ⵜⴰⴳⵎⵔⵜ ⵜⴰⵢⵍⴰⵏⵜ .. ⵜⴰⵙⵙⵓⵜⵍⵜ ⵜⵉⵙⵙ 7 ⵏ ⵓⵙⴼⵙⵔ “ⴰⵍⵢⵓⵜⵉⵙ” ⵙⴳ 6 ⴰⵔ 9 ⴱⵕⴰⵢⵕ ⴳ ⵓⴳⴰⴷⵉⵔ

ⵔⴰⴷ ⵢⵉⵍⵉ ⴳ ⵓⵙⴼⵙⵔ ⴰⴷ ⵖⵎⴽⵍⵍⵉ ⵜⵏⵏⴰ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⵏⵜ ⴷ ⵜⵉⴳⵎⵉ ⵜⴰⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵉⵜⵜⵓⵙⵏⵎⴰⵍⴰⵏ ⴷⴷⵓ “ ⴰⵔⵣⵣⵓ ⴷ ⵓⵙⵏⴼⵍⵓⵍ ⴰⴼⴰ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⵜⴰⵙⵓⵍⴰⵏⵜ” ⵉⵎⵙⴽⴰⵔⵏ ⴳ ⵉⴳⵔⴰⵏ ⵏ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵙ ⵓⵙⵏⴼⵍ ⵏ ⵜⵉⵖⴰⵡⵙⵉⵡⵉⵏ ⵜⴰⵢⵍⴰⵏⵉⵏ ⴷ ⵓⵔⵣⵣⵓ ⴳ ⵉⴳⵔ ⵏ ⵜⴰⴳⵎⵔⵜ ⵜⴰⵢⵍⴰⵏⵜ .

ⴰⵙⴼⵙⴰⵔ ⴰⴷ ⵔⴰⴷ ⵉⵜⵜⵓⵙⵏⵎⴰⵍⴰ ⵅⴼ 20000 ⵎⵉⵜⵔ 2 ⵔⴰⴷ ⵉⵙⴱⵓⴱⴳ 450 ⵏ ⵉⵎⵙⴼⵙⵔⵏ ⵙⴳ 50 ⵏ ⵜⵎⴰⵣⵉⵔⵜ ⴳⵉⵙⵏⵜ 4 ⵔⴰⴷ ⴷⵔⵓⵏⵜ ⵜⵉⴽⵍⵉⵜ ⵜⴰⵎⵣⵡⴰⵔⵓⵜ ⴷⴳ ⵜⴳⴰ ⴽⵓⵔⵢⴰ ⵏ ⵉⴼⴼⵓⵙ ⴷ ⵜⵉⴳⵍⴷⵉⵜ ⵉⵎⵓⵏⵏ ⴷ ⵍⵀⵉⵏⴷ ⴷ ⵙⴰⵍⵟⴰⵏⵜ ⵄⵓⵎⴰⵏ.

ⵜⵔⴰ ⵜⴰⵙⵙⵓⵜⵍⵜ ⴰⴷ ⵓⵍⴰ ⴰⴷ ⵜⵕⵥⵎ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵅⴼ ⵉⴼⵙⴰⵢⵏ ⵉⵖⵓⴷⴰⵏ ⵍⵍⵉ ⵔⴰⴷ ⵢⴰⵡⵙ ⵉ ⵉⵎⵙⴽⴰⵔⵏ ⵏ ⵜⵉⵖⵜⴰⵙⵉⵏ ⴳ ⵓⵙⵡⵓⴷⴷⵓ ⵏ ⵉⵙⴰⴳⵎⵏ ⴰⵢⵍⴰⵍⵏ ⴷ ⵓⵃⵟⵟⵓⵏ ⵏⵏⵙⵏ ⴷ ⵓⵍⴰ ⴰⵏⵏⴰⵍ ⵏ ⵓⵎⵢⴰⵏⴰⵡ ⵏ ⵜⴰⵢⴼⵓⵜ ⵜⴰⵢⵍⴰⵏⵜ. ⵔⴰⴷ ⵜⴼⴽ ⵜⴰⵙⵙⵓⵜⵍⵜ ⵏ ⵓⵙⴳⴳⵯⴰⵙ 2025 ⵏ ⴰⵍⵢⵓⵜⵉⵙ ⴰⴷⴷⵓⵔ ⴰⵅⴰⵜⴰⵔ ⵉ ⵎⵏⵏⴰⵡ ⵏ ⵉⴳⵔⴰⵏ ⵉⵙⵜⵔⴰⵜⵉⵊⵉⵢⵏ ⴳ ⵉⵍⵍⴰ ⵍⵓⵙⵟⵓⵍ ⴷ ⵉⵎⴰⵙⵏ ⴷ ⵓⵙⵎⵏⵉⴷ ⵏ ⵉⵙⵏⴼⵍⵓⵍⵏ ⵉⵎⴰⵢⵏⵓⵜ ⴳ ⵉⴳⵔ ⵏ ⵜⵉⴽⵏⵓⵍⵓⵊⵢⴰ ⵜⴰⵢⵍⴰⵏⵜ ⴷ ⵜⴰⴳⵎⵔⵜ ⵜⴰⵙⵓⵍⴰⵏⵜ ⵓⵙⵙⴼⵓⵍⴽⵉ ⵏ ⵉⴼⵙⴰⵢⵏ ⵏ ⵜⴰⵡⵓⵔⵉ ⵏ ⵜⵉⵏⵓⴼⴰ ⵜⴰⵢⵍⴰⵍⵉⵏ ⴷ ⵓⵙⴷⵓⵙ ⵏ ⵜⵖⴰⵔⴰ. ⵜⴰⵙⵙⵓⵜⵍⵜ ⵜⵉⵙⵙ 7 ⵏ ⵓⵙⴼⵙⵔ “ⴰⵍⵢⵓⵜⵉⵙ” ⵜⵔⴰ ⵓⵍⴰ ⴰⵙⴷⵓⵙ ⵏ ⵜⵎⴷⵔⴰⵡⵉⵏ ⴳⵔ ⵜⵉⵎⵔⵙⴰⵍ ⵏ ⵓⵔⵣⵣⵓ ⴷ ⵓⵙⵏⴼⵍ ⵏ ⵉⵔⵉⵎⵏ ⴷ ⵓⵙⴷⵓⵙ ⵏ ⵜⵓⵙⵙⵏⴰ ⵉⵛⵛⴰⵔⵏ ⵙ ⵉⵎⴰⵍ ⴰⵙⵓⵍⴰⵏ.

ⴰⵔ ⵜⵎⵎⴰⵍ ⵜⴰⵙⵙⵓⵜⵍⵜ ⴰⴷ ⵓⵍⴰ ⵍⵉⵍⵜⵉⵣⴰⵎ ⵉⴷⵓⵙⵏ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵔⵣⵣⵓ ⴰⵎⴰⵙⵙⴰⵏ ⵍⵍⵉ ⵉⴳⴰⵏ ⵢⴰⵜ ⵜⵖⴰⵡⵙⴰ ⵜⴰⵙⵜⵔⴰⵜⵉⵊⵉⵜ ⴰⴼⴰ ⴷ ⵜⴰⵙⵓⵍⴰⵏⵜ ⵏ ⵉⵙⴰⴳⵎⵏ ⴰⵢⵍⴰⵍⵏ ⴷ ⵓⵙⴷⵓⵙ ⵉ ⵜⴰⵎⴳⵓⵔ ⵉ ⵜⴰⵎⵖⵔⵉⴱⵉⵢⵜ ⴳ ⵉⴳⵔⴰⵏ ⵏ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵓⵙⴳⵎⵉ ⵏ ⵉⵙⵍⵎⴰⵏ.