ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⵢⴰⵏ ⵓⵙⵇⵇⵉⵎ ⵓⵏⴱⵉⴹ

ⵙ ⵓⵡⵏⵏⵉ ⵏ ⵓⵎⵙⴰⵡⴰⵍ ⴰⴷⵙⵍⴰⵏ ⵏ ⵉⵖⵔⵎ ⴰⴳⵍⴷⴰⵏ ⵎⴰⵙⵙ ⵄⴱⴷⵍⵃⴰⵇ ⵍⵎⵔⵉⵏⵉ.

“ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ ⴰⵙⵙ ⵏ ⵓⴽⵡⴰⵙ ⵏⵏⴰ ⵉⵎⵙⴰⵙⴰⵏ 3 ⵕⴰⴱⵉⵄ ⵡⵉⵙⵙ ⵙⵉⵏ 1445 ⵏⵏⴰ ⴷ ⵉⴷⴷⴰⵏ ⴷ 19 ⴽⵜⵓⴱⵕ 2023 ⴳ ⵉⵖⵔⵎ ⴰⴳⵍⴷⴰⵏ ⵏ ⵕⵕⴱⴰⵟ ⵢⴰⵏ ⵓⵙⵇⵇⵉⵎ ⵓⵏⴱⵉⴹ ⵉⵥⵍⵉⵏ ⵙ ⵜⵣⵔⴰⵡⵜ ⵏ ⵜⵓⵎⵍⴰⵢⵉⵏ ⵜⵉⵎⴰⵜⴰⵢⵉⵏⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ 2024 ⴷ ⵓⵙⴳⵎⴹ ⵅⴼ ⵙⵉⵏ ⵉⵙⵏⴼⴰⵕⵏ ⵉⵙⵔⴷⴰⵙⵏ, ⴷ ⴽⵕⴰⴹⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⴽⵉⴳⴰⵏ ⵏ ⵜⵉⴽⴽⵉ ⵏ ⵜⵡⵡⵓⵔⵉ ⴷ ⵜⵎⴰⵙⴰⵢⵉⵏ ⵜⵉⵎⴰⵜⴰⵢⵉⵏ .

ⴳ ⵓⵙⵏⵜⵉ ⵏ ⵜⵡⵡⵓⵔⵉ ⵙⴳ ⵉⵙⵍⴳⴰⵏⵏ ⵏ ⵓⴳⵟⵟⵓⵎ 49 ⵏ ⵓⴷⵓⵙⵜⵓⵔ, ⵉⴼⴽⴰ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⴷⵔⵉⵎⵜ ⵉ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⴼⵙⴰⵔ ⵅⴼ ⵜⵏⵇⵇⴰⴹ ⵜⵉⴷⵙⵍⴰⵏⵉⵏ ⵏ ⵓⵙⵏⴼⵕ ⵏ ⵜⴷⵔⵉⵎⵜ ⵏ 2024.

ⵉⵙⵙⵖⵥⵏ ⵓⵎⴰⵡⵙⴰⵙ ⵎⴰⵙⴷ ⴰⵙⴷⴷⵉⴷ ⵏ ⵓⵙⵏⴼⴰⵕ ⵉⴷⴷⴰⴷ ⴳ ⵓⵙⴰⵜⵉ ⵏ ⵜⵣⵔⴰⵡⵜ ⵅⴼ ⵓⵎⵓⵙⵙⵓ ⵏ ⵜⴷⵎⵙⴰ ⴰⴳⵔⴰⵖⵍⴰⵏ, ⴷ ⵜⴰⵙⵙⴰⵙⵉⵏ ⵜⵉⵙⵔⵜⴰⵏⵉⵏ ⴷ ⵓⵙⴰⵜⵜⵓⵢ ⵏ ⵡⴰⵜⵉⴳⵏ ⵏ ⵜⴰⵔⵏⴰ ⴷ ⵜⴰⵙⵙⴰⵙⵜ ⵏ ⵓⵎⴷⵓⴷⵉ ⵏⵏⴰ ⵢⵓⵜⵏ ⵜⴰⵎⴰⵣⵉⵔⵜ ⵏⵏⵖ ⴳ ⵜⴳⵉⵔⴰ ⴰⴷ .

ⵍⵎⵖⵔⵉⴱ ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⵎⵍⴰ ⵎⴰⵙ ⵉⵖⵉ ⴰⴷ ⵉⵏⴱⴱⵕ ⵜⴰⵡⴰⵊⵉⵜ ⵏ ⵓⵎⴷⵓⴷⵉ ⵙ ⵓⵙⴷⴷⵉⴷ ⵏ ⴽⵉⴳⴰⵏ ⵏ ⵉⵙⵏⴼⴰⵕⵏ ⴳ ⵉⴳⵔ ⴰⴷ ⴷⴷⵓ ⵜⵏⴰⵍⵉⵜ ⴷ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⴽⵉⴳⴰⵏ ⵏ ⵉⴳⵔⴰⵏ ⵙ ⵡⴰⵍⴰⵙ ⵏ ⵜⴰⴷⴷⵔⵡⵉⵏ ⵏⵏⴰ ⵉⴹⵕⵏⵙ ⵎⴰⴷ ⵉⵜⵜⴳⴳⴰⵏ 4,2 ⵎⵍⵢⵓⵏ ⵏ ⵉⵎⵣⴷⴰⵖⵏ ⵜⵙⴳⴳⵉⵡⵉⵏ ⵏⵏⴰⵖ ⵉⵍⵍⴰ ⵓⵎⴷⵓⴷⵉ ⵏ ⵡⴰⴽⴰⵍ .

ⵉⵙⵎⴷ ⵓⵎⴰⵡⵙⴰⵙ ⵉⵏⵏⴰ ⵎⴰⵙⴷ ⴰⵙⵏⴼⴰⵕ ⵏ ⵜⴷⵔⵉⵎⵜ ⵉⵙⴽⵔ ⵜⴰⵙⵓⵍⵜ ⵏ ⵉⵙⴳⴳⴷⵏ ⵏⵏⴰ ⵉⵜⵜⵓⵙⵏⵜⵉⵏ ⴷ ⴰⵢⵏⵏⴰ ⴷ ⵉⴷⴷⴰⵏ ⴰⴽⴽⵯ ⴳ ⵉⵡⵏⵏⵉⵜⵏ ⵉⴳⵍⴷⴰⵏⵏ ⴳ ⵡⴰⵀⵉⵍⵏ ⵓⵏⴱⵉⴹⵏ

ⵙ ⵓⵙⴷⴷⵉⴷ ⵏ ⵉⴱⵔⴰⴳⵔⴰⵡⵏ ⵏ ⵓⵙⴳⴳⵯⴰⵙ ⵏ 2024 ⵅⴼ ⴽⴽⵓⵥ ⵉⵎⵏⴰⴷⵏ :

ⴰⵎⵣⵡⴰⵔⵓ : ⴰⵙⵏⴼⴰⵔ ⵏ ⵡⴰⵎⴰⵍ ⵏ ⵓⵙⴽⵓ ⵏ ⵜⴰⴷⴷⵔⵡⵉⵏ ⵏ ⵜⵙⴳⴳⵉⵡⵉⵏ ⵉⵜⵜⵓⴹⵕⵕⴰⵏ ⵙⴳ ⵜⵡⴰⵖⵉⵜⵏ ⵍⵃⵓⵣ, ⴷ ⵓⵙⴷⴷⵉⴷ ⴷ ⵓⵙⴳⴳⴷ ⵏ ⵉⵙⵔⴰⴳⵏ ⵏⵏⴰ ⵜⵙⴽⵔ ⵅⴼ ⵜⴷⵎⵙⴰⵙ ⵓⵙⴽⴽⵉⵔ ⵏ ⵜⵓⵎⵍⴰⵢⵉⵏ ⵜⵉⴳⵍⴷⴰⵏⵉⵏ ⵜⵉⵎⴰⵜⴰⵢⵉⵏ ⴷ ⵓⵙⴷⴷⵉⴷ ⵏ ⵉⵙⵏⴼⴰⵕⵏ ⴷ ⵓⵙⴽⴽⵉⵔ ⵏ ⵜⵙⵏⵓⵔⴰⵢⵜ ⵏ ⵓⵙⵙⵔⵏⵓ ⵏ ⵡⴰⵟⵍⴰⵙⴰⵎⵇⵔⴰⵏⴳ ⵜⵙⴳⴳⵉⵡⵉⵏ ⴰⴷ.

ⵙ ⵓⵙⴽⴽⵉⵔ ⵏ ⵜⵎⵢⴰⵇⵇⴰⵏⵜ ⵏ ⵜⵣⴷⴰⵢⵉⵏ ⵜⵉⵏⴰⵎⵓⵔⵉⵏ, ⴷ ⵓⵏⴱⴱⵕ ⵏ ⵉⵙⵓⴳⴰⵎ ⵏ ⵜⴷⵔⵉⵎⵜ ⵙ ⵓⵙⵔⴱⵉ ⵏ ⵓⵙⴽⴽⵉⵔ ⵏ ⵓⵙⵏⴼⴰⵕ ⴰⵏⴰⵎⵓⵔⵏ ⵜⵉⴽⴽⵉ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵜⵏⴳⴳⵯⴰⴼⵜⴷ ⵡⴰⵏⵏⴰⵍ ⴰⵡⴷ ⵏ ⵉⵙⴽⵛⴰⵎ ⵏ ⵜⴽⵔⵣⴰ ⵙ ⵓⵙⵔⴰⴳ ⵏ ⵓⵙⵉⴼⵙⵓⵙ ⵏ ⵓⵍⵓⵢ ⵏ ⵡⴰⵜⵉⴳⵏ ⴷ ⵜⵣⵎⵔⵜ ⵜⵓⵙⵖⴰⵏⵜ ⵏ ⵉⵏⵎⵓⵔⵉⵏ .

ⵡⵉⵙⵙ ⵙⵉⵏ : ⵜⵉⴹⴼⵕⵉ ⵏ ⵓⵙⴷⵓⵙ ⵏ ⵜⵉⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ ⵙ ⵜⵖⴰⵔⴰⵙⵜ ⵏ ⵓⵙⵎⵀⵍ ⵓⵙⴰⵡⵔ ⴰⴳⵍⴷⴰⵏ ⵏ ⵡⴰⵔⴰⵢ ⴰⵏⴰⵎⵓⵏ ⵙ ⵜⵉⴹⴼⵕⵉ ⵏ ⵓⵙⵎⴰⵜⴰ ⵏ ⵓⵙⴼⵍⵙ ⵏ ⵜⵎⴰⴹⵓⵏⵜ ⵓⵛⵛⵉⴼ ⴰⵙⵉⵍⴰⵏ ⵉ ⵡⴰⵏⴰⵡⵏ ⵉⵀⵔⵛⵏ, ⵓⵍⴰ ⴷ ⵓⵙⵎⵀⵍ ⵏ ⵓⵎⵢⴰⵡⴰⵙ ⴰⵏⴰⵎⵓⵏ ⵓⵙⵔⵉⴷ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⴰⴷ, ⵙ ⵓⵎⵢⴰⵡⴰⵙ ⵏ ⵓⵏⴳⵔⴰⵡ ⵏ ⵓⵔⵓⵊⵉⵙⵜⵔ ⴰⵏⴰⵎⵓⵏ ⴰⵙⵉⵡⴰⵏ, ⵖⵉⴽⵍⵍⵉ ⴷ ⵢⵓⵛⴽⴰ ⴳ ⵜⵉⵍⴰⵡⵜ ⵏ ⴱⴰⴱ ⵏ ⵡⵓⴷⴷⵓⵔ ⴳ ⵓⵏⵓⵔⵣⵎ ⵏ ⵓⴱⵔⵍⴰⵎⴰⵏ.

ⴰⵖⴰⵡⴰⵙ ⴰⴷ ⵉⵖⴰⵡⵍ ⴰⴷ ⵢⵉⵡⴹ 60% ⵏ ⵜⴰⵡⵊⵉⵡⵉⵏ ⵜⵉⵎⵖⵔⴰⴱⵉⵢⵉⵏ ⵏⵏⴰ ⵓⵔ ⵉⴹⴼⵕⵏ ⵉ ⵉⵏⴳⵔⴰⵡⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ. ⴰⵛⴽⵓ ⴰⵙⴰⵡⵔ ⴰⴷ ⴰⴳⵍⴷⴰⵏ ⵉⵟⵟⴰⴼ ⴰⵜⵉⴳ ⵎⵇⵇⵓⵔⵏ, ⴷ ⵙ ⵓⵙⵎⵀⵍ ⵏ ⵏ ⵜⴰⵏⵏⴰⵢⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⵓⴷⴷⵓⵔ, ⴰⴷ ⵜ ⵉⵃⴼⴹ ⵕⴱⴱⵉ, ⵎⵉⵏⵣⵉ ⵢⵓⵛⴰ ⵓⴳⵍⵍⵉⴷ ⵢⴰⵏ ⵡⴰⴷⴷⵓⵔ ⵉⵎⵇⵇⵓⵔⵏ ⵉ ⵜⴰⵡⵊⵉⵡⵉⵏ ⵉⵀⵔⵛⵏ; ⵎⴰ ⴰⴷ ⴰⴼ ⵉⵜⵜⵡⴰⵢⵙⴽⴰⵔ ⴰⴷ ⵓⵔ ⵉⴳⴳⵣ ⵡⴰⵜⵉⴳ ⵏ ⵓⵎⵢⴰⵡⴰⵙ ⵓⵙⵔⵉⴷ ⵅⴼ 500 ⴷⵀ ⵉ ⴽⵓ ⴰⵅⴰⵎ.

ⵔⴰⴷ ⵢⵉⵍⵉ ⵢⴰⵏ ⵓⴹⴼⵔ ⴳ ⵎⴰⴷ ⵉⵥⵍⵉⵏ ⵙ ⵓⵙⴰⵜⵉ ⴰⵣⵔⴼⴰⵏ ⵏⵏⴰ ⵉⵥⵍⵉⵏ ⵙ ⵓⵙⴱⵓⵖⵍⵓ ⵏ ⵓⵏⴳⵔⴰⵡ ⵏ ⵜⴷⵓⵙⵉ ⴷ ⵓⵙⴷⵓⵙ ⵏ ⵉⴳⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⵛⴽⵓ ⵏⵉⵜⵜⵏⵉ ⴰⴷ ⵉⴳⴰⵏ ⵜⵉⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ.

ⵙ ⵓⵙⵎⵀⵍ ⵏ ⵉⵙⴷⵍⵙⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⵔⴰⴷ ⵜⵓⴼⴽⴰ ⵜⵣⵡⵉⵔⵉ ⵉ ⵎⴰⴷ ⵉⵥⵍⵉⵏ ⵙ ⵓⵣⴷⵖ.

ⵡⵉⵙⵙ ⴽⵕⴰⴹ: ⵜⵉⴹⴼⵕⵉ ⵏ ⵓⵙⵎⵀⵍ ⵏ ⵓⵏⵙⵏⴰⵎ ⵓⵚⴽⵉⵡ ⵙ ⵜⵖⴰⵔⴰⵙⵜ ⵏ ⵓⵙⴱⵓⵖⵍⵓ ⵏ ⵉⴳⵔ ⵏ ⵜⴰⵣⵔⴼⵜ ⵃⵎⴰ ⴰⴷ ⵢⵉⵍⵉ ⵓⵙⵎⴷ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵃⵟⵟⵓ ⵏ ⵜⵏⴼⵔⵓⵜ ⵜⴰⵣⵔⴼⴰⵏⵜ ⴰⵍⵍⵉ ⵔⴰⴷ ⵢⴰⵡⵙ ⴳ ⵜⵏⴼⵍⵉⵜ ⵙ ⵜⵖⴰⵔⴰⵙⵜ ⵏ ⵓⵙⵎⵀⵍ ⵏ ⵉⵙⴷⵍⵙⵏ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⴳ ⵡⴰⵍⵍⴰⵙ ⵏ ⵓⵙⵍⴳⵏ ⵏ ⵜⵡⵊⴰ.

ⵙ ⵓⵙⴽⴽⵉⵔ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵙ ⴰⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ , ⴰⵙⴷⵓⵙ ⵏ ⵓⵙⵙⵔⵏⵓ ⵏⵏⴰ ⵉⴳⴰⵏ ⵜⴰⵙⵎⴰⵜⵜⴰⵢⵜ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵓⵙⴷⵓⵙ ⵏ ⵉⴳⵔⴰⵏ ⴰⴽⴽⵯ ⵏⵏⵙ ⴷ ⵓⴼⴰⵔⵙ ⵉⴷⵓⵙⵏ , ⵙ ⵓⵙⴷⴷⵉⵙ ⵏ ⵓⴼⵏⵉⵇ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵓⵙⵙⵔⵏⵓ ⴰⵎⴰⵜⴰⵢ .

ⵡⵉⵙⵙ ⴽⴽⵓⵙⵟ :ⴰⵙⴷⴷⵉⴷ ⵏ ⵓⵙⴷⵓⵙ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⵙⵍⴰⵡⴰⵏ ⴰⴽⴽⵯ ⴰⵙⴳⴳⴷ ⵏ ⵓⵙⵍⴳⵏ ⴰⵙⵏⵎⴰⵍⴰⵢ ⵉⵣⴷⵉⵏ ⴷ ⵜⴷⵔⵉⵎⵜ ⴷ ⵓⵙⵙⴷⵓⵙ ⵏ ⵡⴰⵏⵏⴰⵍ ⴰⴷⵔⵉⵎⴰⵏ ⴷ ⵓⵙⴷⵓⵙ ⵏ ⵡⴰⵎⵓⵏ ⴷ ⵓⵙⴷⵓⵙ ⵏ ⵓⵏⴱⴱⵔ ⵏⵏⵙ , ⵙ ⵓⵙⴷⴷⵉⴷ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵙⴳⴳⴷ ⵏ ⵜⴼⴳⵓⵔⵉⵏ ⴷ ⵓⵏⴱⴱⵕ ⴷ ⵓⵙⵏⵎⴰⵍⴰ ⵏ ⵓⵙⵡⵡⵓⵔⵉ ⴳⴳ ⵜⵎⵙⵙⵓⴳⴰⵔ

ⵜⵏⵏⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙⴷ ⴰⵙⵏⴼⴰⵔ ⵔⴰⴷ ⵉⵔⵏⵓ ⵙ 3;7 ⴳ ⵜⵎⵉⴹⵉ ⴳ ⵓⵙⴳⴳⵯⴰⵙ ⵏ 2024 ⴷ ⵓⵛⵃⵓ ⵏ ⵜⴷⵔⵉⵎⵜ ⵙ 4 ⴳ ⵜⵎⵉⴹⵉⴳ ⵓⴼⴰⵔⵙ ⴰⵎⴰⵜⴰⵢ .

ⵍⵍⵉⵖ ⵉⵍⵍⴰ ⵓⵎⵙⴰⵙⴰ ⵅⴼ ⵓⵙⵏⴼⴰⵔ ⴰⵎⴰⵜⴰⵢ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ 2024 ⵉⵎⵙⴰⵙⴰ ⵓⵙⵇⵇⵉⵎ ⵅⴼ ⵓⵙⵏⴼⴰⵕ ⵉⵣⴷⵉⵏ ⴷ ⵉⴳⵔ ⵏ ⵜⵙⵔⴷⴰⵙⵜ .

ⴰⵡⵜⵜⴰⵙ ⵏ ⵓⵙⵏⴼⴰⵕ ⴰⴷ ⵜⴹⵓⴼ ⵜⴰⵣⴰⵏⵉⵏ ⵏ ⵜⵡⴰⵖⵉⵜ ⵏ ⵓⵎⴷⵓⴷⵉ ⵏ ⵍⵃⵓⵣ ⵏⵏⴰ ⵢⵓⵜⵏ ⴳ 8 ⵛⵓⵜⴰⵏⴱⵉⵔ 2023 ⵉⵙⴽⵔ ⴰⵡⴷ ⴰⵎⵓⴽⵔⵉⵙ ⴳ ⵛⵉⵛⴰⵡⴰ ⴷ ⵡⴰⵎⵓⵔ ⵏ ⵡⴰⴽⵓⵛ , ⵜⴰⵔⵓⴷⴰⵏⵜ, ⵡⴰⵔⵣⴰⵣⴰⵜ ⴷ ⵓⵣⵉⵍⴰⵍ .

ⴰⵢⵏⵏⴰ ⵉⵣⴷⵉⵏ ⴷ ⵓⵙⵍⴳⵏ ⴰⴷ, ⵙ ⵓⵙⴷⴷⵉⴷ ⵏ ⵜⵓⵎⵍⴰⵢⵉⵏ ⵜⵉⴳⵍⴷⴰⵏⵉⵏ ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙⵏⵜ ⴰⴷ ⵉⵙⵙⴷⵓⵙ ⴰⵙⵡⵉⵔ ⵏ ⵡⴰⴷⴷⴰⴷ ⵏ ⵓⵙⴰⴷⵓⵔ ⵏ ⵉⵏⵎⵓⵔⵉⵏ ⴷ ⵓⵎⵙⴰⵙⴰ ⴳⵔⴰⵜⵙⵏ ⵙ ⵓⵙⴽⴽⵉⵔ ⵏ ⴽⵉⴳⴰⵏ ⵏ ⵉⵙⴳⴳⴷⵏ ⵉⵎⴰⵜⴰⵢⵏ ⵉ ⵉⵏⵎⵓⵔⵉⵏ ⴰⴽⴽⵯ ⴽⵔⴰ ⴳⴰⵏ .

ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏ ⵍⵎⵖⵔⵉⴱ, ⵜⵜⵓⵙⴳⵎⴷⵏⵜ ⴽⵕⴰⴹⵜ ⵏ ⵜⵎⵢⴰⵇⵇⴰⵏⵉⵏ ⵙⵏⴰⵜ ⴳⵉⵙⵏⵜ ⴳ ⵉⴳⵔ ⴰⵙⵍⴳⴰⵏ ⴷ ⵓⵙⵍⴳⵏ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵏⵏⴰ ⵉⵏⵏⵓⵕⵥⵎⵏ ⵎⵍⵏⵉⴷ ⵏ ⵉⵡⴰⵏⴽⵏ ⵉⵎⴰⴷⵍⴰⵏⵏ ⴷ ⵓⵙⵍⴳⵏ ⴰⵎⴰⴷⴰⵏ ⵉⵣⴷⵉⵏ ⴷ ⵉⵎⵓⴽⵔⵉⵙⵏ ⵏ ⵡⴰⵎⵓⵏ ⵉⵎⵙⵙⵓⴳⵓⵔⵏ ?

ⵜⴰⵎⵢⴰⵇⵇⴰⵏⵜ ⵜⵉⵙⵙ ⴽⵕⴰⴷⵜ ⵜⵣⴷⵉ ⴷ ⵉⴳⵔ ⵏ ⵜⴰⵢⵍⴰⵍⵜ ⵜⴰⵎⴰⴷⴰⵏⵜ ⴷ ⵜⴳⵔⴰⵖⵍⴰⵏⵜ ⴷ ⵓⵙⵔⴱⵉ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴳ ⵉⴳⵔ ⵏ ⵜⴰⵢⵍⴰⵍⵜ ⵜⴰⵎⴰⴷⴰⵏⵜ .

ⵙ ⵓⵙⴷⴷⵉⴷ ⵏ ⵓⵙⵍⴳⵏ 49 ⴳ ⵓⴷⵓⵙⵜⵓⵔ ⵙ ⵓⵡⵏⵏⵉ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜⵙ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ .

ⵖⵉⴽ ⵉⵏⵏⴰ ⵓⵎⴰⵔⵉ ⵡⵉⵙⵙ  49 ⵙⴳ ⴰⴷⵓⵙⵜⵓⵔ ⴷ ⵓⵙⵓⵎⵔ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵜⴰⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ ⵎⵏⵏⴰⵡ ⵏ ⵍⵡⵓⵍⴰⵜ ⴷ ⵉⵏⴱⴱⴰⴹⵏ ⵉⴳⴰ ⵍⵃⴰⵍ ⵏ :

ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ , ⵡⴰⵍⵉ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⵜ ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵓⴳⴰⴷⵉⵔ ⵉⴷⴰ ⵡⵜⴰⵏⴰⵏ

ⵎⴰⵙⵙ ⵎⵓⵃⵎⵎⴷ ⴰⵎⵀⵉⴷⵢⴰ, ⵡⴰⵍⵉ ⵏ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵚⵚⵟⴰⵜ ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ.

ⵎⴰⵙⵙ ⴼⴰⵔⵉⴷ ⵛⵡⴰⵔⵇ , ⵡⴰⵍⵉ ⵏ ⵜⵎⵏⴰⴹⵜ ⵏ ⵎⵕⵕⴰⴽⵯⵛ ⴰⵙⴼⵉ ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵎⵕⵕⴰⴽⵯⵛ

ⵎⴰⵙⵙ ⵢⵓⵏⵙ ⵜⵜⴰⵣⵉ , ⵡⴰⵍⵉ ⵏ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎ ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵟⴰⵏⵊⴰ ⴰⵚⵉⵍⴰ .

ⵎⴰⵙⵙ ⵄⵍⵉ ⵅⴰⵍⵉⵍ, ⵡⴰⵍⵉ ⵏ ⵜⵎⵏⴰⴹⵜ ⵏ ⴷⴷⴰⵅⵍⴰ ⵡⴰⴷⵉ ⴷⴰⵀⴰⴱ ⴰⵏⴱⴱⴰⴹ ⵏ ⵜⵙⴳⴰ ⵏ ⵡⴰⴷⵉ ⴷⴰⵀⴰⴱ.

ⵎⴰⵙⵙ ⵄⴱⴷ ⵕⵣⴰⵇ ⵍⵎⵏⵚⵓⵕⵉ ⴰⵏⴱⴱⴰⴹ ⵏ ⵜⵙⴳⴰ ⵏ ⵜⵉⵟⵡⴰⵏ

ⵎⴰⵙⵙ ⵃⴰⵙⴰⵏ ⵣⵉⵜⵓⵏⵉ , ⴰⵏⴱⴱⴰⴹ ⵏ ⵜⵙⴳⴰ ⵏ ⵍⵃⵓⵙⵉⵎⴰ

ⵎⴰⵙⵙ ⵊⵎⴰⵍ ⵛⵄⵔⴰⵏⵉ ⴰⵏⴱⴱⴰⴷ ⵏ ⵜⵙⴳⴰ ⵏ ⵏⵏⴰⴹⵓⵕ.

ⵎⴰⵙ ⵄⴱⴷ ⵍⵍⴰⵀ ⵊⵀⵉⴷ , ⴰⵏⴱⴱⴰⴹ ⵏ ⵜⵙⴳⴰ ⵏ ⵡⵔⵣⴰⵣⴰⵜ

ⵎⴰⵙⵙ ⵉⵙⵎⴰⵄⵉⵍ ⵀⵢⴽⵍ ⴰⵏⴱⴱⴰⴹ ⵏ ⵜⵙⴳⴰ ⵏ ⵜⵉⵏⵖⵉⵔ

ⵙ ⵓⵙⵎⵔ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ :

ⵎⴰⵙⵙ ⵎⵓⵃⵎⵎⴷ ⵍⴽⵔⵓⵊ , ⴳ ⵡⴰⵏⵙⴰ ⵏ ⵓⵏⵎⵀⴰⵍ ⴰⵎⴰⵜⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵍⴳⴰⵏ ⵏ ⵉⵎⵓⵙⵙⵓⵏ ⵉⵣⵍⵉⵏ ⵏ ⵍⵇⵏⴱ ⴰⵀⵉⵏⴷⵉ

ⵎⴰⵙⵙⴰ ⵍⵓⴱⵏⴰ ⴱⵓⵟⴰⵍⴱ, ⴳ ⵡⵏⵙⴰ ⵏ ⵓⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵓⵙⵎⵙⴰⵙⴰ ⵏ ⵡⴰⵏⵙⴰ ⵏ ⵓⴳⵍⵎⴰⵎ ⵎⴰⵔⵛⵉⴽⴰ .

ⵙ ⵓⵙⵓⵎⵔ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴱⵢⵉⵏ ⵣⴷⵖⵉⵏ ⴳ ⴱⵕⵕⴰ ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ :

ⵎⴰⵙⵙ ⴰⵃⵎⴰⴷ ⵜⵜⴰⵣⵉ, ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵍⵉⵎⴰⵔⴰⵜ ⵜⵉⵄⵔⴰⴱⵏ ⵉⵎⵓⵏ .

ⵎⴰⵙⵙ ⴼⵓⴰⴷ ⴰⵅⵔⵉⴼ, ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵜⴰⴳⵍⴷⵉⵜ ⵜⵓⵔⴹⵓⵏⵉⵜ ⵜⴰⵀⴰⵛⵉⵎⵉⵜ .

ⵎⴰⵙⵙ ⵎⵓⵃⵎⵎⴷ ⴰⵢⵜ ⵓⵄⵍⵉ , ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵏ ⵜⴳⴷⵓⴷⴰⵏⵜ ⵏ ⵎⵉⵚⵕⴰ ⵜⴰⵄⵔⴰⴱⵜ .

ⵎⴰⵙⵙⴰ ⵙⴰⵎⵉⵔⴰ ⵙⵉⵟⵢⵍ , ⵜⴰⵎⵙⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ.

ⵎⴰⵙⵙ ⵄⴱⴷ ⵍⵇⴰⴷⵔ ⴰⵏⵚⴰⵕⵉ, ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵏ ⵜⴳⴷⵓⴷⴰⵏⵜ ⵏ ⵛⵛⵉⵏⵡⴰ ⵜⴰⵎⴰⴷⴰⵏⵜ

ⵎⴰⵙⵙ ⵢⵓⵙⴼ ⵍⵄⵎⵔⴰⵏⵉ , ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵔ ⵏ ⵎⵉⵔⵉⴽⴰⵏ .

ⵙ ⵓⵙⵓⵎⵔ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵜⵙⵏⵜⴰⵢⵜ ⵏ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵄⴱⴷ ⵕⵕⴰⵃⵉⵎ ⵛⴰⴼⵄⵉ ⴳ ⵡⵏⵙⴰ ⵏ ⵓⵏⵙⵙⵉⵅⴼ ⵏ ⵓⵏⴳⵔⴰⵡ ⵏ ⵜⴹⴰⴼ ⵏ ⵓⵙⴼⵍⵙ ⴷ ⵓⴼⵔⴰⴳ  ⴰⵏⴰⵎⵓⵏ”