ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

“ⵉⵙⵙⵉⵅⴼ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵢⴰⵔⵉ ⵕⴱⴱⵉ, ⴰⵙⵙ ⴰⴷ 14 ⵛⵓⵜⴰⵏⴱⵉⵔ 2023 ⴳ ⵉⵖⵔⵎ ⴰⴳⵍⴷⴰⵏ ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵡⵡⵓⵔⵉ ⵉⵥⵉⵏ ⵙ ⵓⵙⴽⴽⵉⵔ ⵏ ⵓⵖⴰⵡⴰⵙ ⵉⵣⵔⴱⵏ ⴼⴰⴷ ⴰⴷ ⵣⵣⴷⵖⵏ ⵎⵉⴷⴷⵏ ⵍⵍⵉ ⵉⵍⴽⵎ ⵍⵀⵔⵛⴰⵏ ⴰⵏⴷⵓⴷⵉ ⵏ ⵍⵃⵓⵣ , ⵍⵍⵉ ⵉⴳⴰⵏ ⵜⴰⵖⵍⴼⵜ ⵜⴰⴳⵍⴷⴰⵏⵜ ⴳ ⵓⴳⵔⴰⵡ ⴰⴷ ⵏ ⵜⵡⵡⵓⵔⵉ ⵍⵍⵉ ⵅⴼ ⵉⵍⵍⴰ ⴱⴰⴱ ⵏ ⵓⴷⴷⵓⵔⴰⴳⵍⵍⵉⴷ ⴳ ⵓⵙⴰⴽⵓⴷ 9 ⵛⵓⵜⴰⵏⴱⵉⵔ 2023.

ⵢⵓⵛⴽⴰ ⴷ ⵓⵏⵎⵓⵇⵇⴰⵔ ⴰⴷ ⴳⵔ ⵜⵎⵙⴽⵉⵔⵉⵏ ⵉⴳⴳⵓⵜⵏ ⵍⵍⵉ ⵅⴼ ⵉⵍⵍⴰ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ, ⴷ ⵍⵍⵉ ⵉⵔⴰⵏ ⴰⴷ ⵜⴰⵡⵙ ⵙ ⵣⵣⵔⴱ ⵉ ⵎⵉⴷⴷⵏ ⵏ ⵜⵙⴳⵉⵡⵉⵏ ⴰⴷ ⵜⵍⴽⵎ ⵜⴱⵔⵔⴰⵏⵜ ⴰⴷ. ⵙⵍⴰⵡⵏ ⴰⴽⴽⵯ ⴰⴷ ⴰⵙ ⵙⴽⵔⵏ ⵉⴷⵖⴰⵔⵏ ⵎⴰ ⴳ ⵣⴷⵖⵏ.

ⵉⵙⴽⵔ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵢⴰⵜ ⵜⵢⴰⵎⵓⵏⵜ ⵜⴰⴳⵔⵎⴰⵡⴰⵙⵜ ⵍⵍⵉ ⵔⴰⴷ ⵢⴰⵡⵙ ⴳ ⵜⵡⵡⵓⵔⵉ ⴰⴷ, ⵜⵙⴽⵔ ⵜⵢⴰⵎⵓⵏⵜ ⴰⴷ ⵢⴰⵏ ⵓⵖⴰⵡⴰⵙ ⵏ ⵓⵙⵙⵣⴷⵖ ⵍⵍⵉⵖ ⵔⴰⴷ ⵙⴽⵓⵏ 50 ⵏ ⵢⵉⴼⴹ ⵏ ⵜⴳⵎⵎⵉ , ⴰⵖⴰⵡⴰⵙ ⴰⴷ ⵉⵜⵜⵉⴼⵙⴰⵔ ⵎⵏⵉⴷ ⵏ ⵓⴳⵍⵍⵉⴷ.

ⴰⵖⴰⵡⴰⵙ ⴰⴷ ⴳⵉⵙ, ⴳ ⵢⴰⵜ ⵜⵙⴳⴰ, ⵜⵉⵎⵙⴽⴰⵔ ⵏ ⵓⵙⵙⴷⵖ ⴰⵎⵣⵡⴰⵔⵓ ⵍⵍⵉⵖ ⵔⴰⴷ ⵙⴽⵔⵏ ⵜⵓⵣⴷⵖⵜ ⵔⴰⴷ ⵢⴰⵔⵉ ⴰⵚⵎⵎⵉⴹ ⴷ ⵓⵏⵣⵡⵉ ⵉⵀⵔⵛⵏ, ⴳ ⵢⴰⵜ ⵜⵙⴳⴰ ⴰⴹⵏⵉ ⵔⴰⴷ ⵜⴼⴽ ⵜⵏⴱⴰⴹⵜ 30 ⵢⵉⴼⴹ ⵏ ⴷⴷⵔⵀⵎ ⵉ ⵜⵡⵊⵉⵡⵉⵏ ⵍⵍⵉ ⵉⵍⴽⵎ ⵓⵎⴰⵍⴰⴷ.

ⴳ ⵓⵎⵏⵉⴷ ⴰⴷ, ⵉⴼⴽⴰ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⴰⵡⴰⵍ ⵏⵏⵙ ⴼⴰⴷ ⴰⴷ ⵔⴰⵔⵏ ⵜⴰⵢⵏⵉⵜ ⵙ ⵓⵣⴷⴷⵓⵖ ⴰⴷ ⴼⴰⴷ ⴰⴷ ⴳⵉⵙ ⴰⴽⴽⵯ ⴰⵢⵍⵍⵉ ⵙ ⵔⴰⴷ ⵙⵖⴰⵡⵙⴰⵏ ⵎⵉⴷⴷⵏ.

ⴳ ⵜⵙⴳⴰ ⴰⴹⵏⵉ, ⴰⵖⴰⵡⴰⵙ ⴰⴷ ⴳⵉⵙ ⵜⵉⵎⵙⴽⵉⵔⵉⵏ ⵏ ⵓⵙⴽⴽⵓ ⴰⵎⴰⵢⵏⵓ ⵖⵉⵍⴰ, ⵍⵍⵉ ⵔⴰⴷ ⴹⴰⵕⵜ ⵓⵛⵏⵉⴱⴱⵛ ⴷ ⵡⴰⵍⵍⴰⵙ ⵉ ⵡⴰⴽⴰⵍ. ⴼⴰⴷ ⴰⴷ ⵉⵜⵜⵉⵢⵙⴽⴰⵔ ⵎⴰⵢⴰⴷ ⵔⴰⴷ ⵜⵜⵉⵢⴼⴽⴰ 14000 ⴷⵔⵀⵎ ⵉ ⵜⴳⵎⵎⴰ ⵍⵍⵉ ⴽⵓⵍⵍⵓ ⵉⵅⵔⴱⵏ, ⵜⵜⵉⵢⴼⴽⴰ 80000 ⴷⵔⵀⵎ ⵉ ⵜⴳⵎⵎⴰ ⵍⵍⵉ ⴳ ⵉⵅⵔⵏ ⵢⴰⵏ ⵓⴳⵣⵣⵓⵎ .

ⵉⵏⵏⴰ ⵓⴳⵍⵍⵉⴷ ⴱⴰⴱ ⵓⴷⴷⵓⵔ ⵎⴰⵙ ⴷ ⵜⴰⵡⵡⵓⵔⵉ ⴰⴷ ⵏ ⵜⵓⵙⴽⴰ ⵉⵇⵇⴰⵏ ⴷ ⴰⴷ ⵜⵣⵔⴽ ⵜⴰⵢⵙⵉ ⵜⴰⴷⵖⵔⴰⵏⵜ ⴳ ⵓⵙⴽⴽⵓ ⵏ ⵜⴳⵯⵎⵎⴰ.

ⵓⴳⴳⴰⵔ ⵏ ⵎⴰⵢⴰⴷ, ⴳ ⵉⴳⵉⵡⵔ ⵏ ⵜⵡⵓⵔⵉ ⴰⴷ ⵏⵉⵜ, ⵉⵏⵏⴰ ⵓⴳⵍⵍⵉⴷ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵣⵔⴱ ⴷ ⵜⴷⵓⵙⵉ ⴳ ⵜⵡⵓⵔⵉⵡⵉⵏ ⴰⴷ, ⵢⵉⵍⵉ ⵓⵣⵔⴰⴽ ⵏ ⵜⴷⵔⴼⵉⵜ ⵏ ⵉⵎⵣⴷⴰⵖⵏ ⴷ ⵜⵎⵢⵓⵔⵉⵏ ⵏⵏⵙⵏ ⴷ ⵜⴰⵢⵙⵉ ⵏⵏⵙⵏ. ⴷ ⵎⴰⵢⴰⴷ ⴰⴷ ⵓⵔ ⵉⵙⴳⴰⴷⴷⴰ ⵖⴰⵙ ⴰⵢⵍⵍⵉ ⵉⵅⵔⴱⵏ, ⵎⴰⵛⵛ ⵉⵇⵇⴰⵏ ⴷ ⴰⴷ ⵢⵉⵍⵉ ⵢⴰⵏ ⵓⵖⴰⵡⴰⵙ ⵉⵜⵜⵓⵣⵔⴰⵏ ⴼⴰⴷ ⴰⴷ ⵉⵙⴱⵓⵖⵍⵓ ⵉⴷⵖⴰⵔⵏ ⴰⴷ ⵙ ⵓⵎⴰⵜⴰ.

ⵔⴰⴷ ⵢⴰⵙⵉ ⵓⵖⴰⵡⴰⵙ ⴰⴷ ⵜⵓⴳⵜⵜ ⵏ ⵜⵙⴳⵉⵡⵉⵏ, ⴳ ⵜⵡⵉⵙⵉ ⵙ ⵉⴷⵔⵉⵎⵏ ⵏ ⵡⴰⵡⴰⵏⴽ ⴷ ⵜⵎⵔⵙⴰⵍ , ⵉⵕⵥⵎ ⵓⵍⴰ ⵉ ⵜⵡⵉⵙⵉ ⵏ ⵉⵎⵙⴽⴰⵔⵏ ⴰⴹⵏⵉ ⴷ ⵜⵎⵙⵎⵓⵏⵉⵏ ⵍⵍⵉ ⵉⵣⵎⵔⵏ ⴰⴷ ⴰⵡⵙⵏ, ⵓⵍⴰ ⵉⵡⴰⵏⴽⵏ ⵉⵎⴷⴷⵓⴽⴽⴰⵍ ⵍⵍⵉ ⵉⵔⴰⵏ ⴰⴷ ⵜⴰⵡⵙ , ⵜⵉⵎⵓⵔⴰ ⴰⴷ ⵍⵍⵉ ⵉⵙⵏⵉⵎⵎⵉⵔ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵙ ⵜⵎⵍⴷⴰ ⴰⴷ.

ⵉⵙⴰⵡⵍ ⵓⴳⵍⵍⵉⴷ ⵓⵍⴰ ⵅⴼ ⵢⴰⵜ ⵜⵖⴰⵡⵙⴰ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴰⴷ ⵜⵜ ⵉⴳⴰⵏ ⴷ ⵜⵡⵉⵙⵉ ⵉ ⵉⵎⵣⵢⴰⵏⵏ ⵉⴳⵉⴳⵉⵍⵏ ⵍⵍⵉ ⴷ ⵉⴼⵍ ⵓⵏⴷⵓⴷⵉ ⴰⴷ, ⵉⵏⵏⴰ ⵎⴰ ⵙ ⵔⴰⴷ ⵉⵍⵉⵏ ⴳ ⵓⴱⵓⵛⵉⵍ ⴼⴰⴷ ⴰⴷ ⴳⵏ ⵉⵎⴹⴰⴼⵏ ⵏ ⵜⵎⵓⵔⵜ.

ⵢⵉⵏⵉ ⵎⴰ ⵙ ⴷ ⵉⵇⵇⴰⵏ ⴼⴰⴷ ⴰⴷ ⴷ ⵜⵃⵉⵏ ⵉⵎⵥⵢⴰⵏⵏ ⴳ ⵉⵎⵉⵣⵉ ⴳ ⵍⵍⴰⵏ ⴹⴰⵕⵜ ⵏ ⵓⵏⴷⵓⴷⵉ , ⵔⴰⴷ ⵜⵕⵥⵎ ⵜⵏⴱⴰⴷⵜ ⵉ ⵓⵚⴰⴹⵓⴼ ⵏ ⵢⵉⵎⵥ ⵏ ⵉⵎⵥⵢⴰⵏⵏ ⴰⴷ .

ⵜⴰⵎⵓⵔⵜ ⵏⵏⵖ ⵍⵎⵖⵔⵉⴱ , ⵙ ⵜⵡⵓⵔⵉ ⴰⴷ ⵉⴳⴳⵓⵜⵏ ⴷ ⵜⵡⵉⵙⵉ ⴰⴷ ⵉⵍⵍⴰⵏ, ⴰⵔ ⵜⵎⵎⴰⵍ ⵎⴰⵙ ⵜⴳⴰ ⵜⴰⵎⵓⵔⵜ ⵉⴷⵓⵙⵏ ⵉⵣⵎⵔⵏ ⴰⴷ ⵜⵣⵔⵉ ⴳ ⴽⵓ ⵜⴰⵙⵙⴰⵙⵉⵏ , ⵎⴰⵢⴰⴷ ⵙ ⵜⴷⵓⵙⵉ ⵏ ⵜⵎⵔⵙⴰⵍ ⵏⵏⵙ ⴷ ⵜⵡⵉⵙⵉ ⵏ ⵓⵖⵔⴼ ⵏⵏⵙ.

ⵉⴷⵔⴰ ⴳ ⵓⵏⵎⵓⵇⵇⴰⵔ ⴰⴷ ⵏ ⵜⵡⵡⵓⵔⵉ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⴰⵣⵉⵣ ⴰⵅⵏⵏⵓⵛ, ⴰⵎⵛⵛⵉⵡⵏ ⴱⴰⴱ ⵏ ⵓⴷⴷⵓⵔ ⵎⴰⵙⵙ ⴼⵓⵡⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵓⵎⴰⵡⴰⵙ ⵏ ⵓⴳⵏⵙ ⵎⴰⵙⵙ ⴰⴱⴷ ⵍⵡⴰⴼⵉ ⵍⴼⵜⵉⵜ, ⴷ ⵓⵎⴰⵡⴰⵙ ⵏ ⵍⵃⵓⴱⵓⵙ ⴷ ⵜⵡⵓⵔⵉⵡⵉⵏ ⵜⵉⵏⵙⵍⵎⵉⵏ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ ⴷ ⵓⵎⴰⵡⴰⵙ ⵏ ⵜⴷⵔⵉⵎⵜ ⴷ ⵜⴷⴰⵎⵙⴰ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⴷ ⵓⵎⴰⵡⴰⵙ ⵏ ⵓⵙⵏⵎⴰⵍⴰ ⴰⴽⴰⵍⴰⵏ ⴷ ⵓⵙⵙⵣⴷⵖ ⴷ ⵓⵙⴽⴽⵓ ⴷ ⵜⵙⵔⵜⵉⵜ ⵜⴰⵖⵔⵎⴰⵏⵜ , ⵎⴰⵙⵙⴰ ⴼⴰⵜⵉⵎⴰ ⵥⴰⵀⵕⴰ ⵍⵎⵏⵚⵓⵕⵉ ⵜⴰⵎⴰⵡⴰⵙⵜ ⵉⵍⵍⴰⵏ ⴷⴰⵔ ⵓⵎⴰⵡⴰⵙ ⵏ ⵜⴷⴰⵎⵙⴰ ⴷ ⵜⴷⵔⵉⵎⵎⵜ ⵎⴰⵙⵙ ⴼⴰⵡⵣⵉ ⵍⵇⵊⴰ, ⴷ ⵜⵔⴰⴱⴱⵓⵜ ⵎⵓⵃⵎⵎⴰⴷ ⴱⵔⵉⴷ ⵎⴰⴳⴳⵉⵡⵙ ⴰⵏⴰⵜⵓ ⵏ ⵜⵙⵔⴷⴰⵙⵜ ⵜⴰⴳⵍⴷⴰⵏⵜ ⴳ ⵜⵙⴳⴰ ⵏ ⵢⵉⴼⴼⵓⵙ”.