ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

ⵉⴳⴳⴰⴳ ⵓⴳⵔⴰⵡ ⴰⴷ ⴳ ⵓⵙⴰⵜⵉ ⵏ ⵜⵖⴹⴼⵜ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵡⴰⵎⴰⵏ ⵏⵏⴰ ⵉⵍⴰⵏ ⵉⵜⴳⴰⵔⵏ ⵉⵙⵜⵕⴰⵜⵉⵊⵉⵢⵢⵏ , ⵏⵏⴰ ⵉⴳⴰⵏ ⵙⴳ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵏⵏⴰ ⵉⵍⵍⴰⵏ ⴳ ⵉⵏⴰⵡ ⴰⴳⵍⴷⴰⵏ ⵏ ⵓⵏⵏⵏⵓⵕⵥⵎ ⴰⴱⵕⵍⴰⵎⴰⵏⵉ ⵏ ⴽⵜⵓⴱⵕ ⵉⵣⵔⵉⵏ ⴷ ⴽⵕⴰⴹ ⵉⴳⵉⵡⵔⵏ ⵏ ⵜⵡⵡⵓⵔⵉ ⵏⵏⴰ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ .

ⴳ ⵓⴳⵔⴰⵡ ⴰⴷ , ⵉⵙⴽⵔ ⵎⴰⵙⵙ ⴰⵎⴰⵡⵙⴰⵙ ⵏ ⵓⵏⴱⴱⵕ ⴷ ⵡⴰⵎⴰⵏ ⵏⵉⵥⴰⵕ ⴱⴰⵕⴰⴽⴰ ⵢⴰⵏ ⵓⴼⵙⴰⵔ ⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⴳⵉⵙ ⴰⴷⴷⴰⴷ ⵏ ⵡⴰⵎⴰⵏ ⴷ ⵓⵙⵎⵏⵉⴷ ⵏ ⵓⵙⴷⴷⵉⴷ ⵏ ⵉⴼⵕⴹⵉⵚⵏ ⵏ ⵡⴰⵀⵉⵍ ⴰⴷ .

ⵙ ⵓⴹⴼⵓⵕ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ , ⵙ ⵓⵙⵔⴱⵉ ⵏ ⵓⵙⴷⴷⵉⴷ ⵏ ⵡⴰⵀⵉⵍ ⴰⴷ ⴷ ⵓⵙⴷⵓⵙ ⵏ ⵜⵓⵎⴰⵢⵉⵏ ⵏⵏⵙ , ⵜⴻⵜⵜⵓⵙⴱⵓⵖⵍⵓ ⵜⴷⵔⵉⵎⵜ ⵏⵏⵙ ⵜⴰⵎⴰⵜⴰⵢⵜ ⴰⵔ 143 ⵎⵍⵢⴰⵕ ⴷⵔⵀⵎ , ⵜⵜⵓⵙⵔⵙⵏⵜ ⴳⵉⵙ ⵎⵏⴰⵡⵜ ⵜⵏⵇⵇⴰⴹ :

-ⴰⵃⴰⵕⵕⵓ ⵏ ⵓⵣⴷⴰⵢ ⴳⵔ ⵡⴰⴷ ⵙⴱⵓ ⴷ ⴱⵓⵔⴳⵔⴰⴳ ⴷ ⵓⵎⵎ ⵕⵕⵔⴱⵉⵄ ⴰⵙⵏⴼⴰⵕ ⴰⴷ ⵉⵜⵜⵓⵙⴽⴰⵔ ⴳⵉⵙ ⵓⴳⵣⵣⵓⵎ ⴰⵎⵣⵡⴰⵔⵓ ⴳ ⵎⴰⴷ ⵉⵜⵜⴳⴳⴰⵏ 67 ⴽⵉⵍⵓⵎⵉⵟⵕ .

– ⴰⵙⵖⵉⵡⵙ ⵏ ⵓⴳⴳⵓⴳⵏ ⵉⵎⴰⵢⵏⵓⵜⵏ ⴷ ⵓⵙⴷⵓⵙ ⵏ ⵜⴷⵔⵉⵎⵜ ⵏ 20 ⵏ ⵓⴳⴳⵓⴳ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵉⵎⴰⵍ , ⵏⵏⴰ ⵔⴰⴷ ⵉⵙⵙⴷⵓⵙ ⴰⵃⵟⵓ ⵏ ⵡⴰⵎⴰⵏ ⵙ 6.6 ⵎⵍⵢⴰⵕ ⵎⵉⵜⵔⵓ ⴰⵎⴽⴽⵓⵥ ⴳ ⵡⴰⵎⴰⵏ ⵉⵣⴷⴷⵉⴳⵏ .

-ⴰⵙⵃⴰⵕⵕⵓ ⵏ ⵉⵙⵏⴼⴰⵕⵏ ⵏ ⵡⴰⵎⴰⵏ ⵏ ⵜⵉⵙⵙⵉ ⵙⴳ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⵏ ⵜⵙⵔⵓⵙⵉⵏ ⵏ ⵓⵙⵙⵉⵣⴷⵉⴳ ⵏ ⵡⴰⵎⴰⵏ ⵏ ⵢⵉⵍⵍ, ⴷ ⵉⵙⵏⴼⴰⵕⵏ ⵏ ⵓⵙⵉⵣⴷⴳ ⵏ ⵡⴰⵎⴰⵏ ⵏ ⵉⵙⵓⴳⴰⵎ ⵢⴰⴹⵏ .

-ⴰⵙⴷⵓⵙ ⵏ ⵜⵉⴽⴽⵉ ⵏ ⵡⴰⵎⴰⵏ ⵏ ⵜⵉⵙⵙⵉ ⵉ ⴰⵢⵜ ⵓⴳⴰⵎⴰ ⴰⴼⴰⴷ ⴰⴷ ⴰⵎⵓⵏ ⴽⵉⴳⴰⵏ ⵏ ⵓⵙⵓⵏⵏ ⵢⴰⴹⵏ ⵙⴳ ⴽⵉⴳⴰⵏ ⵏ ⵉⵎⴰⵙⵙⵏ ⵉⵍⵓⵊⵉⵙⵜⵉⴽⵉⵏ ⴷ ⵉⵡⴷⴰⵏ ⵏⵏⴰ ⵉⵙⵡⵡⵓⵔⵉⵏ ⴳ ⵉⴳⵔ ⴰⴷ .

-ⴳ ⵜⵙⴳⴰ ⵢⴰⴹⵏ, ⵍⵍⵉⵖ ⵉⵙⵔⴳ ⵓⵏⵣⵡⵉ ⴷ ⵡⴰⴷⴷⴰⴷ ⵏ ⵡⴰⵎⴰⵏ ⴰⵙⴳⴳⵯⴰⵙ ⴰⴷ ⵉ ⵓⵛⵃⵓ ⵏ ⵉⴳⵔ ⵏ ⵜⴼⵍⵍⴰⵃⵜ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵙⴽⴽⵉⵔ ⵏ ⵡⴰⵢⴷⴰ ⵏ ⵜⴰⵢⵙⵙⴰ , ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⵓⵎⵍⴰⵢⵉⵏ ⵏⵏⵙ ⵉ ⵜⵏⴱⴰⴹⵜ ⵉⵙⵍⴳⴰⵏⵏ ⴷ ⵓⵙⴷⴷⵉⴷ ⵏ ⵉⵜⴳⴰⵔⵏ ⵏ ⵓⵥⵥⵓ ⴳ ⵉⵙⵔⴰⴳⵏ ⵏ ⵜⵛⴰⵃⵓⵕⵜ .

– ⴳ ⵜⴳⵉⵔⴰ ⵉⵙⵙⴷⵓⵙ ⴱⴰⴱ ⵏ, ⵡⴰⴷⴷⵓⵔ ⵉⵎⵙⵜⴳⴳⴰⵔⵏ ⵏ ⵉⴳⵔ ⴰⴷ ⴰⴼⴰⴷ ⴰⴷ ⵙⵡⵡⵓⵔⵉⵏ ⵙ ⵜⵣⵎⵎⴰⵔ ⴷⵓⵙⵏⵉⵏ ⴳ ⵉⴳⵔ ⴰⴷ ⴷ ⵓⵙⴱⵓⵖⵍⵓ ⵏ ⵜⵎⴰⵎⴽⵜ ⵏ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⵙⴳ ⵡⴰⵀⵉⵍ ⵏⵏⴰ ⵅⴼ ⵜⵜⵓⵙⵔⴰⵙⵏ .

ⵉⴷⵔⴰ ⴳ ⵓⴳⵔⴰⵡ ⴰⴷ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ , ⴷ ⵓⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴼⵓⵡⴰⴷ ⵄⵍⵉ ⵍⵀⵉⵎⵎⴰ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ ⵄⴱⴷⵍⵡⴰⴼⵉ ⵍⴼⵜⵉⵜ , ⴷ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⴷⵔⵉⵎⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ , ⴷ ⵓⵎⴰⵡⵙⴰⵙ ⵏ ⵓⵏⴱⴱⵕ ⴷ ⵡⴰⵎⴰⵏ , ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ, ⴷ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵏ ⵜⴰⵔⵏⴰ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵡⴰⵙⵉⴷⴷ ⴷ ⵡⴰⵎⴰⵏ ⵏ ⵜⵉⵙⵙⵉ ⵎⴰⵙⵙ ⵄⴱⴷⵕⵕⴰⵃⵉⵎ ⵍⵃⴰⴼⵉⴹⵉ.