ⵍⵎⵖⵔⵉⴱ ⴷ ⵍⴽⴰⵎⵉⵕⵓⵏ ⴰⵔ ⵙⵙⴷⵓⵙⵏ ⴰⵎⵢⴰⵡⴰⵙ ⴰⵙⵔⴷⴰⵙ ⵙ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⴰⵜⵜⵓⵢⵏⵉⵏ

المغرب والكاميرون يعززان التعاون العسكري بتوجيهات ملكية سامية

ⵙ ⵓⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⴰⵜⵜⵓⵢⵏⵉⵏ, ⵉⵙⴱⵔⵔⴽ ⵓⵎⴰⵡⵙⴰⵙ ⴰⵎⴰⵍⴰⵍ ⵖⵔ ⵓⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ, ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ, ⵎⴰⵙⵙ ⵄⴱⵍⵍⴰⵟⵉⴼ ⵍⵓⴷⵢⵉ, ⴰⵙⵙ ⵏ ⵓⴽⵕⴰⵙ 18 ⵎⴰⵕⵚ 2025 ⴳ ⵓⵙⵖⵉⵎ ⵏ ⵜⵎⵙⵙⵓⴳⵓⵔⵜ ⴰⴷ, ⴰⵎⴰⵡⵙⴰⵙ ⴰⵎⴰⵍⴰⵍ ⵖⵔ ⵜⵏⵙⵙⵉⵅⴼⵜ ⵏ ⵜⴳⴷⵓⴷⴰⵏⵜ ⵏ ⵍⴽⴰⵎⵉⵕⵓⵏ, ⵉⵜⵜⵓⵙⵎⴰⴳⴰⵍⵏ ⵙ ⵓⵎⵣⴰⵖ, ⵎⴰⵙⵙ ⵊⵓⵣⵉⴼ ⴱⵉⵜⵉ ⴰⵙⵓⵎⵓ, ⴷ ⵢⴰⵏ ⵓⴽⴰⴱⴰⵕ ⴰⵅⴰⵜⴰⵔ,

ⵉⵙⵙⵏⵜⵉ ⵓⵎⴰⵡⵙⴰⵙ ⴰⵔⵣⴰⴼ ⵏⵏⵙ ⴰⵙⵎⵓⵍⵍⵓ ⵅⴼ ⵢⵉⵎⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵎⵓⵃⵎⵎⴷ ⵡⵉⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙ ⵙⵉⵏ, ⴰⴷ ⵉⵙⴼⴰⵍⴽⵉ ⵕⴱⴱⵉ ⴰⵎⴰⴷⴰⵡ ⵏⵏⵙⵏ, ⵎⴽⵍⵍⵉ ⵉⵙⵔⵙ ⵢⴰⵏ ⵢⵉⵙⵏⵉ ⵏ ⵉⵊⴷⴷⵉⴳⵏ ⵅⴼ ⵓⵙⵎⴹⵍ ⵏ ⵉⴷ ⴱⴰⴱ ⵏ ⵡⴰⴷⴷⵓⵔ ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙⵏ ⴷⴰⵜ ⴰⴷ ⵉⵙⴳⵎⴹ ⵅⴼ ⵡⴰⵍⵓⴳ ⵏ ⵡⵓⵔⵖ ⵏ ⵓⴷⴱⵏⵉ.

ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵙⴷⵓⵙ ⴷ ⵓⵙⵎⵙⵉ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳⵔ ⵜⵎⵉⵣⴰⵔ ⴰⴷ, ⵍⵍⵉⵖ ⵜⵥⵍⵉ ⵙ ⵓⵙⴳⵎⴹ ⵅⴼ ⵜⵎⵢⴰⵇⵇⴰⵏⵜ ⵉⵣⴷⵉⵏ ⴷ ⵢⵉⴳⵔⴰⵏ ⵏ ⵓⵙⵎⵓⵜⵜⴳ, ⴷ ⵜⴰⵏⵏⴰⵏⵉⵏ ⴷ ⵉⵍⵓⵖⵎⴰ ⵉⵙⵔⴷⴰⵙⵏ, ⴷ ⵜⴷⵓⵙⵉ ⵜⴰⵙⵔⴷⴰⵙⵜ ⴷ ⵜⵡⵉⵙⵉ ⵜⴰⵜⵉⵇⵏⵉⵜ.

ⴳ ⵓⵎⵏⵉⴷ ⴰⴷ, ⵉⵙⵎⴰⵏⴰⵔ ⵎⴰⵙⵙ ⴱⵉⵜⵉ ⴰⵙⵓⵎⵓ ⴰⴷⵔⵉⵣ ⵏ ⵓⵙⵉⵣⵡⵔ ⴰⵎⵓⵣⵣⵓⵔ ⵏ ⵜⴷⵔⴰⵡⵜ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵉⴳⵎⵔ ⵜⴰⵎⵍⴷⴰ ⴰⴷ ⵉⵙⵙⴼⵔⵓ ⴰⴳⴰⵔⴰⵣ ⵏⵏⵙ ⵙ ⵜⵙⵏⵜⴰⵢⵉⵏ ⵎⵣⴰⵔⴰⵢⵏⵉⵏ ⵏ ⵓⵎⵢⴰⵡⴰⵙ ⵉⴼⴼⵓⵙ – ⵉⴼⴼⵓⵙ ⴷ ⵜⵙⵏⵜⴰⵢⵉⵏ ⵜⵉⵙⴳⴰⵡⴰⵏⵉⵏ ⵉ ⵜⵏⴰⴼⵓⵜ ⵏ ⵜⵎⵏⵥⴰⵡⵜ ⵜⴰⴼⵔⵉⵇⵉⵜ, ⵏⵏⴰ ⵎⵉ ⵉⵜⵜⵓⵙⴽⴰⵔ ⵓⵏⵏⵓⵕⵥⵎ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ.

ⴳ ⵜⴳⵉⵔⴰ ⵏ ⵓⵏⵎⵓⵇⵇⴰⵔ ⴰⴷ, ⵙⵙⴼⵔⴰⵏ ⵉⴳⵎⴰⵎⵏ ⴰⴷ ⵜⴰⴽⴰⵢⵍⴰⵍⵜ ⴷ ⵜⵉⵔⴰⵜ ⵉⵛⵛⴰⵔⵏ ⵏⵏⴰ ⵡⴰⵜⵜⵙⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⴳ ⵢⵉⵎⴰⵍ, ⵙⴳ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴰⵙⵔⴷⴰⵙ ⵉⵜⵜⵓⵙⴳⵎⴰⴹⵏ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
Traduction: Abdelouahid Boutbagha