ⵉⵙⴱⵔⵔⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵏⵏⵖ ⵉⵎⴰⵔⴰⵔⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⵉⴼⴽ ⴰⵙⵏ ⵜⵉⵎⴰⴷⴰⵢⵉⵏ ⵜⵉⴳⵍⴷⴰⵏⵉⵏ

 ⴰⵙⴱⵔⵔⴽ ⴰⴷ ⵏ ⵓⴳⵍⵍⵉⴷ ⵉⴳⴰ ⵢⴰⵏ ⵓⵙⵎⴽⵍ ⵏⵏⵙ ⵉⵥⵍⵉⵏ ⵙ ⵉⵄⵔⵔⵉⵎⵏ ⴷ ⵓⵙⵎⴽⵍ ⵏⵏⴰ ⵢⴰⴽⴽⴰ ⵓⴳⵍⵍⵉⴷ ⵏⵏⵖ ⵉ ⵜⵉⵏⵏⵓⵏⵜ ⵙ ⵓⵎⴰⵜⴰ ⴷ ⵜⵡⵊⵊⴰ ⵏ ⵓⴹⴰⵕ , ⵉⴳⴰ ⵓⵙⴱⵔⵔⴽ ⴰⴷ ⵜⴰⵢⴰⴼⵓⵜ ⵏ ⵓⵎⵙⴽⴰⵔ ⵏⵏⴰ ⵉⴽⵛⵎⵏ ⴰⵎⵣⵔⵓⵢ ⴷ ⵡⵓⵏⵏⴰ ⵊⵊⵓ ⵓⵔ ⵉⵜⵜⴰⵡⵙⴽⴰⵔⵏ ⵜⵉⵔⴰⴱⴱⵓⵜⵉⵏⵜⵉⵏⴰⵎⵓⵔⵉⵏ ⵏⵏⴰ ⵉⵣⵔⵉⵏ, ⵎⴰⵢⴰⴷ ⵉⴼⴽⴰ ⵢⴰⵏ ⵡⴰⴷⴷⵓⵔ ⵉ ⵜⵡⵊⵊⴰ ⵏ ⵓⴹⴰⵕ ⴳ ⵍⵎⵖⵔⵉⴱ ⴷ ⵜⴼⵔⵉⵇⵜ ⵙ ⵓⵎⴰⵜⴰ ⴳ ⵜⴳⵉⵔⴰ ⵏ ⵓⵏⵎⵓⵇⵇⴰⵔ ⴰⴷ ⵏ ⵜⵓⵏⵏⵓⵏⵜ ⵜⴰⴳⵔⴰⵖⵍⴰⵏⵜ.

ⴳ ⵜⴼⵓⴳⵍⴰ ⴰⴷ ⵉⴼⴽⴰ ⵓⴳⵍⵍⵉⴷ ⵏⵏⵖ ⵜⴰⵎⴰⴷⴰⵢⵜ ⵉ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⵡⵊⵊⴰ ⵏ ⵓⴹⴰⵕ ⵎⴰⵙⴷ ⴼⴰⵅⵣⵉ ⵍⵇⵊⵄ, ⴷ ⵓⵎⵙⴰⵏⵓⵏ ⵏ ⵜⵔⴰⴱⴱⵓⵜ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵎⴰⵙⵙ ⵡⴰⵍⵉⴷ ⵔⴳⵔⴰⴳⵉ, ⴷ ⵉⵎⴰⵔⵓⵔⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏⵏⴰ ⵉⵎⵓⵏⵏ ⴷ ⵉⵎⵎⴰⵜⵙⵏ ⵙ ⵜⵎⵉⴷⴰⵢⵉⵏ ⵜⵉⴳⵍⴷⴰⵏⵉⵏ.

ⵎⴰⵢⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵎⴰⵙⵙ ⴼⴰⵡⵣⵉ ⵍⵇⵊⵄ ⴷ ⵎⴰⵙⵙ ⵡⴰⵍⵉⴷ ⵔⴳⵔⴰⴳⵉ ⵜⴰⵎⴰⴷⴰⵢⵜ ⵜⴰⴳⵍⴷⴰⵏⵜ ⵙⴳ ⵜⵙⴽⵯⴼⴽⵜ ⴰⵎⴰⵡⴰⵢ.

ⵎⴽ ⵍⵍⵉ ⵙ ⵉⴼⴽⴰ ⵓⴳⵍⵍⵉⴷ ⵏⵏⵖ ⵜⴰⵎⴰⴷⴰⵢⵜ ⵏ ⵜⵙⴽⵯⴼⵍⵜ ⵏ ⵓⴼⴷⵢⴰⵏ ⵉⵎⴰⵔⵓⵔⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵉⴷ ⵎⴰⵙⵙ ⵖⴰⵏⵉⵎ ⵙⴰⵢⵙ, ⵢⴰⵙⵉⵏ ⴱⵓⵏⵓ, ⴰⵛⵔⴰⴼ ⵃⴰⴽⵉⵎⵉ, ⵏⴰⵚⵉⵕ ⵎⵣⵔⴰⵡⵉ, ⵙⵓⴼⵢⴰⵏ ⴰⵎⵕⴰⴱⵟ, ⵏⴰⵢⴼ ⴰⴳⵔⴷ ( ⴰⵎⵙⴷⵓⴼⵖ ⵏ ⵜⴽⴰⴷⵉⵎⵉⵢⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵜⵡⵊⵊⴰ ⵏ ⵓⴹⴰⵕ) , ⵃⴰⴽⵉⵎ ⵣⵉⵢⵢⴰⵛ, ⵄⴰⵣⴷⴷⵉⵏ ⵓⵏⴰⵃⵉ(ⴰⵎⵙⵙⵓⴼⵖ ⵏ ⵜⴽⴰⴷⵉⵎⵉⵢⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵜⵡⵊⵊⴰ ⵏ ⵓⴹⴰⵕ).

ⵎⴽ ⵍⵍⵉ ⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⴰⵎⴰⴷⴰⵢⵜ ⴰⴷ ⵏⵉⵜ ⵉ ⵉⴷ ⵎⴰⵙⵙ ⵄⴰⴱⴷⵔⵣⵣⴰⵇ ⵃⵎⴷⵍⵍⴰⵀ, ⴰⵏⴰⵙ ⵣⵔⵓⵔⵉ, ⵄⴰⴱⴷⵍⵃⴰⵎⵉⴷ ⵚⴰⴱⵉⵔⵉ, ⵎⵓⵏⵉⵔ ⵍⴽⵊⵡⵉ, ⵉⵍⵢⴰⵙ ⵛⴰⵄⵉⵔ , ⵣⴰⴽⴰⵔⵉⵢⴰ ⴰⴱⵓⵅⵍⴰⵍ, ⵙⴰⵍⵉⵎ ⴰⵍⵎⴰⵃ, ⵄⴰⴱⴷⵚⵚⴰⵎⴰⴷ ⵣⵍⵣⵓⵍⵉ, ⵙⵓⴼⵢⴰⵏ ⴱⵓⴼⴰⵍ, ⵊⴰⵡⴰⴷ ⵍⵢⴰⵎⵉⵇ, ⵢⵓⵙⴼ ⵏⵏⴰⵚⵉⵕⵉ ( ⴰⵎⵙⵙⵓⴼⵖ ⵏ ⵜⴽⴰⴷⵉⵎⵉⵢⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵜⵡⵊⵊⴰ ⵏ ⵓⴹⴰⵕ) , ⴰⵛⵔⴰⴼ ⴷⴰⵔⵉ, ⵡⴰⵍⵉⴷ ⵛⴷⵉⵔⴰ, ⴰⵃⵎⴰⴷ ⵕⵉⴹⴰ ⵜⴰⴳⵏⴰⵡⵜⵉ ( ⴰⵎⵙⵙⵓⴼⵖ ⵏ ⵜⴽⴰⴷⵉⵎⵉⵢⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵜⵡⵊⵊⴰ ⵏ ⵓⴹⴰⵕ) , ⴱⵉⵍⴰⵍ ⴰⵅⵏⵏⵓⵙ ,ⴱⴰⴷⵔ ⴱⴰⵏⵓⵏ, ⵢⴰⵃⵢⴰ ⵄⴰⵟⵉⵢⵜ ⵍⵍⴰⵀ ⵍⵉⴷⵔⵉⵙⵉ ⴷ ⵢⴰⵃⵢⴰ ⵊⴱⵕⴰⵏ.

ⴹⴰⵕⵜ ⵏ ⵎⴰⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵏⴰⴹⵏ ⵏⵏⵙ ⵉⵎⴰⵜⵜⴰⵢⵏ ⴰⴼⴰⴷ ⴰⴷ ⵜⴻⵜⵜⵓⴼⴽⴰⵏⵜ ⵜⵎⵉⴷⴰⵢⵉⵏ ⵜⵉⴳⵍⴷⴰⵏⵉⵏ ⵉ ⵜⵔⴰⴱⴱⵓⵜ ⵜⴰⵜⴰⵇⵏⵉⵢⵜ ⴷ ⵜⴷⵓⵙⴰⵏⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ, ⴰⴷ ⵉⴳ ⴰⵙⵏⵉⵎⵎⵔ ⵅⴼ ⵜⵡⵓⵔⵉ ⵏⵏⵙⵏ.

ⴹⴰⵕⵜ ⵏ ⵎⴰⵢⴰⴷ ⵓⵎⵥⵏ ⵉⵎⵓⵔⴰⵔⵏ ⴰⴽⴷ ⵓⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵢⵉⵡⵙ ⵎⵓⵍⴰⵢ ⵍⵃⴰⵙⴰⵏ ⵏ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵔⴰⵛⵉⴷ ⴷ ⵉⴷ ⵎⵎⴰⵜⵙⵏ ⵏ ⵉⵎⵓⵔⴰⵔⵏ ⵢⴰⵜ ⵜⵡⵍⵍⴰⴼⵜ ⵜⴰⵎⵙⴽⵜⴰⵢⵜ. ⵙ ⵜⵎⵍⴷⴰ ⴰⴷ ⴼⴽⴰⵏ ⵉⵎⵓⵔⴰⵔⵏ ⵉ ⴱⴰⴱ ⵏ ⵡⴰⴷⴷⵓⵔ ⴽⵔⴰ ⵏ ⵉⵎⵙⴽⵯⵜⴰⵢ ⵏ ⵓⵙⵏⵉⵎⵎⵔ ⵅⴼ ⵡⴰⵏⵏⴰⵍ ⵏⵏⴰ ⴰⵙ ⵏⵏ ⵢⴰⴽⴽⴰ ⴳ ⵜⵖⵏⵏⴰⵏⵜ ⴰⴷ ⵜⴰⴳⵔⴰⵖⵍⴰⵏⵜ.

ⵉⴳⴰ ⵓⵙⴱⵔⵔⴽ ⴰⴷ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵉⵎⵓⵔⴰⵔⵏ ⵍⵍⵉ ⵉⵎⵓⵏ ⴷ ⵉⴷ ⵎⴰⵜⵙⵏ ⵢⴰⵏ ⵓⵙⵏⵉⵎⵎⵔ ⵎⵇⵇⵓⵔⵏ ⵉ ⵜⵎⵖⴰⵔⵉⵏ ⴰⴷ ⵏⵏⴰ ⵉⵙⴳⵎⴰⵏ ⵜⵉⵏⴷⵉⵜⵉⵏ ⵏ ⵜⵏⴰⵎⵓⵔⵜ ⴷ ⵜⵎⴰⴳⵉⵜ ⵏ ⵡⴰⵎⵓⵔ ⵉ ⵜⴰⵔⵡⴰ ⵏⵏⵙⵏⵜ, ⴰⵡⴷ ⴰⵏⵙⴰ ⴰⵎⵇⵔⴰⵏ ⵏⵏⴰ ⵢⴰⴽⴽⴰ ⵓⴳⵍⵍⵉⴷ ⵉ ⵜⵎⵖⴰⵔⵜ ⵜⴰⵎⵖⵔⵉⴱⵉⵢⵜ ⵎⴰⵙ ⵜⴳⴰ ⴰⴼⵔⴷⵉⵙ ⴰⴷⵙⵍⴰⵏ ⴳ ⵜⴰⵡⵊⴰ ⴷ ⵡⴰⵎⵓⵏ ⵙ ⵓⵎⴰⵜⴰ.

ⵍⵍⴰⵏ ⵉⵎⵓⵔⴰⵔⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵡⴰⵎⵓⵔ ⵏⵏⵙⵏ ⴰⵙⵙ ⴰⴷ ⵜⴰⴷⴳⴳⴰⵜ ,ⵎⴽ ⵍⵍⵉ ⴰⵙⵏ ⵙⴽⵔⵏ ⵉⵎⵣⴷⴰⵖⵏ ⵏ ⵕⵕⴱⴰⵟ ⴷ ⵙⵍⴰ ⴷ ⵎⴰⵕⵕⴰ ⵜⵉⵎⴷⵉⵏⵉⵏ ⵏ ⵍⵎⵖⵔⵉⴱ ⵢⴰⵏ ⵓⵙⴱⵔⵔⴽ ⵎⵇⵇⵓⵔⵏ ⵙⴳ ⵎⴰⴷ ⴳⴳⵉⵣⵏ ⴳ ⵓⵎⵙⵔⴰⵙ ⵏ ⵕⵕⴱⴰⵟ ⵙⵍⴰ, ⴳ ⵓⴱⵔⵉⴷ ⵙ ⵉⵖⵔⵎ ⵉⵍⵍⴰ ⵓⴳⴷⵓⴷ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵙⴱⵔⵔⴽⵏ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵅⴼ ⵓⵎⵓⵔⵙ ⵏⵏⵙⵏ ⴷ ⵓⵙⵙⵔⵇⴱ ⵏⵏⵙⵏ.