ⵙⵍⴰ ..ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵜⵎⵀⵍⴰ ⵜⴰⵏⴰⵎⵓⵔⵜ ” ⵕⵎⴹⴰⵏ 1444″ ⵉ 5 ⵉⵎⵍⵢⵓⵏ ⵓⴼⴳⴰⵏ

ⵜⵎⵍⴰ ⵜⴰⵙⵏⵜⴰⵢⵜ ⴰⴷ ⵖⵓⵔⵙⵏ ⵓⵏⴳⵉⵍ ⴰⴷⴷⵓⵙ ⴳ ⵡⴰⵢⵢⵓⵕ ⴰⵎⴱⴰⵔⴽⵉ ⵉⵡⵉⵣ ⴰⴳⵍⴷⴰⵏ ⵉ ⵎⵉⴷⴷⵏ ⴳ ⵡⴰⴷⴷⴰⴷ ⵉⵎⵥⵍⴰⴹ ⴰⵏⴰⵎⵓⵏ ⴷ ⵜⴽⵛⵎ ⴳ ⵓⵙⴰⵜⵉ ⵏ ⵉⵜⵉⴳⵏ ⵉⵖⵓⴷⴰⵏ ⵏ ⵜⴱⴷⴰⴷⵜ ⴷ ⵉⵛⵛⴰⵔⵏ ⵏ ⵓⵎⵓⵏ ⴰⵎⵖⵔⵉⴱⵉ

ⵙ ⵓⵣⵣⵉⴳⵔ ⵏ ⵜⵓⵎⵍⴰⵢⵉⵏ ⵜⴳⵍⴷⴰⵏⵉⵏ ⵜⵙⵙⵏ ⵜⵎⵀⵍⴰ ⵎⴰⵢⴰⴷ ⵜⵜⵓⵙⵔⵙ ⵏ ⵜⴱⵔⴰⵜ ⵏ ⵓⵥⵕⴼ ⵏ ⵓⵜⵉⴳ 390 ⵎⵍⵢⵓⵏ ⴷⵔⵀⵎ ⴷ ⵓⴳⴳⵔ ⵏ ⵓⵎⴰⵟⵟⵓⵏ ⵏ ⵉⵙⴱⵖⵓⵔⵏ ⵙⴳ ⵡⴰⵏⵏⴰⵍ ⴰⵎⵙⴰⴷⵓⵔ ⵙⴳ 600 ⵉⴼⴹ ⴳ ⵜⵓⵏⵖⵉⵜ ⵉⵣⵔⵉⵏ ⴰⵔ 1 ⵎⵍⵢⵓⵏ ⵏ ⵜⵡⵊⴰ ⵉⴼⵔⵓⵔⵉⵏ ⴳ 83 ⵜⵙⴳⴳⴳⴰ ⴷ ⵜⵎⵏⴱⴰⴹⵜ ⴳ ⵜⴳⵍⴷⵉⵜ ⵎⴰⵢⴰⴷ ⵉⵍⵍⴰⵏ 77% ⴳ ⵜⵡⵊⵊⴰ ⵉⵙⴱⵖⵓⵔⵏ ⴳ ⵓⵎⵎⴰⵙ ⴰⴼⵔⴰⵏ .

ⴰⵎⴽ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ ⵙ ⵓⵣⵎⵓⵣⵣⵓ ⵏ ⵜⵓⵏⵖⵉⵍⵜ ⵜⵉⵙ 24 ⵏ ⵓⵙⴽⴽⵉⵔ, ⵜⵓⵎⵍⴰⵢⵉⵉⵏ ⵏⵏⵙ ⵢⴰⵜⵜⵓⵢⵏ ⵃⵎⴰ ⴰⴷ ⵉⵔⵏⵉ ⴳ ⵜⵙⵓⵍⵍⵜ ⵙ ⵜⵖⴰⵡⵙⵉⵡⵉⵏ ⵏ ⵎⴰⵛⵛⴰ ⵢⴰⴹⵏⵉⵏ, ⵣⵣⴳⵉⵙⵏ ⵕⵕⵓⵥ ⴷ ⵓⴽⵯⴼⴼⴰⵢ.

ⴰⵙⴽⴽⵉⵔ ⴰⴷ ⵉⵜⵜⵡⴰⵙⵏⵢⴰⵏⵏ ⵙ ⵜⵎⴰⵡⴰⵙⵜ ⵏ ⵓⴳⵯⵏⵙ ⴷ ⵜⵎⴰⵡⴰⵙⵜ ⵏ ⵉⵙⴱⴷⴰⴷⵏ ⴷ ⵜⵖⴰⵡⵙⵉⵡⵉⵏ ⵜⵎⵙⵍⵎⵉⵏ, ⵉⵊⵊⵏ ⵓⵣⵎⵣ ⴷ ⴰⵙⴳⴳⵯⴰⵙⴰⵏ ⵃⵎⴰ ⴰⴷ ⵉⵡⵡⵛ ⵜⵡⵉⵣⴰ ⵏ ⵓⵙⵏⵢⴰⵏ ⵉ ⵉⴽⵍⵓⵙⵙⴰⵢ ⵉⵏⴰⵎⵓⵏⵏ ⵉⴹⵄⴼⵏ, ⴰⵎ ⵜⵎⵖⴰⵔⵉⵏ ⵜⵉⴳⵊⵊⴰⵍ, ⵉⵡⵙⵙⵓⵔⴰ ⴷ ⵉⵎⵄⴹⴰⵕ.

ⴰⵖⴰⵡⴰⵙ ⴰⴷ ⴰⵏⴼⴳⴰⵏ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⵏ ⵜⵡⵉⵣⴰ ⵉⵜⵜⴰⴷⴼ ⴳ ⵢⵉⴳⵔ ⵏ ⵜⵡⵉⵣⴰ ⵏⵏⴰ ⵢⴰⴽⴽⴰⵏ ⵉ ⵎⴷⴷⵏ ⵉⵙⵖⴰⵡⵙⴰⵏ, ⴷ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵜⵡⵉⵣⴰ.

ⵃⵎⴰ ⴰⴷ ⵓⴳⵓⵔⵏ ⵎⵍⵉⵃ ⵙ ⵓⵙⴽⴽⵉⵔ ⴰⴷ, ⵍⵓⵍⵓⴼ ⵏ ⵎⴷⴷⵏ ⵉ ⴷ ⵡⵡⵉⵏ ⵃⵎⴰ ⴰⴷ ⴰⵙⵏ ⵡⵛⵏ ⵜⵉⵡⵉⵣⴰⵡⵉⵏ ⵜⵉⵏⴰⵎⵓⵏⵉⵏ, ⴷ ⵉⵡⴷⴰⵏ ⵉⵜⵜⵄⴰⵡⵏⴰⵏ ⴳ ⵜⵏⵇⵇⴰⴹ ⵏ ⵓⴱⵟⵟⵓ ⵏⵏⴰ ⵉⵍⵍⴰⵏ ⴳ ⵓⵙⵡⵉⵔ ⴰⵏⴰⵎⵓⵔ, ⴰⴷ ⵇⵇⵉⵎⵏ ⵜⵜⵉⵛⵏ ⵜⵉⵙⵡⵉ ⵏ ⵎⴰⵛⵛⴰ ⵉ ⴰⵢⵜ ⴱⴰⴱ ⵏ ⵜⵡⴰⵛⵓⵏⵉⵏ ⴷ ⵉⵙⵎⴷⵢⴰⵜⵏ ⵏ ⵉⵏⴱⵖⵓⵔⵏ.

ⵍⵍⴰⵏⵜ ⵙⵏⴰⵜ ⵏ ⵜⴳⵔⴰⵡⵉⵏ ⴼⴰ ⴰⴷ ⴰⴷ ⵃⴹⴰⵏⵜ, ⵉⵛⵜⵏ ⴷ ⵜⴰⴷⵖⴰⵔⴰⵏⵜ ⵉⵛⵜ ⵏⵏⵉⴹⵏ ⴷ ⵜⴰⵙⴳⴰⵡⴰⵏⵜ, ⴰⴷ ⴹⵓⴼⵏⵜ ⵅⴼ ⵓⵃⵟⵟⵓ ⵏ ⵉⵏⴰⵎⵎⴰⵙⵏ ⵏ ⵓⴱⵟⵟⵓ ⴰⴷ ⵙⵙⵏ ⵎⴰⴷ ⵉⴳⴰⵏ ⵉⵏⴱⵖⵓⵔⵏ ⵏ ⴽⵓⵍ ⴰⵙⴳⴳⵯⴰⵙ, ⵖⵔ ⵉⵊⵏ ⵜⵡⵓⵔⵉ ⵏⵏⴰ ⵜⵙⴽⴰⵔ ⵜⵉⵏⴱⴰⴹⵉⵏ ⵜⵉⴷⵖⴰⵔⴰⵏⵉⵏ ⵎⴰⵃⵏⴷ ⴰⴷ ⵙⵙⵏⵏ ⵜⴰⵖⴰⵔⴰⵙⵜ ⵏ ⵜⵓⴷⵔⵜ ⵏ ⴷⴷⴳⴳ ⴰⴷ ⵏ ⵎⵉⴷⴷⵏ ⴷ ⵡⴰⴷⴷⴰⴷ ⵏⵏⵙⵏ ⵖⵉⵍⴰⴷ ⵅⴼ ⵛⴰ ⵏ ⵉⵜⴳⴰⵔⵏ ⵉⵙⵢⵓⵙⵢⵓ ⴷⴰⵎⵙⴰⵏⵏ.

ⴰⵎⴽ ⵜⵜⴳⴳⵏⵜ ⵜⵉⴳⵔⴰⵡⵉⵏ ⵜⵉⵏⴰⵎⵓⵏⵉⵏ ⵏ ⵜⴷⵡⴰⵙ ⵜⵉⵙⵔⴷⴰⵙⵉⵏ ⵜⵉⴳⵍⴷⴰⵏⵉⵏ, ⴷ ⵓⵙⴷⴷⵔ ⴰⵏⴰⵎⵓⵏ, ⴷ ⵜⵏⴱⴱⴰⴹⵉⵏ ⵃⵎⴰ ⴰⴷ ⴼⴽⵏⵜ ⵜⵡⵉⵣⴰ ⵉ ⵜⴰⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⵃⵎⴰ ⴰⴷ ⵙⵙⵓⴳⵓⵔⵏ ⵙ ⴷⴰⵜ ⵉ ⵓⵙⴽⴽⵉⵔ ⴰⴷ ⴰⵡⵉⵣⴰⵡⴰⵏ. ⵎⴰⵏⵉ ⵜⴰⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⵃⵟⵟⵓ ⴰⵏⴰⵎⵓⵏ ⴷ ⵓⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵓⵔⵜ ⵏ ⵉⴼⴰⵔⵙⵏ ⵏ ⵎⴰⵛⵛⴰ, ⵙⴳ ⵓⵖⵣⴷⵉⵙ ⵏⵏⵙⵏ ⵅⵣⵣⵔⵏ ⴷ ⵃⵟⵟⴰⵏ ⵜⵖⴰⵔⴰ ⵏ ⵉⴼⴰⵔⵙⵏ ⴰⴷ ⵏ ⵎⴰⵛⵛⴰ ⵉⵜⵜⵓⴱⴹⴰⵏ.

ⵙ ⵓⵣⵎⵓⵣⵣⵓ ⴰⴷ, ⵉⵙⵍⵍⵎ, ⵓⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴽⵔⴰ ⵏ 10 ⵏ ⵜⵇⵓⵍⵍⴰⵜⵉⵏ ⵏ ⵎⴰⵛⵛⴰ ⵉ ⵛⴰ ⵙⴳ ⴰⵢⵜ ⵜⵡⴰⵛⵓⵏⵉⵏ ⵉⴱⵖⵔⵏ ⵙⴳ “ⵕⵎⴹⴰⵏ 1444″ ⵣⵉ ⵙⵏⵏⵉ ⴰⴷ ⴳⴳⵏ ⵉⵊⵊⵏ ⵜⵡⵍⵍⴰⴼⵜ ⵉ ⵓⴳⵍⵍⵉⴷ ⴰⴽⴷ ⵛⴰ ⵣⴳ ⵉⵏⵏⵉ ⵉⴷⵔⵓⵏ ⴳ ⵓⵙⴽⴽⵉⵔ ⴰⴷ ⵏ ⵜⵡⵉⵣⴰ.

ⵣⴳ ⵡⴰⵎⵉ ⵜⴱⴷⴰ ⴰⵙⴳⴳⵯⴰⵙ ⵏ 1998, ⵉⵡⵡⴹ ⵓⵙⴽⴽⵉⵔ ⴰⴷ ⵏ ⵓⵙⵏⵏⵍ ⵏ ⵎⴰⵛⵛⴰ ⵛⴰ ⵏ ⵜⵜⵎⵏⵢⴰⵜ ⵉⵜⵜⴰⴽⴽⵯⴰⴹⵏⵜ 02 ⵎⵍⵢⴰⵔ ⴷⵔⵀⵎ, ⴳⵄⵄⴷⵏⵜ ⵜⵡⴰⵛⵓⵏⵉⵏ ⵉⴱⵖⵔⵏⵜ ⵣⵉ 34 ⵏ ⵉⴼⴹ ⴷ 100 ⵏ ⵜⵡⴰⵛⵓⵏⵜ ⴰⵙⴳⴳⵯⴰⵙ ⵏ 1998 ⴰⵔ ⵎⵍⵢⵓⵏ ⵏ ⵜⵡⴰⵛⵓⵏⵜ ⴰⵙⴳⴳⵯⴰⵙ ⴰⴷ.

ⴰⵎⵎⵓ ⵉⵜⵜⴰⵙ ⴷ ⵓⵙⴽⴽⵉⵔ ⴰⴷ ⵏ “ⵕⵎⴹⴰⵏ 1444” ⵃⵎⴰ ⴰⴷ ⵜⵎⵎⵔⵏⵉ ⵖⵔ ⵉⵙⴽⴽⵉⵔⵏ ⴷ ⵜⵙⵏⵜⴰⵢⵉⵏ ⵜⵉⵏⴰⴼⴳⴰⵏⵉⵏ, ⵉ ⵉⵜⵜⴳⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵃⵎⴰ ⴰⴷ ⵉⴽⴽⵔ ⵙ ⵜⵓⵙⵙⵏⴰ ⵏ ⵜⵡⵉⵣⴰ ⴷ ⵜⵏⴼⵍⵉⵜ ⵜⴰⵏⴼⴳⴰⵏⵜ ⵉⵙⵎⴷⵏ.