵉⵅⴼ ⵏⵏⵙ, ⵙⵍⴰⵡⴰⵏⵏ ⴰⴽⴽⵯ ⵉⵏⵓⵥⴰⵕ ⴷ ⵉⵎⵙⵢⴰⴼⵓⵜⵏ ⵉⵎⴰⵣⵉⵖⵏ, ⵜⵉⵣⵉ ⵍⵍⵉ ⵉⴳⴰ ⵜⵉⴳⵎⵎⵉ ⵏⵏⵙ ⵍⵍⵉ ⵖ ⵓⴼⴰⵏ ⵢⴰⵜ ⵜⴰⵍⵖⴰ ⵍⵍⵉ ⴰⵙⵏ ⵉⴳⴰⵏ ⴰⴷⴷⵓⵔ, ⵜⵎⵔⴰⵔⴰ ⵅⴼ ⵉⵣⵔⴼⴰⵏ ⵏⵏⵙⵏ, ⴷ ⵜⵙⴱⵓⵖⵍⵓ ⵜⵉⵎⵎⴰⵔ ⵏⵏⵙ, ⵜⴳ ⴰⵙⵏⵜ ⴰⵜⵉⴳ. ⵎⴽ ⴰⵏⵏ ⴰⴼ ⵔⴰⴷ ⵏⵏⵜⴰⴼⵉⵎ ⵢⴰⵏ ⵓⵖⴰⵡⴰⵙ ⵉⴽⵜⴰⵔ ⵙ ⵜⵓⴳⵜⵜ ⵏ ⵜⵉⵍⴰⵍ ⴳ ⵡⵓⵙⵙⴰⵏ ⵏ ⵓⵙⵏⵎⵉⵍⵉ ⵏ ⵓⵍⵎⵓⴳⴳⴰⵔ, ⵔⴰⴷ ⵜⵎⵎⴰⵇⵇⴰⵔⵎ ⴷ ⵉⵄⵔⵔⵉⵎⵏ ⵓⵙⵉⵏⵉⵏ ⴰⵙⴰⴼⵓ ⵏ ⵓⵙⵉⵙⵙⵏ ⵙ ⵜⵓⵙⵙⵏⴰ ⵏⵏⵙⵏ ⵉⵔⵉⵏ ⴰⴷ ⴷⵔⵓⵏ ⵜⴰⵏⵏⴰⵢⵉⵏ ⵏⵏⵙⵏ,ⴷ ⵜⵉⴳⵜⵜ ⵏ ⵜⵉⵏⵏⴰⵡⵉⵏ ⴷ ⵜⵉⵍⴰⵍ ⵢⴰⴹⵏⵉⵏ.