ⵉⵙⵙⵉⵜⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⵔⴰⵜ ⵉⵜⵜⵓⵙⵎⴰⵍⵏ ⴷ ⵉⵜⵜⵓⵙⵙⴼⵏⵥⴰⵢⵏ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵜⵙⵖⵣⵏⵜ ⵏ ⵜⵎⵙⴽⵔⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⵢⴰⴷⴰⵙⵉⵏ ⵜⵉⵣⵣⵓⵍⴰⵏⵉⵏ ⵉⵙⵙⵓⵜⵍⵏ ⵙ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ

ⵉⵙⵙⵉⵜⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵙⴰ ⴳ ⵕⵕⴱⴰⵟ ⵜⵉⵔⴰⵜ ⵉⵜⵜⵓⵙⵎⴰⵍⵏ ⴷ ⵉⵜⵜⵓⵙⵙⴼⵏⵥⴰⵢⵏ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵜⵙⵖⵣⵏⵜ ⵏ ⵜⵎⵙⴽⵔⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⵢⴰⴷⴰⵙⵉⵏ ⵜⵉⵣⵣⵓⵍⴰⵏⵉⵏ ⵉⵙⵙⵓⵜⵍⵏ ⵙ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⵥⵥⵓⵎⵜ ⵏ ⵜⵡⵓⵔⵉ ⵏⵏⵙ ⵜⴰⴽⵓⵢⴰⵙⵙⵜ. ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⵅⴼ “ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵉⵙⵓⵔⵙⵏ ⵏ ⵜⵎⵣⵡⴰⴳⵜ : ⵜⵉⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⴰⵜⵉ ⴰⵏⴰⵎⵓⵔ ⵏ ⵓⴼⵔⴰⴳ”, ⴳ ⵓⵙⵉⵏⴰⴳ ⵏ ⵕⵕⴱⴰⵟ – ⴷⵔⵉⵙ ⴱⵏⵣⴽⵔⵉ – ⵉ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⴳⴰⵏⵜ ⵜⵙⵏⵜⴰⵢⵉⵏ ⴰⵎ ⵜⵉⴷ ⴰⵙⵏⴼⵍ ⴰⵎⵏⴰⵡⴰⵢ ⴳ ⵜⴱⵔⵉⴷⵜ ⵏ ⵜⵏⴼⵔⵓⵜ ⴷ ⵓⵙⴷⵓⵙ ⵏ ⵜⵏⴱⴰⴹⵜ ⵏ ⵓⵙⵍⴳⵏ ⴷ ⵓⴼⵔⴰⴳ ⵏ ⵡⴰⴷⴷⵓⵔ ⴰⵏⴼⴳⴰⵏ.

ⵜⵙⵙⴽⵜⵉ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴷ ⴷⴷⴰⵏⵜ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵏ ⵉⵙⵎⴰⵜⵜⴰⴳⵏ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉ ⵉⵎⵙⵖⴰⵏⵏ/ⵜⵎⵙⵖⴰⵏⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⴳⵉⵔ ⵏ ⵓⵙⵍⴳⵏ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵢⴰⵏ ⵓⵎⵏⵏⵉ ⵉⵥⵍⵉⵏ ⴳ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵏⴳⵔ ⵜⵉⵎⵔⵙⴰⵍ ⵉⵥⵍⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴱⵔⵉⴷⵉⵏ ⵏ ⵓⵙⴰⵏⵓⵏ ⴷ ⵓⵙⵎⵓⵜⵜⴳ ⴷ ⵓⵙⵔⵙ ⵏⵏⵙ ⴰⵎ ⵜⴰⵙⴰⵖⵓⵍⵜ ⴷ ⵓⵏⵎⵎⴰⵍ ⵉⵙⵙⵓⵜⵉⵢⵏ ⵉ ⵜⵙⵎⵉⴳⴰⵍ ⵏ ⵉⵎⵙⵖⴰⵏⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⴳⵉⵔ ⵏ ⵉⵙⵍⴳⵏⵏ.

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⴷⴰ ⵜⵎⵎⴰⵍ ⵜⵉⵔⴰⵜ ⴰⴷ ⴰⵙⵓⵖⵏ ⵏ ⵜⵉⴷⵜ ⵙ ⵓⵙⴷⵖⵉ ⵏ ⵓⵏⴰⴳⵔⴰⵡ ⵏ ⵜⵏⴼⵔⵓⵜ ⵙ ⵉⵏⴰⵡⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵙⵙⴼⴰⵡ ⵎⴰⵙ ⵉⴳⴰ ⵓⵙⵎⵓⵜⵜⴳ ⴰⵙⵓⵍⴰⵏ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⴰⴷ ⵜⴰⵔⵙⵍⵜ ⵜⴰⴷⵙⵍⴰⵏⵜ ⴳ ⵓⵙⵏⴼⵍ ⴰⴷ. ⵜⵙⴷⴷⵉⴷ ⴰⵡⴷ ⵎⴰⵙ ⴷⴰ ⵉⵜⵜⴰⵏⵏⴰⵢ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⴳⴰⵏⵜ ⵜⵙⵓⵜⵍⵉⵏ ⴰⴷ ⵜⵎⴰⵜⴰⵔⵜ ⵏ ⵓⴼⵔⴰⴽ ⵙ ⵉⵣⵣⵉⴳⵣⵏ ⵙ ⵡⴰⴷⴷⵓⵔ ⵏ ⵓⵙⴷⵓⵙ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⴳⵏⵙⵓ ⵏ ⵜⵎⵔⵙⴰⵍ ⵏ ⵜⵏⴼⵔⵓⵜ.

ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵜⴳⴰ ⵜⵎⴷⵔⴰⵜ ⵉⵏⴳⵔ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴼⵔⵓⵜ, ⵜⴰⵎⴷⵔⴰⵡⵜ ⵉⵎⵎⴰⵍⵏ ⴰⴱⵔⵉⴷ ⵉⵣⵣⵉⴳⵣⵏ ⴳ ⵓⵙⴷⵖⵉ ⵏ ⵡⴰⵎⵎⴰⴽⵏ ⵏ ⵓⴽⵛⵛⵓⵎ ⵖ ⵓⴱⴰⵔⴰⵣ ⵙ ⵓⵎⵙⴰⵙⴰ ⴰⴽⴷ ⵉⵏⴰⵡⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

“ⵜⴰⵎⴷⵔⴰⵡⵜ ⵉⵙⵙⴼⴽⴰⵏ ⵏⵏⴰ ⴰⵖ ⵉⵣⴷⵉⵏ”, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ” ⴷ ⴰⴱⵔⵉⴷ ⴳ ⵓⵙⵎⴰⵢⵏⵓ ⵏ ⵉⵎⴰⵙⵙⵏ ⵏ ⵉⴽⵛⵛⵓⵎⵏ ⵖ ⵓⴱⴰⵔⴰⵣ, ⵙ ⵡⴰⵏⵏⴰⵍ ⵅⴼ ⵉⵏⴰⵡⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ”, ⴷⴰⵜ ⴰⴷ ⴷ ⵜⵡⵔⵔⵉ ⵜⵙⴷⴷⵉⴷ ⵎⴰⵙ ⵔⴰⴷ ⵜⵕⵥⵎ ⵜⵙⵓⵜⵍⵜ ⴰⴷ ⵉⴳⵔⴰⵏ ⵉⵎⴰⵢⵏⵓⵜⵏ ⵉ ⵓⵙⴷⵓⵙ ⵏ ⵜⵎⴷⵔⴰⵡⵜ ⵉⵏⴳⵔ ⵜⵎⵔⵙⴰⵍ ⵙ ⵙⵏⴰⵜ ⴷ ⵜⵣⵣⵉⴳⵣⵜ ⵙ ⴷⴰⵜ ⴳ ⵓⵙⵎⵀⵍ ⵏⵏⵙ, ⴹⴰⵕⵜ ⵏ ⵜⵙⵓⵜⵍⵉⵏ ⵉⵣⵔⵉⵏ ⵏⵏⵉ ⴷ ⵢⵓⵡⵉⵏ ⵅⴼ ⵡⴰⵔⴰⵢ ⵙⴳ ⵓⵙⵔⴼⵓⴼⵏ.