ⴰⵙⵉⵡⴹ ⵙⴳ ⵓⴱⵔⵙⵉⵔⴰ ⴰⴳⵍⴷⴰⵏ ⵙⴳ ⵎⴰⴷ ⴷ ⵉⴷⴷⴰⵏ ⴰⵙⵉⵡⴹ ⵙⴳ ⵓⴱⵔⵙⵉⵔⴰ ⴰⴳⵍⴷⴰⵏ:

ⴰⵙⵉⵡⴹ ⵙⴳ ⵓⴱⵔⵙⵉⵔⴰ ⴰⴳⵍⴷⴰⵏ
ⵙⴳ ⵎⴰⴷ ⴷ ⵉⴷⴷⴰⵏ ⴰⵙⵉⵡⴹ ⵙⴳ ⵓⴱⵔⵙⵉⵔⴰ ⴰⴳⵍⴷⴰⵏ:

تعيين جلالة ااملك لمسؤولين على رأس مؤسسات دستورية ..في ما يلي بلاغ من الديوان الملكي

عبد الواحد بوتباغة

ⵉⵙⵙⵓⵍⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵔⵏⵓ ⵕⴱⴱⵉ, ⴰⵙⵙ ⵏ ⵡⴰⵢⵏⴰⵙ 24 ⵎⴰⵕⵚ 2025, ⵙ ⵓⵙⵔⵙ ⵏ ⵜⵓⴳⵜⵜ ⵏ ⵉⵎⴰⵙⴰⵢⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔ, ⵉⵥⵍⵉ ⵓⵢⴰ ⵙ ⴽⵓ:

• ⵎⴰⵙⵙ ⵄⴱⴷⵍⵇⴰⴷⵔ ⵄⵎⴰⵕⴰ, ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ;

• ⵎⴰⵙⵙ ⵎⵓⵃⵎⵎⴰⴷ ⴱⵏ ⵄⵍⵉⵍⵓ, ⴷ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ;

• ⵎⴰⵙⵙ ⵃⴰⵙⴰⵏ ⵟⴰⵕⵉⵇ, ⴳ ⵓⴷⵖⴰⵔ ⵏ ⵓⵎⴰⵣⵣⴰⵍ ⵏ ⵜⴳⵍⴷⵉⵜ.

ⴽⵛⵎⵏ ⵉⵙⵔⵙⵏ ⴰⴷ ⴳ ⵓⵙⴰⵜⵉ ⵏ ⵜⵥⵓⵥⵜ ⵏ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⴼⵔⴳ ⵕⴱⴱⵉ, ⵅⴼ ⵜⵏⴽⵔⴰ ⵙ ⵜⵎⵔⵙⴰⵍ ⴰⴷ ⵙ ⵜⵙⵎⵉⴳⴰⵍ ⵏⵏⴰ ⵉⴼⴽⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⴷ ⵓⵙⵏⵜⵎ ⵏ ⵜⵎⵍⴰⵍⵜ ⵏⵏⵙⵏⵜ ⴳ ⵓⵙⴷⵓⵙ ⵏ ⵉⵎⵏⵣⴰⵢⵏ ⵏ ⵜⵏⵏⵓⴱⴹⴰ ⵉⵖⵓⴷⴰⵏ, ⴷ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ ⵜⴰⵏⵊⵎⵓⵜ, ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵏ.

ⵎⴽⵍⵍⵉ ⵎⵎⴰⵍⵏⵜ ⵜⵉⵏⴷⵉ ⵏⵏⴰ ⴱⴷⴷⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵙⴱⵓⵔⵣ ⵕⴱⴱⵉ, ⵉ ⵉⴳⵔⴰⵡⵏ ⴰⴷ, ⵏⵏⴰ ⵉⴳⴰⵏ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ ⵜⵉⵙⵉⵎⴰⵏⵉⵏ, ⵉ ⵜⵔⵏⴰⵡⵜ ⵏ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵅⴼ ⵜⵙⵎⵉⴳⴰⵍ ⵏⵏⵙⵏⵜ, ⴷ ⵓⵙⴷⵓⵙ ⵏ ⵜⵎⵢⴰⵖⵜ ⵏⵏⵙⵏⵜ ⴰⴽⴷ ⵜⵎⵔⵙⴰⵍ ⴰⴽⴽⵯ ⵜⵉⵏⴰⵎⵓⵔⵉⵏ, ⴷ ⵜⴹⴼⵕⵉ ⵏ ⵉⵎⵓⴽⵏⵏ ⵎⵣⴰⵔⴰⵢⵏⵉⵏ ⴷ ⵉⵙⴰⵡⵔⵏ ⵉⵅⴰⵜⴰⵔⵏ ⵏⵏⴰ ⵜⵥⵕⵕⴰ ⵜⴳⵍⴷⵉⵜ.

ⴰⵙⵓⵖⵍ ⵄⴱⴷⵍⵡⴰⵃⴷ ⴱⵓⵜⴱⴰⵖⴰ