ⵉⵣⵔⴼⴰⵏ ⴷ ⵢⵉⵙⴽⵉⵍ ⴷ ⵓⵙⵣⵎⵔ ⵉ ⴰⴽⴽⵯ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ”… ⵉ ⵜⵎⵖⴰⵔⵜ ⴷ ⵜⵔⴱⴰⵜ, ⵉ ⵡⴰⵎⵓⵏ

ⴰⴳⵣⵣⵓⵎ ⴰⵎⵣⵡⴰⵔⵓ – ⵉⵣⵔⴼⴰⵏ. ⵉⵙⴽⵉⵍ. ⴰⵙⵣⵎⵔ : ⵜⴰⴽⴰⵢⵍⴰⵍⵜ ⵜⴰⵎⴳⵔⵓⵜ ⵉ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ

“ⵜⴰⵎⵖⴰⵔⵜ ⵜⴰⵎⵖⵔⵉⴱⵉⵜ ⵜⴳⴰ ⴱⴷⴷⴰ ⴷ ⵜⵙⵓⵍ ⵏⵉⵜ ⴷ ⵜⴰⵎⴳⴳⴰⵢⵜ ⵜⴰⵎⴰⵏⴰⵔⵜ ⴳ ⵓⵎⵏⴰⴹⵏ ⵜⵏⴼⵍⵉⵜ ⵜⴰⵎⵓⵏⴰⵏⵜ ⴷ ⵓⵏⵙⵡⵉⵏⴳⵎ ⴷ ⵓⵏⵔⵎⵎⵓⵙ ⴳ ⵓⵙⴰⴽⴰ ⴰⵏⴰⵎⵓⵔ ⵉ ⵓⵍⴽⴰⵎ ⵙ ⵉⵙⴽⵉⵍ ⴷ ⵜⵙⵓⵎⵓⵜ. ⴰⵙⴰⴽⴰ ⴰⴷ, ⴰⵙⴰⴽⴰ ⵉⵣⴷⵉⵏ ⵉ ⵓⵙⵏⴼⵍ ⵏ ⵉⵔⵎⵎⵓⵙⵏ ⴷ ⵜⵡⵏⴳⵉⵎⵉⵏ ⵉⵙⵙⵉⵏⴼⵏ ⵉ ⵜⵏⴷⵉⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵕⵥⵥⴰⵏ ⴰⴷⴷⵓⵔ ⵏ ⵜⵎⵖⴰⵔⵜ… ⵙ ⵔⵖⵉⵙⵜ ⵏⵏⵖ ⴷ ⵜⴰⵢⵔⵉ ⵏⵏⵖ ⴷ ⵉⵙⵉⵜⴰⵎ ⵏⵏⵖ, ⵔⴰⴷ ⵏⵎⵓⵔⵙ ⴳ ⵜⵕⵥⵉ ⵏ ⴰⴽⴽⵯ ⵉⴼⵉⴽⵛⵏ ⵉⵙⵡⵓⵜⵜⵓⵏ ⴰⴷ ⵙⵎⵥⵉⵢⵏ ⵜⴰⵎⵖⴰⵔⵜ”.

ⵙ ⵜⴽⴰⵢⵍⴰⵍⵜ ⴰⴷ ⴰⵙ ⵜⵕⵥⵎ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴰⵏⵎⵓⵇⵇⴰⵔ ⵉⵥⵍⵉⵏ ⵙ ⵜⴷⵔⴰⵡⵉⵏ ⵏ ⵜⵎⵖⴰⵔⵉⵏ ⵜⵉⵎⵖⵔⵉⴱⵉⵢⵉⵏ ⴳ ⵓⵙⴰⴽⴰ ⵏ ⵜⵉⴷⵜ ⴷ ⵓⵙⵓⵎⵓ ⴷ ⵓⵎⵙⴼⵔⵓ, ⵖ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ 2024, ⵉⵎⵙⴰⵙⴰⵏ ⴷ ⵓⵙⴼⵓⴳⵍⵓ ⵏⵏⵖ ⴰⵙⴳⴳⵯⴰⵙ ⵉⵣⵔⵉⵏ ⵙ ⵓⴽⵜⵜⵓⵢ ⵡⵉⵙ ⵙⵉⵎⵔⴰⵡ ⵏ ⵓⵙⵔⵓⵙ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ.

ⴰⵙⵙⴰ, ⵡⵉⵙⵙ ⵜⴰⵎ ⴳ ⵎⴰⵕⵚ 2025, ⴷⴰ ⵏⴷⵔⵔⵓ ⴷⴰⵖ ⴷ ⵜⵏⵎⵣⴰⵖⵉⵏ ⴷ ⵉⵏⵎⵣⴰⵖⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ, ⴳ ⵓⵎⴰⴹⴰⵍ, ⴰⴼⴰⴷ ⴰⴷ ⵏⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ. ⵏⵜⵜⴰⵜ ⴷ ⵢⴰⵏ ⵓⵣⵎⵣ ⴰⵙⴳⴳⵯⴰⵙⴰⵏ, ⵎⴽⴷⴰ ⵜⵜ ⵉⵥⵕⵕⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉ ⵉⴱⴷⴷⵉ ⵅⴼ ⵓⵣⴷⵉⵔⵏ ⴷ ⵜⵏⵥⴰⵕ ⴷ ⵓⵙⴼⵓⴳⵍⵓ ⵙ ⵉⵙⴰⴽⴰⵜⵏ, ⴰⴼⴰⴷ ⴰⴷ ⵏⵣⴷⵉ ⴰⵎⵣⴰⵖ ⵅⴼ ⵡⴰⴷⴷⵓⵔ ⴷ ⵉⵣⵔⴼⴰⵏ ⴷ ⵓⵏⵄⴰⵕ ⴱⴷⴷⴰ ⵅⴼ ⵓⵙⵣⵎⵔ ⴷ ⵢⵉⵙⴽⵉⵍ.

ⵜⴰⵎⴰⵜⴰⵔⵜ ⵏ ⵓⵙⴳⴳⵯⴰⵙ ⴰⴷ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ـــــ ⵉⵣⵔⴼⴰⵏ ⵏⵏⵙⵏⵜ, ⵉⵎⴰⵍ ⵏⵏⵖ, ⵖⵉⵍⴰⴷ – ⵉⵣⵔⴼⴰⵏ. ⵉⵙⴽⵉⵍ. ⴰⵙⵣⵎⵔ. ⵉ ⴰⴽⴽⵯ ⵜⵉⵎⵖⴰⵔⵉⵏ ⴷ ⵜⵔⴱⴰⵜⵉⵏ ــــ, “ⵍⴰ ⵉⵎⵎⴰⵍ ⵜⴰⴽⴰⵢⵍⴰⵍⵜ ⵏⵏⵖ ⵜⴰⵎⴳⵔⵓⵜ ⵉ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵓⵙⵣⵎⵔ ⵏⵏⵙⵏⵜ, ⴰⴷⵎⵙⴰⵏ ⴷ ⵓⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵍⵙⴰⵏ, ⴷ ⵉ ⵓⵍⴽⴰⵎ ⵙ ⵉⵙⴽⵉⵍ”, ⴷⴰⵜ ⴰⴷ ⵜⵔⵏⵓ ⵜⵙⵉⵙⴼⵉⵡ: “ⵏⴽⴽⵯⵏⵉ ⵖ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ “ⵜⵉⵎⵙⴰⵔⵉⵏ ⵏ ⵓⵙⵣⵎⵔ ⵏ ⵜⵎⵖⴰⵔⵉⵏ ⴷ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⴷ ⵓⵙⵏⵓⵃⵢⵓ ⵉⴱⴷⴷⵏ ⵅⴼ ⵡⴰⵏⴰⵡ ⴷ ⵉⵙⵉⵣⵡⵉⵔⵏ ⵉⴷⵙⵍⴰⵏⵏ, ⴰⵎ ⵎⴰⴷ ⵏⵓⵎⵥ ⵜⴰⵙⵓⵖⵍⵜ ⵏⵏⵖ ⵜⴰⵏⴰⵎⵓⵔⵜ ⵜⴰⴷⵓⵙⵜⵓⵔⵉⵜ, ⵏⵖ ⵎⴰⴷ ⵏⵓⵎⵥ ⵜⵉⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵍⵎⵖⵔⵉⴱ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴽⴷⴰ ⵜⵏ ⵜⵙⵙⵖⵣⵏ ⵜⴳⵍⴷⵉⵜ”.