ⴰⵙⴼⵙⵔ ⴰⵖⵔⵎⴰⵏ ⵕⵕⴱⴰⵟ , ⴰⵢⴷⴰ ⵏ ⵜⴼⴳⴰⵏⵉⵢⵜ

ⵜⵙⵙⵏⵜⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⴰⵙⵏⴰ , ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵓⵃⵟⵟⵓ ⵅⴼ ⵡⴰⵢⴷⴰ ⴰⴷⵍⵙⴰⵏ ⵏ ⵜⵎⴷⵉⵏⵜ ⵏ ⵕⵕⴱⴰⵟ ⴰⵙⵙ ⴰⴷ ⴰⵙⴰⵎⴰⵙ ⴳ ⵓⴱⴰⵔⴰⵣ ⵏ ⴱⴰⴱ ⵍⴱⴰⵃⵔ , ⴰⵙⴼⵙⵔ ⴰⵖⵔⵎⴰⵏ “ⵕⵕⴱⴰⵟ , ⴰⵢⴷⴰ ⵏ ⵜⴼⴳⴰⵏⵉⵢⵜ, ⵙ ⵜⵎⵍⴷⴰ ⵏ ⵓⴽⴽⵯⵜⵜⴰⵢ ⵡⵓⵙⵙ ⵎⵔⴰⵡ ⵉⵙⴳⴳⵯⴰⵙⵏ ⵅⴼ ⵓⵙⴽⴰⵔ ⵏ ⵏ ⵜⵎⴰⵥⵓⵏⵜ ⵏ ⵜⴳⵍⴷⵉⵜ ⴳ ⵜⵍⴳⴰⵎⵜ ⵏ ⵡⴰⵢⴷⴰ ⴰⵎⴰⴹⵍⴰⵏ ⵏ ⵍⵢⵓⵏⵉⵙⴽⵓ.

 ⴰⵡⵜⵜⴰⵙ ⵏ ⵓⵙⴼⵙⵔ ⴰⴷ ⵉⴳⴰ ⴰⵍⵍⴰⵙ ⵏ ⵜⵢⴰⴼⵓⵜ ⵏ ⵡⴰⵢⴷⴰ ⵏⵏⴰ ⵉⵍⵍⴰⵏ ⴳ ⵜⵎⴷⵉⵏⵜ ⵏ ⵕⵕⴱⴰⵕ ⴳ ⵜⴰⵏⵏⴰⵢⵜ ⵜⴰⵎⴰⵢⵏⵓⵜ , ⴰⵡⴷ ⵜⵓⵙⵙⵏⴰ ⵙ ⵓⵎⵣⵔⵓⵢ ⵏ ⵜⵎⴷⵉⵏⵜ ⴰⴷ ⵔⴰⵖⵔⵎⴰⵏ ⵙⴳ ⴰⵢⴷⴰ ⵏⵏⵙ ⴷ ⵉⵖⵔⵎⴰⵏ ⵏⵏⵙ .

ⵎⴽ ⵍⵍⵉ ⵙ ⵉⵜⵜⵓⵡⵏⵏⴰ ⴰⴷ ⵜⵉⵍⵉ ⵜⵔⵣⵣⵉⴼⵜ ⵜⴰⵎⴰⵢⵏⵓⵜ ⵏ ⵓⴱⵔⵉⴷ ⴰⴷ ⴷ ⵡⴰⵢⴷⴰ ⴰⴷ ⵙ ⵜⵡⵍⵍⴰⴼⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵎⵣⵔⵓⵢ ⵏ ⵡⴰⵏⵙⴰⵜⵏ ⴷ ⵜⵎⴽⴽⵯⵜⵜⵉⵜ ⵏ ⵉⵡⵔⵉⴽⵏ (ⵜⵉⵡⵜⵎⵉⵏ ⴷ ⵉⵔⴳⴰⵣⵏ ) ⵙ ⵜⴰⵙⴽⴰ ⵏ ⵜⴰⵏⵏⴰⵢⵜ ⵜⴰⵏⴰⵎⵓⵏⵜ ⵜⴰⵎⴰⵢⵏⵓⵜ ⵏ ⵡⴰⵏⵙⴰⵜⵏ, ⴷ ⵓⵚⵔⵙⵓ ⵏ ⵜⵓⵙⵙⵏⴰ ⵏ ⵎⴰⴷ ⵉⴳⴰⵏ ⵙⵉⵏ ⵉⴼⴹⵏ ⵏ ⵓⵙⴳⴳⵯⴰⵙ ⴳ ⵓⵎⵣⵔⵓⵢ.

ⵜⵙⵏⵎⴰⵍⴰ ⵜⵎⵔⵙⵍⵜ ⵏⵏⴰ ⵎⵓ ⵜⴳⴰ ⵜⵡⵓⵔⵉ ⵏⵏⵙ ⵜⵓⵙⵙⵏⴰ ⵙ ⵡⴰⵢⴷⴰ ⴰⴷⵍⵙⴰⵏ ⵏ ⵕⵕⴱⴰⵟ , ⴰⵙⴼⵙⵔ ⵏⵏⴰ ⵉⴳⴰⵏ ⵉ ⵓⴳⴷⵓⴷ , ⴰⴼⴰⴷ ⴰⴷ ⵉⵏⵎⴰⵍⴰ ⵉⵔⵎⵎⵓⵙⵏ ⵏ ⵡⴰⵢⴷⴰ ⴰⵍⴰⴹⵍⴰⵏ ⵏ ⵜⵎⴷⵉⵏⵜ ⴰⴷ, ⴰⵡⴷ ⵜⵉⵏⴷⵉ ⵏ ⵓⵃⵟⵟⵓ ⵏ ⵡⴰⵢⴷⴰ ⴰⴷ.

ⵙⵡⵓⵔⵉⵏ ⵙ ⵙ ⵜⴱⵔⵓⴷⵜ ⵜⵓⵥⵍⴰⵢⵜ ⵅⴼ ⵜⵡⵓⵔⵉⵡⵉⵏ ⵏ ⵓⵎⴳⵓⵔⵉ ⴰⵇⴱⵓⵔ ⴰⵎⵖⵔⵉⴱⵉ, ⵏⵏⴰ ⵉⵙⵡⵓⵔⵉⵏ ⵅⴼ ⵍⵃⵔⴼⵜ ⴷ ⵜⵥⵓⵕⵉ ⵜⴰⵇⴱⵓⵔⵜ ⵙⴳ ⵜⴰⵙⵓⵏⵜ ⵏ ⵍⵎⵓⵡⴰⵃⵉⴷⵉⵏ ⴰⵔ ⵜⴰⵙⵓⵜ ⵜⴰⵜⵔⴰⵔⵜ, ⵎⴽ ⵍⵍⵉ ⵙ ⵉⵔⵄⵉ ⵊⴰⵔ ⵜⵉⵎⵢⵓⵔⵉⵏ ⵜⵉⵇⴱⵓⵔⵉⵏ ⴷ ⵜⵀⵏⴷⴰⵜ ⵔⴰⵎⵉⵎⴰⵔⵉⵢⵜ ⵏ ⵜⴰⵙⵓⵜ ⵜⵉⵙⵙ ⵙⵉⵎⵔⴰⵡ.

ⵙ ⵜⵎⵍⴷⴰ ⴰⴷ , ⵜⵙⵙⵏⴽⴷⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⴰ ⵃⴰⵙⵏⴰ ⵜⴰⵎ ⵉⴼⵔⴷⵉⵙⵏ ⵏ ⵜⵎⴷⵉⵏⵜ ⵏ ⵕⵕⴱⴰⵟ , ⵏⵏⴰ ⵉⴳⴰⵏ ⴰⵢⴷⴰ ⵍⵍⵉ ⵉⵍⵍⴰⵏ ⴳ ⵜⵍⴳⴰⵎⵜ ⵏ ⵡⴰⵜⴷⴰ ⴰⵎⴰⴹⵍⴰⵏ, ⵏⵏⴰ ⵉⵍⵍⴰⵏ ⴳ ⵓⵙⴼⵙⵔ ⴰⴷ ⴰⵖⵔⵎⴰⵏ.

ⵜⵙⵙⵏⴽⴷ ⵍⴰⵍ ⵏ ⵜⴰⵜⵜⵓⵢⵜ ⴰⵡⴷ ⵉⵔⵎⵓⵙⵏ ⵙⴳ ⵜⴰⵎ ⵉⵔⵎⵉⵜⵏ ⵅⴼ ⴽⵔⴰ ⵉⴳⴰⵜ ⴰⴼⵔⴷⵉⵙ , ⵣⵓⵏⴷ ⵜⴰⵎⴷⵉⵏⵜ ⵜⴰⵎⴰⵢⵏⵓⵜ ⵍⵍⵉ ⵉⵍⵍⴰⵏ ⴳ ⵜⴰⵙⵓⵜ ⵜⵉⵙⵙ ⵙⵉⵎⵔⴰⵡ ⴷ ⵃⴰⵢ ⵍⵃⵓⴱⵓⵙ ⴷ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⵕⵕⴱⴰⵟ ⵙ ⵉⵖⵔⵎⴰⵏ ⴷ ⵉⴳⴳⵓⵔⴰ ⵏⵏⵙ, ⴷ ⵜⵎⵣⴳⵉⴷⴰ ⵏ ⵃⵙⵙⴰⵏ , ⴷ ⵜⵖⵔⵎⵜ ⵍⵓⴷⴰⵢⴰ ⴷ ⵡⴰⵏⴰⵙⴰ ⴰⵇⴱⵓⵔ ⵛⴰⵍⵍⴰ.

ⵜⴰⵎⴰ ⵏ ⵓⵙⴼⵙⵔ ⴰⴷ , ⵜⵏⵏⴰ ⵜⵎⵔⵙⵍⵜ ⵏ ⵓⵃⵟⵟⵓ ⵅⴼ ⵡⴰⵢⴷⴰ ⴰⴷⵍⵙⴰⵏ ⵏ ⵜⵎⴷⵉⵏⵜ ⵏ ⵕⵕⴱⴰⵟ ⵜⴰⵙⵓⵍⵜ ⵏ ⵜⵔⵣⵣⵉⵜ ⵙ ⵜⵎⴷⵉⵏⵜ ⴰⴷ ⵙ ⵉⵣⵎⵎⴰⵎⵏ ⵉⵎⵙⵍⴰⵏ (ⴱⵓⴷⴽⴰⵙⵜ) , ⵎⵉⵏⵣⵉ ⴰⵔ ⵜⵙⴰⵡⴰⵍ ⵙ ⵢⵉⵍⵙ ⵏ ⵉⵡⵔⵉⴽⵏ ⵉⴳⴷⵓⴷⴰⵏ ⵏⵏⴰ ⵜⵜⴰⵡⵙⵙⴰⵏⵉⵏ ⴷ ⵜⵓⴳⵜⵜ ⵏ ⵉⵔⵉⵎⵏ ⵙⴳ ⵜⵓⴳⵜⵜ ⵏ ⵜⴰⵙⵓⵜⵉⵏ, ⵅⴼ ⵜⵍⴷⵉⵏⵜ ⵏ ⵕⵕⴱⴰⵟ ⴷ ⵡⴰⵏⵙⴰⵜⵏ ⵏ ⵜⵎⴽⵯⵜⵜⵉⵜ ⵏⵏⵙ, ⴷ ⵓⵎⵣⵔⵓⵢ ⵏⵏⴰⵙ ⴷ ⵜⴷⵍⵙⴰ ⵏⵏⵙ, ⵙⴳ ⵡⴰⵍⵍⴰⵙ ⵏ ⵜⵎⴽⴽⵯⵜⵜⵉⵜⵉⵏ , ⵍⵍⵉ ⵢⵉⵡⵙⵏ ⴳ ⵓⵙⴼⵙⵔ ⵏ ⵜⵎⴽⵜⵜⵉⵜ ⵜⴰⵏⴰⵎⵓⵏⵜ ⵏⵏⴰ ⵊⵊⵓⵏ ⵓⵔ ⵉⵜⵜⴰⵡⵣⵎⵎⴰⵎⵏ, ⴰⵡⴷ ⵜⴰⵔⴰⴱⴱⵓⵜ ⵏ ⵍⴱⵓⴷⴽⴰⵙⵜ ⵏⵏⴰ ⵔⴰⴷ ⵢⵉⵍⵉ ⴳ ⵡⴰⵏⵙⴰ ⴰⵍⵉⴽⵜⵔⵓⵏⵉ ⴳ https://fspcrabat.ma/podcasts).

ⴹⴰⵕⵜ ⵏ ⵎⴰ ⴰⴷ, ⵜⵙⴽⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⴰⵙⵏⴰ ⵜⴰⵡⵍⵍⴰⴼⵜ ⵜⴰⵎⵙⴽⴽⵯⵜⵉⵜ ⴰⴽⴷ ⵜⴰⵎ ⵉⵔⵉⵎⵏ, ⴷⴰⵔ ⵏ ⴰⴷ ⴰⵙ ⵙⵙⵏⴽⴷⵏ ⵍⴱⵢⴷⴽⴰⵙⵜ ⵏ ⵜⵎⵔⵙⵍⵜ “ⵜⵓⵍⵍⵉⵙⵉⵏ ⵏ ⵕⵕⴱⴰⵟⵉ , ⵙⴳ ⴷⴰⵔ ⵊⵉⵀⴰⵏ ⴼⴰⴹⵉⵍⵉ, ⵍⵍⵉ ⵉⴳⴰⵏ ⵢⴰⵜ ⵜⵏⵍⵎⴰⴷⵜ ⵜⴳ ⵜⵉⵍⵉ ⴰⵡⴷ ⴳ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵔ ⵏ ⵜⵄⵔⵔⵉⵎⵉⵏ ⵍⵍⵉ ⵢⵉⵡⵉⵏ ⴰⵔⵔⴰⵣ ⵏ ⵜⴼⵔⵉⵇⵜ.

ⵜⵙⴽⵔ ⴰⵡⴷ ⵜⵉⵡⵍⵍⴰⴼⵉⵏ ⴰⴽⴷ ⵉⵏⴰⵥⵓⵕⵏ ⴷ ⵉⵡⵔⵉⴽⵏ ⵍⵍⵉ ⵉⵍⵍⴰⵏ ⴳ ⵜⵎⴷⵉⵏⵜ ⵏ ⵕⵕⴱⴰⵟ, ⴰⵡⴷ ⴰⴽⴷ ⵉⴳⵎⴰⵎⵏ ⵏ ⵜⵙⵇⵇⵉⵍⵜ ⵜⴰⴱⵉⴷⴰⵖⵓⵊⵉⵢⵜ ⵏⵏⴰ ⵉⵙⵡⵓⵔⵉⵏ ⵅⴼ ⵓⴹⴼⵓⵔ ⵏ ⵉⵖⴰⵡⴰⵙⵏ ⵉⵙⴳⵎⴰⵏ ⵏ ⵜⵎⵔⵙⵍⵜ.

ⴹⴰⵕⵜ ⵏ ⵎⴰ ⴰⴷ ⵜⴷⴷⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⴰⵙⵏⴰ ⵙ ⵣⵣⵏⵇⵜ ⵏ ⵍⵇⴰⵏⴰⵚⵉⵍⴰ , ⵜⵣⵔⵉ ⵙ ⵣⵣⵏⵇⵜ ⵏ ⵍⵎⵕⵚⴰ , ⵜⴽⴷ ⴰⵙⵏⵙⵓ ⵏ ⴱⵏⵄⵉⵛⴰ ⴷ ⵣⵣⵏⵇⵔ ⵏ ⵍⵇⴰⵏⴰⵚⵉⵍⴰ.

ⵜⵣⵣⵓⵍ ⵍⵍⴰⵍ ⵏ ⵜⴰⵜⵜⵓⵢⵜ ⵉ ⵉⵙⵔⴷⴰⵙⵏ ⵍⵍⵉ ⴳ ⵏⵏ ⵜⵉⵡⴹ, ⵉⵣⵣⵓⵍ ⴰⵙ ⵓⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵙⴰⵡⴰⴹ, ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ ⴷ ⵍⵡⴰⵍⵉ ⵏ ⵜⵙⴳⴰ ⵏ ⵕⵕⴱⴰⵟ ⵍⵇⵏⵉⵟⵕⴰ ⵎⴰⵙⵙ ⵎⵓⵃⵎⵎⴰⴷ ⵍⵢⴰⵄⵇⵓⴱⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵙⴳⴰⵡⴰⵏ ⵎⴰⵙⵙ ⵔⴰⵛⵉⴷ ⵍⵄⴱⴷⵉ.

ⵎⵍⵍⵉ ⵜⵙⵍⵍⵎ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⴳⵔⴰⵡⵜ ⵏ ⵕⵕⴱⴰⵟ ⵎⴰⵙⵙⴰ ⴰⵙⵎⴰ ⴰⵖⵍⴰⵍⵓ ⴼ ⵍⴰⵍ ⵏ ⵜⴰⵜⵜⵓⵢⵜ ⴷ ⵓⵏⵙⵙⵉⵅⴼ ⵏ ⵜⵖⵉⵡⴰⵏⵜ ⵏ ⵕⵕⴱⴰⵟ ⵎⴰⵙⵙ ⵄⴱⴷⵍⵄⵣⵉⵣ ⴷⴷⵔⵉⵡⵛ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵖⵉⵡⴰⵏⵜ ⵏ ⵃⵙⵙⴰⵏ ⴷⴼⴼⵉⵔ ⵏ ⵓⵙⵏⵓⴱⴳ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵎⵔⵙⵍⵜ ⵏ ⵓⵃⵟⵟⵓ ⵏ ⵜⴰⵢⵙⵉ ⵏ ⵕⵕⴱⴰⵟ.