ⴱⵓⵕⵟⵕⵉ ⵅⴼ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

ⴱⵓⵕⵟⵕⵉ ⵅⴼ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

بورتريه عن السيد محمد بنعليلو، الرئيس الجديد للهيئة الوطنية للنزاهة والوقاية من الرشوة ومحاربتها.

ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴷ ⴰⵎⴰⵣⵣⴰⵍ ⵏ ⵜⴳⵍⴷⵉⵜ ⴳ 18 ⴷⵓⵊⴰⵏⴱⵉⵔ 2018.

ⵉⵍⵓⵍ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴳ ⵓⵙⴳⴳⵯⴰⵙ ⵏ 1975, ⵢⵓⵎⵥ ⴰⴷⵉⴱⵍⵓⵎ ⵏ ⵜⵣⵔⴰⵡⵉⵏ ⵜⵉⵏⴰⴼⵍⵍⴰⵜⵉⵏ ⴳ ⵉⵣⵔⴼⴰⵏ. ⵉⵙⵡⵓⵔⵉ ⵢⴰⴷ ⴳ ⵜⵓⴳⵜⵜ ⵏ ⵉⴷⵖⴰⵔⵏ ⵉⵏⵣⵔⴰⴼⵏ: ⴰⵎⵛⵛⵉⵡⴰⵕ ⴳ ⵜⵙⵏⴱⴹⴰⵢⵜ ⵏ ⵜⵕⵓⵥⵉ, ⴰⵏⴱⴹⵓ ⴳ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⴳ ⵕⵕⴱⴰⵟ, ⴰⵏⴱⴹⵓ ⵏ ⵓⵙⴰⴳⴳⵯ ⴳ ⵜⵙⵏⴱⴹⴰⵢⵜ ⵉⵥⵍⵉⵏ ⵏ ⵜⵣⵔⴼⵜ ⴳ ⵕⵕⴱⴰⵟ. ⴷ ⵓⵏⴱⴰⴹ ⴳ ⵜⵙⵏⴱⴹⴰⵢⵜ ⵜⴰⵎⵣⵡⴰⵔⵓⵜ ⴳ ⵟⴰⵏⵊⴰ.

ⵎⴽⵍⵍⵉ ⵢⵓⵎⵥ ⵜⵓⴳⵜⵜ ⵏ ⵜⵎⴰⵙⴰⵢⵉⵏ ⴷ ⵜⵎⵙⴽⵉⵔⵉⵏ ⵜⵉⵎⵙⵙⵓⴳⴰⵔ ⵖ ⵏⵉⵜ ⵉⵍⵍⴰ: ⵓⵏⵙⵙⵉⵅⴼ ⵏ ⵢⵉⴳⵊⴷⵉ ⵏ ⵉⵙⴽⴽⵉⵏⵏ ⵉⵎⵙⵙⵓⴳⵓⵔⵏ ⴷ ⵓⵙⵎⵓⵜⵜⴳ ⴳ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵏⴱⴰⴹ ⴰⵏⵣⵔⴰⴼ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ, ⴰⵏⵎⵀⴰⵍ ⵏ ⵜⵣⵔⴰⵡⵉⵏ ⴷ ⵓⵎⵢⴰⵡⴰⵙ ⴷ ⵓⵙⵜⵔⴰⵔ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵜⴷⵔⴼⵉⵏ, ⴰⵏⵙⵙⵉⵅⴼ ⵏ ⵓⴱⵔⵙⵉⵔⴰ ⵏ ⵓⵎⴰⵡⵙⴰⵙ ⵏ ⵜⵣⵔⴼⵜ ⴷ ⵜⴷⵔⴼⵉⵏ, ⴰⵎⵛⵛⵉⵡⴰⵕ ⵏ ⵓⵎⴰⵡⵙⴰⵙ ⵏ ⵜⵣⵔⴼⵜ ⴳ ⵜⵙⵔⵜⵉⵜ ⴰⵏⴱⴽⴰⴹⵜ, ⴰⴳⵎⴰⵎ ⴳ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵢⵉⵥⵉⵕ ⴳ ⵜⵉⵢⵜⴰ ⵉⵥⵍⵉⵏ ⵙ ⵓⵔⴳⴰⵢ, ⴷ ⵓⴳⵎⴰⵎ ⵏ ⵓⴼⵔⴷⵉⵙ ⵏ ⵓⵙⵎⴽⵍ ⵏ ⵓⵎⵍⴰⵏ ⵉⵥⵕⴼⴰⵏⵏ.

ⵉⵙⵡⵓⵔⵉ ⵎⴰⵙⵙ ⴱⵏⵄⵍⵉⵍⵓ ⴳ ⵜⵓⴳⵜⵜ ⵏ ⵜⵎⵙⴽⵉⵔⵉⵏ ⵜⵉⵎⵛⵛⵉⵡⴰⵕ, ⵉⵜⵜⵓⵙⵜⴰⵢ ⴷ ⴰⴳⵎⴰⵎ ⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ, ⴰⴳⵎⴰⵎ ⴳ ⵜⵔⴰⴱⴱⵓⵜ ⵜⴰⵎⵛⵛⵉⵡⴰⵕⵜ ⵜⴰⵏⴰⵎⵓⵔⵜ ⵏ ⵓⵙⵏⵜⵉ ⵏ ⵓⵙⵜⵔⴰⵔ ⵏ ⵜⵎⵓⵔⴰⵢⵉⵏ ⵜⵉⵎⴰⵜⴰⵢⵉⵏ ⴳ ⵉⵡⴰⵏⴽⵏ ⵏ ⵡⴰⵄⵕⴰⴱⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⴳⵎⵉ ⵏ ⵜⵎⵜⵜⴰ ⵉⵎⵓⵏⵏ, ⴰⴳⵎⴰⵎ ⵏ ⵜⵔⴰⴱⴱⵓⵜ ⵏ ⵉⵎⵓⵣⴰⵢⵏ ⴰⵔⵓⵏⴱⵉⴹⵏ ⵉⵜⵜⵓⵙⵎⵏⵉⴷⵏ ⵙⴳ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉ ⵉⵡⵜⵜⴰⵙⵏ ⵏⵜⵎⵀⵍⵜ ⵏ ⵓⵙⵎⵏⵉⴷ, ⴰⴳⵎⴰⵎ ⴳ ⵜⵔⴰⴱⴱⵓⵜ ⵏ ⵉⵎⵓⵣⴰⵢⵏ ⴰⵔⵓⵏⴱⵉⴹⵏ ⴰⵄⵕⴰⴱⵏ ⵏⵓⵙⵜⴰⵍ ⴰⵏⵉⵎⴰⵏ ⵉⵥⵍⵉⵏ ⵙ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ (AGEG), ⴰⴳⵎⴰⵎ ⵉⵙⵔⵙⵏ ⵜⵉⵔⵙⴰⵍ ⵏ ⵓⵥⵟⵟⴰ ⴰⵄⵕⴰⴱ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵡⴰⵏⵏⴰⵍ ⵏ ⵜⵣⴷⴳⵉ ⴷ ⵜⵙⵓⵙⵖⵜ ⴷ ⵓⵎⵣⴷⴰⵢ ⵏ ⵓⵏⴱⴰⴹ ⴰⵏⴰⵎⵎⴰⵙ ⴰⵎⵖⵔⵉⴱⵉ ⵏⵏⴰ ⵎⵉ ⵜⵏⵏⴰⵍ ⵜⵎⴰⵙⴰⵢⵜ ⴷ ⵜⵡⵓⵔⵉ ⵏ ⵢⵉⵎⵉⵥ ⵏ ⵜⵓⵜⵔⵉⵡⵉⵏ ⵏ ⵜⵡⵉⵙⵉ ⵜⵓⵍⴳⵉⵏⵜ ⵜⴰⵎⵢⴰⵖⵜ, ⴷ ⵓⵣⵣⴳⵉⵔ ⵏ ⵜⵓⵜⵔⵉⵡⵉⵏ ⴰⵏⵏ ⴷ ⵜⵙⴰⵖⵓⵍⵜ ⵏⵏⵙⵏⵜ ⵉ ⵉⵏⴱⴰⴹⵏ ⵉⵎⵏⵜⴰⵢⵏ ⵙ ⵓⵎⵙⴰⵙⴰ ⴷ ⵓⴳⵟⵟⵓⵎ 13 ⵙⴳ ⵜⵎⵜⵜⴰ 46 ⵙⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ.

ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴷ ⴰⵙⵍⵎⴰⴷ ⵏ ⵓⵙⵍⴳⵏ ⴰⵏⴱⴽⴰⴹ ⴷ ⵜⵖⴰⵔⴰⵙⵜ ⵜⴰⵏⴱⴽⴰⴹⵜ ⴳ ⵓⵙⵉⵏⴰⴳ ⴰⵎⴰⵜⵜⴰⵢ ⵏⵜⵙⵏⴱⴹⴰⵢⵜ, ⴰⵙⵍⵎⴰⴷ ⴰⵏⵔⵣⴰⴼ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵎⵙⵙⵓⴳⵓⵔⵜ ⵜⴰⵎⵓⵔⴰⵏⵜ ⴷ ⵓⵙⵍⵎⴰⴷ ⴰⵏⵔⵣⴰⴼ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵓⵍⴳⵉⵏⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵙⵙⵡⵉⵙⵉ ⴳ ⵕⵕⴱⴰⵟ.

ⵉⵙⵙⵎⵖⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⵙ ⵓⵙⵏⵙⵔ ⵏ ⵡⴰⵔⵔⴰⵣⵏ ⴰⵏⴰⵎⵓⵔ ⵙⴳ ⵜⴼⵙⵏⴰ ⵏ ⵓⴼⵙⵢⴰⵏ ⴰⵎⵇⵇⵔⴰⵏ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
Traduction: Abdelouahid Boutbagha