ⵙ ⵢⵉⵙⵎ ⵏ ⵉⴼⵔⵉⵇⵢⴰ, ⴰⵙⵜⴰⵢ ⵏ ⵍⵎⵖⵔⵉⴱ ⵙ ⵡⴰⵡⴰⵍⵎⵓⵏ ⵉ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵡⵓⴳⴳⵉⴷ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ.

ⵜⴰⵙⵏⴰ ⵜⴰⵎⵣⵡⴰⵔⵓⵜ ⵜⵉⵎⵉⵔⵉⵏ ⵙ ⵢⵉⵙⵎ ⵏ ⵉⴼⵔⵉⵇⵢⴰ, ⴰⵙⵜⴰⵢ ⵏ ⵍⵎⵖⵔⵉⴱ ⵙ ⵡⴰⵡⴰⵍⵎⵓⵏ ⵉ…
ⵉⵜⵜⵡⴰⴼⵙⴰⵔ ⴳ 11 ⵎⴰⵕⵚ 2025
ⵊⵓⵏⵉⴼ, ⵙⵡⵉⵙⵔⴰ – ⴰⵙⵙ ⵏ ⴰⵙⵉⵏⴰⵙ 11 ⵎⴰⵕⵚ 2025, ⴳ ⵜⴳⴰⴷⵉⵔⵜ ⵏ ⵜⵎⵜⵜⴰ ⵉⵎⵓⵏⵏ ⴳ ⵊⵓⵏⵉⴼ, ⵜⵙⵜⵉ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI) ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ, ⵜⴰⵏⵙⵙⵉⵅⴼⵜ ⵏⵏⵙ ⵙ ⵡⴰⵡⴰⵍⵎⵓⵏ.

ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵜⵓⵎⵥ ⵙ ⵡⴰⵡⴰⵍⵎⵓⵏ ⵏ ⵜⴼⵓⵍⵉⵏ ⵜⵉⵙⴳⴰⵡⴰⵏⵉⵏ ⵙ ⴽⵕⴰⴹⵜ ⵏ ⵜⴰⴹⴰ ⴰⴹⵏⵉⵏ – ⵜⵉⵎⵉⵔⵉⴽⴰⵏⵉⵏ, ⴷ ⴰⵙⵢⴰ-ⴰⴳⴰⵔⵓ ⴰⵏⴳⵔⴰⵢ, ⴷ ⵓⵕⵓⴱⴱⴰ – ⴳ ⵢⴰⵜ ⵜⵉⵣⵉ ⵜⴰⵎⵣⵔⴰⵢⵜ ⵜⵉⵙⵙ ⵙⵏⴰⵜ ⵉ ⵜⵏⵙⵙⵉⵅⴼⵜ ⵜⴰⴼⵔⵉⵇⵉⵜ ⴳ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ ⴷ ⵜⵏⴽⵔⴰ ⵙ ⵜⵉⵍⴰⵍⵜ ⴷ ⵜⵕⵡⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵉⵏⵜⴰⵢⵏ ⵙ ⵓⴼⵔⴰⴳ ⵏⵏⵙⵏ ⴷ ⵜⵏⴽⵔⴰ ⵙⵔⵙⵏ ⴳ ⴰⴽⴽⵯ ⵉⴷⵖⴰⵔⵏ ⵏ ⵓⵎⴰⴹⴰⵍ. ⴰⵡⴰⵍⵎⵓⵏ ⴰⴷ, ⵉⴱⵔⵔⵃ ⵙⵉⵙ ⵎⴰⵙⵙ ⴼⵍⴰⴷⵍⵉⵏ ⵙⵜⵉⴼⴰⵏⵓⴼ, ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵉⵎⴰⵙⵙⵏ ⵉⵙⴳⴰⵡⴰⵏⵏ ⴳ ⵜⵎⴰⵍⴰⵍⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴱⵔⵔⵃ ⵙ ⵡⴰⵏⵏⴰⵍ ⵉⵙⵎⴷⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵢⵓⵎⵥⵏ ⴰⵙⵖⵣⵏ ⴳ ⵓⵙⵎⵉⵍ “ⴰ”, ⵉⵎⵙⴰⵙⴰⵏ ⴷ ⵉⵎⵏⵣⴰⵢⵏ ⵏ ⴱⴰⵔⵉⵣ ⵉⵙⵡⵓⴷⴷⵓⵏ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵉ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⴷⴷⴰ ⴷ ⵓⵙⵜⴰⵢ ⴰⴷ ⴷⴼⴼⵉⵔ ⵉⵢⵢⵉⵔⵏ ⵏ ⵡⴰⵏⵏⴰⵍ ⴰⵙⴼⴼⵏⵥⴰⵢ ⴷ ⵓⵎⴷⵡⴰⵙ ⵙⴳ ⵜⵔⴰⴱⴱⵓⵜ ⵜⴰⴼⵔⵉⵇⵉⵜ, ⵏⵏⴰ ⵉⴽⴽⴰⵏ ⵜⵙⵎⵏⵉⴷ ⴰⵏⴰⴽⴰⴷ ⵏ ⵎⴰⵙⵙⴰ ⴱⵓⵄⵢⵢⴰⵛ ⵙ ⵜⵡⵉⵍⴰ ⵜⴰⵎⴰⴷⴷⵓⴷⵜ ⵉ ⵜⵏⵙⵙⵉⵅⴼⵜ ⵏ ⵜⴰⴹⴰ ⴳ ⵉⵏⵏⴰⵢⵔ 2025. ⴳ ⵢⴰⵜ ⵜⴳⵓⵔⵉ ⵙ ⵓⵣⵎⵣⵣⵓ, ⵉⵙⵎⴰⵢⵏⵓ ⵎⴰⵙⵙ ⵊⵓⵣⵉⴼ ⵡⵉⵜⴰⵍ, ⴰⵏⵙⵙⵉⵅⴼ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵙⵔⵖⵓⴷ ⵙ “ⵜⵎⵣⵡⴰⵔⵜ ⵜⵓⵙⵍⵉⴷⵜ” ⵏⵏⴰ ⵙ ⵜⵜⵡⴰⵙⵙⴰⵏ ⵎⴰⵙⵙⴰ ⴱⵓⵄⵢⵢⴰⵛ ⵍⵍⵉⵖ ⵜⴳⴰ ⵜⴰⵏⴼⵍⵓⵙⵜ ⵏ ⵜⴰⴹⴰ ⴳ ⴽⵕⴰⴹ ⵏ ⵉⵙⴳⴳⵯⴰⵙⵏ ⵉⵣⵔⵉⵏ, ⵉⵙⵙⵎⵜⵔ ⵙ ⵓⵜⵓⵢ ⵏⵏⵙ ⴰⵙⵜⵔⴰⵜⵉⵊⵉ, ⴷ ⵜⴳⵏⵙⴰⵙⵜ ⵏⵏⵙ ⵜⴰⴳⵔⴰⵖⵍⴰⵏⵜ, ⴷ ⵓⵎⵎⵏⴷⵓ ⵏⵏⵙ ⴰⵏⵉⵍⴰⵡ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⴳ ⵓⵙⵡⵉⵔ ⴰⵏⴰⵎⵓⵔ, ⴰⴷⵖⵔⴰⵏ, ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ. ⵉⵜⵜⵓⴳⴰ ⴰⵙ ⵉ ⵓⵏⴰⴽⴰⴷ ⵏ ⵎⴰⵙⵙⴰ ⴱⵓⵄⵢⵢⴰⵛ ⴰⵏⵏⴰⵍ ⴰⵎⴷⵡⴰⵙ ⵙⴳ ⵉⴳⵎⴰⵎⵏ ⵏ ⵓⵥⵟⵟⴰ ⴰⴼⵔⵉⵇⵉ.

ⴳ ⵢⴰⵜ ⵜⴳⵓⵔⵉ ⵙ ⵓⵣⵎⵣⵣⵓ, ⵜⵙⵎⵏⵉⴷ ⵎⴰⵙⵙⴰ ⴱⵓⵄⵢⵢⴰⵛ ⴰⵙⵏⵉⵎⵎⵔ ⵏⵏⵙ ⵉ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ, ⵜⵏⵏⴰ: “ⴰⵏⵏⴰⵍ ⵏⵏⵓⵏ ⵉⴳⴰ ⴰⵙⴰⴳⵎ ⵏ ⵓⴽⴰⵎ ⴰⵏⴱⵖⵓⵔ, ⴰⵔ ⴽⵯⵏ ⵙⵏⵉⵎⵎⵉⵔⵖ ⵅⴼ ⵜⵎⵢⵉⵎⴰⵏⵜ ⵏⵏⵓⵏ ⴳⵉⴳⵉ ⴷ ⵜⴰⵎⵏⴽⴰⴷⵜ ⵉ ⵜⵏⵙⵙⵉⵅⴼⵜ ⵏ ⵜⴰⴹⴰ ⴳ ⴽⵕⴰⴹ ⵏ ⵉⵙⴳⴳⵯⴰⵙⵏ ⴷ ⵉⴷⴷⴰⵏ.” ⴷⴼⴼⵉⵔ ⵎⵔⴰⵡ ⵏ ⵉⵙⴳⴳⵯⴰⵙⵏ ⵅⴼ ⵜⵏⵙⵙⵉⵅⴼⵜ ⵜⴰⴼⵔⵉⵇⵉⵜ ⵉⵣⵔⵉⵏ, ⵏⵏⴰ ⵜⵓⵎⵥ ⵜⴼⵔⵉⵇⵜ ⵏ ⵉⴼⴼⵓⵙ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵛⵡⴰⵏⴰ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷⴰ ⵜⵡⵔⵔⵉ ⴷ ⵜⵎⵏⵥⴰⵡⵜ ⵙ ⵜⵏⵙⵙⵉⵅⴼⵜ ⵉ ⵉⵥⵥⵍⵎⴹ ⵏⵏⵙ ⴰⵎⵟⵟⴰⵕⴼⵓ, ⵎⴰⵢⴰ ⴰⴷ ⵉⵎⵎⴰⵍⵏ, ⵜⵏⵏⴰ, “ⴰⵙⵓⵖⵏ ⵏ ⵜⵎⵏⵥⴰⵡⵜ – ⵙⴳ ⵓⵎⵟⵟⴰⵕⴼⵓ ⵏ ⵉⴼⴼⵓⵙ ⵏⵏⵙ ⴰⵔ ⵓⵎⵟⵟⴰⵕⴼⵓ ⵏ ⵉⵥⵥⵍⵎⴹ ⵏⵏⵙ – ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵔⵙⴰⵍ ⵏⵏⵙ ⵜⵉⵏⴰⵎⵓⵔⵉⵏ, ⴱⵍⴰ ⵏ ⵓⵙⴽⴰⵔ ⵙ ⵉⵡⵜⵜⴰ ⵏⵏⵙ ⵉⵊⵢⵖⵔⴰⴼⵉⵢⵏ.”

ⴳ ⵓⵎⴰⴹⴰⵍ ⴳ ⵉⵜⵜⵡⴰⵔⵏⴰ ⵓⴷⵓⵣ ⵅⴼ ⵉⵣⵔⴼⴰⵏ ⴷ ⵜⴷⵔⴼⵉⵏ, ⴰⵔ ⴳⵉⵙ ⵜⵜⵎⵖⵓⵔⵏ ⵉⵣⵎⴰⵣ ⴷ ⵜⵏⵥⴰⵕ ⵜⵉⵎⴰⵢⵏⵓⵜⵉⵏ ⴷ ⵜⵉⵇⴱⵓⵔⵉⵏ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ “ⴰⵔ ⵜⵜⴰⵏⵏⴰⵢⵖ ⵎⴰⵙ ⵜⴳⴰ ⵜⵉⵍⴰⵍⵜ ⴰⴷ ⴷ ⵡⴰⵏⵙⴰ ⴰⴷ ⴰⴷⴷⵓⵔ, ⵎⴰⵛⴰ ⵓⵍⴰ ⵜⴰⵎⵙⵜⴳⴳⴰⵔⵜ ⵏⵏⵉ ⵎⵉ ⵙⵙⵏⵖ ⴰⴳⴳⵯⴰ ⵏⵏⵙ ⵙ ⵜⵉⴷⵜ”. ⵙⴳ ⵜⵏⵥⴰⵕ ⴷ ⵉⵣⵎⴰⵣ ⵏ ⵓⵎⵓⵟⵟⵓⵏ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ, ⴷ ⵜⵎⴷⴼⴼⵔⵜ ⵏ ⵓⵙⴰⵢⵔⴰⵔ ⴰⵖⴰⵔⵉⵎ, ⵙ ⵓⵣⵔⴰⵢ ⵅⴼ ⵉⵎⵏⵖⴰⵏ ⵉⵎⴰⵍⴰⴼⵏ, ⴷ ⵜⵎⵙⴰⵔⵉⵏ ⵏ ⵢⵉⵙⴽⵉⵍ ⴷ ⵜⴽⵕⴹⵉ ⵎⴳⴰⵍ ⵜⵉⵡⵜⵎⵉⵏ, ⴰⵔ ⴷ ⵏⴰⵡⴹ ⵜⵉⵏⵥⴰⵕ ⵏ ⵉⵙⵏⴼⵍⵏ ⵏ ⵓⵏⴳⵉⴳⵜ ⴷ ⵜⵏⴼⵔⵓⵜ ⵏ ⵜⵡⵏⵏⴰⴹⵜ ⴷ ⵉⵎⵣⴰⵔⴰⵢⵏ ⵉⴷⵎⵙⴰⵏⵏ ⵉⵜⵜⵡⴰⵔⵏⴰⵏ– ⵜⵉⵏⵥⴰⵕ ⵉⵙⵖⴰⵡⵙⴰⵏ, ⵜⵙⵎⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⴹⴰ ⵜⴰⵎⴰⴹⵍⴰⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, “ⵙ ⵜⵖⴹⴼⵜ ⵉⵜⵜⵓⵙⵎⴰⵢⵏⵓⵏ ⴷ ⵜⵡⵓⵔⵉ ⵜⴰⵎⴷⵔⵓⵜ ⴰⴼⴰⴷ ⴰⴷ ⵜⵉⵍⵉ ⵜⵏⴼⵔⵓⵜ ⵎⴰⵙ ⵓⵔ ⵉⵜⵜⵡⴰⴷⵊⴰ ⴰⵡⴷ ⵢⴰⵏ ⴷⴼⴼⵉⵔ ⵏ ⵓⴽⴰⴱⴰⵕ.”

ⵜⴰⵎⵥ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵜⴰⵏⵙⵙⵉⵅⴼⵜ ⵏ ⵜⴰⴹⴰ, ⴹⴰⵕⴰⵜ ⵏ ⵜⵏⵙⵙⵉⵅⴼⵜ ⵉⴼⴼⵖⵏ ⵎⴰⵔⵢⴰⵎ ⵍⵄⴰⵟⵉⵢⵢⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵇⴰⵟⴰⵕ. ⵜⵉⵔⵉ ⵎⴰⵙⵙⴰ ⴰⵍⵉⵙⵓⵏ ⴽⵉⵍⴱⴰⵜⵔⵉⴽ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵔⵍⴰⵏⴷⴰ ⵏ ⵉⵥⵥⵍⵎⴹ, ⴰⴷ ⵜⴰⵎⵥ ⴰⵏⵙⴰ ⵏ ⵎⴰⵙⵙⴰ ⴱⵓⵄⵢⵢⴰⵛ, ⴳ ⵜⵏⴼⵍⵓⵙⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ.

ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵜⵙⵙⵓⵜⵉⵢ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵜⵜⴰ ⵉⵎⵓⵏⵏ ⵅⴼ ⵓⴱⵔⵔⵃ ⵙ ⵜⵢⴰⴼⵓⵜⵉⵏ ⵏ ⵓⵙⵜⴰⵢ ⴰⴷ ⴷ ⵓⵙⵡⵓⴷⴷⵓ ⵏⵏⵙ