ⴰⵏⵎⵓⵇⵇⴰⵔ ⴳ ⵟⴰⵏⵊⴰ ⵏ ⵓⵙⴷⵓⵙ ⵏ ⵓⵎⵔⴰⵔⴰ ⵏ ⵜⵔⵓⴱⴱⴰ ⵏ ⵉⵄⵔⵔⵉⵎⵏ ⵊⴰⵔ ⵍⵎⵖⵔⵉⴱ ⴰⴽⴷ ⵜⵉⵎⵉⵣⴰⵔ ⵏ ⵍⵅⴰⵍⵉⵊ

الحسن باكريم مدير النشر5 January 2023 - 10:38

ⵜⵙⴱⵔⵔⴽ ⵜⵎⴷⵉⵏⵜ ⵏ ⵟⴰⵏⵊⴰ ⴳ ⵓⵙⵙⴰⵏ ⵏ 3 ⴰⵔ 6 ⵉⵏⵏⴰⵢⵔ ⵢⴰⵏ ⵓⵏⵍⵓⵇⵇⴰⵔ ⵏ ⵜⵡⵓⵔⵉ ⵊⴰⵔ ⵉⵎⴰⵙⴰⵢⵏ ⵏ ⵓⵎⵔⴰⵔⴰ ⵏ ⵉⵄⵔⵔⵉⵎⵏ ⴰⵄⵕⴰⴱⵏ ⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵢⵜ ⴷ ⵜⵎⵓⵣⴰⵔ ⵏ ⵓⵙⵇⵇⵉⵎ ⵏ ⵓⵎⵜⴰⵡⴰⵙ ⴰⵅⴰⵍⵉⵊⵉ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵍⵍⵓ ⵉⵏⵏⵓⵔⵣⵍⵏ ⴰⵙⵙ ⴰⴷ ⴰⴽⵕⴰⵙ ⵙ ⵜⴷⵔⴰⵡⵜ ⵏ ⵜⵔⵓⴱⴱⴰ ⵏⵏⴰ ⵉⴳⴰⵏ ⵜⴰⵖⵍⵉⴼⵜ ⵜⴰⵎⴰⵜⵓⵜ ⵏ ⵓⵙⵇⵇⵉⵎ ⵏ ⵓⵎⵢⴰⵡⴰⵙ ⵏ ⵜⵎⵉⵣⴰⵔ ⵏ ⵍⵅⴰⵍⵉⵊ ⴷ ⵍⵎⵖⵔⵉⴱ ⴷ ⵙⴰⵄⵓⴷⵉⵢⴰ ⴷ ⵍⵉⵎⴰⵕⴰⵜ ⴷ ⵇⴰⵟⴰⵕ ⴷ ⵙⴰⵍⵟⴰⵏⴰⵜ ⵄⴰⵎⵎⴰⵏ, ⵡⵉⵏ ⵜⴷⵔⴰⵡⵜ ⵏ ⵜⵉⵔⵎⵉⵜⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵜⵎⵓⵣⴰⵔ ⵏ ⵍⵅⴰⵍⵉⵊ ⴳ ⵢⵉⴼⵔ ⵏ ⵓⵎⵔⴰⵔⴰ ⵏ ⵜⴰⵏⵏⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵉⵎⴰⵙⴰⵢⵏ ⵏ ⵉⴳⵔⴰⵏ ⵏ ⵉⵄⵔⵔⵉⵎⵏ.

ⵉⵙⴷⴷⵉⴷ ⵓⵎⴰⵔⴰ ⴰⵎⴰⵜⵓ ⵏ ⵢⵉⴳⵔ ⵏ ⵉⵄⵔⵔⵉⵎⵏ ,ⵎⴰⵙⵙ ⵎⵓⵚⵟⴰⴼⴰ ⵎⵙⵄⵓⴷⵉ ⴷ ⵢⴰⵜ ⵜⴳⵓⵔⵉ ⴳ ⵜⵎⵍⴷⴰ ⴰⴷ ⵎⴰⵙ ⴷ ⴰⵙⵜⴰⵢ ⵏ ⵟⴰⵏⵊⴰ ⴰⴷ ⴷⵉⴳⵙ ⵢⵉⵍⵉ ⵓⵏⵎⵓⵇⵇⴰⵔ ⴰⴷ ⵍⵍⵉ ⴷⴷⴰⵔ ⵢⴰⵏ ⵓⵎⵏⴰⴷ ⴰⵄⵕⴰⴱ, ⵢⵓⵛⴽⴰⴷ ⵣⵖ ⵢⴰⵜ ⵜⵎⴰⵎⴽⵜ ⵜⴰⵎⴰⵢⵏⵓⵜ ⵏ ⵓⵙⴷⵓⵙ ⵏ ⵜⵎⵢⴰⴷⴰⵙⵜ ⵜⴰⵙⴳⴰⵡⴰⵏⵜ ⴳ ⵓⵙⵏⵎⴰⵍⴰ ⵏ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ, ⴰⵡⴷ ⴰⵏⵎⵓⵇⵇⴰⵔ ⴰⴷ ⵏ ⵓⵙⵍⵓⵜⵜⴳ ⵉⵍⵍⴰ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⴷⵉⴱⵍⵓⵎⴰⵙⵉⵢⵜ.

ⴰⵏⵎⵓⵇⵇⴰⵔ ⴰⴷ ⵔⴰⴷ ⵢⴰⵡⵙ ⴰⵡⴷ ⴳ ⵓⵙⴷⵓⵙ ⵏ ⵓⵎⵔⴰⵔⴰ ⵏ ⵜⵉⵔⵎⵓⵜⵉⵏ ⴳ ⵓⵎⵔⴰⵔⴰ ⵏ ⵜⵔⵓⴱⴱⴰ ⵏ ⵉⵄⵔⵔⵉⵎⵏ , ⵉⴳ ⴰⵡⴷ ⵢⴰⵜ ⵜⵉⵣⵉ ⵏ ⵜⵉⵍⵉⵜ ⵏ ⵜⵎⴰⵍⵍⴰⵢⵜ ⵜⴰⴷⵍⵙⴰⵏⵜ, ⴷ ⵎⴰⵎⵏⴽ ⴰⵙ ⵜⵙⵡⵓⵔⵉ ⴳ ⵓⵙⴱⵓⵖⵍⵓ ⵜⴳ ⵜⵉⵣⵉ ⵏ ⵓⵎⵢⴰⵙⵙⴰⵏ ⵏ ⵜⵖⵔⵎⴰ ⵜⴰⵎⵖⵔⵉⴱⵉⵢⵜ ⴳ ⴽⵔⴰ ⵉⴳⴰⵜⵜ ⵜⵉⵙⴳⴳⵡⵉⵏ ⵏⵏⵙ, ⵙ ⵜⵣⴷⴰⵢⵉⵏ ⵏ ⵜⴰⴳⵎⴰⵜ ⴷ ⵜⵉⴷⴷⵓⴽⴽⵍⴰ ⵏⵏⴰ ⵉⵙⵎⵓⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵉⵎⵓⵣⴰⵔ ⵏ ⵍⵅⴰⵍⵉⵊ.

ⴳ ⵜⵎⵍⴷⴰ ⴰⴷ, ⵣⵣⵔⵉⵏ ⵢⴰⵏ ⵓⴼⵉⴷⵢⵓ ⵏ ⵢⴰⵜ ⵜⵔⴰⵜⵙⴰ ⵏ ⵉⵖⴰⵡⴰⵙⵏ ⴷ ⵉⵚⵏⴼⴰⵔⵏ ⵏ ⵓⵎⵓⵙⵙⵓ ⴰⵏⴰⵎⵓⵏ ⴷ ⵓⴷⵍⵙⴰⵏ ⴰⵡⴷ ⵜⵓⵏⵏⵓⵜ ⵏⵏⴰ ⵉⵜⵜⴰⵡⵙⴽⴰⵔⵏ ⵉ ⵉⵄⵔⵔⵉⵎⵏ ⴷ ⵜⵡⵜⵎⵉⵏ ⴳ ⵜⵙⴳⴰ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ.

ⵉⵍⵍⴰ ⴳ ⵓⵖⴰⵡⴰⵙ ⵏ ⵓⵏⵎⵓⵇⵇⴰⵔ ⴰⴷ, ⴰⵙⵙⵏⴽⴷ ⵏ ⴽⵔⴰ ⵉⵙⴼⵙⴰⵔⵏ ⵅⴼ ⵜⵡⵓⵔⵉ ⵜⴰⴷⵉⴱⵍⵓⵎⴰⵙⵉⵢⵜ ⵏ ⵜⵔⵓⴱⴱⴰ ⵏ ⵉⵄⵔⵔⵉⵎⵏ, ⴷ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⵏ ⵍⵅⴰⵍⵉⵊ ⴷ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵎⵔⴰⵔⴰ ⵏ ⵜⵔⵓⴱⴱⴰ ⵏ ⵉⵄⵔⵔⵉⵎ, ⴰⵡⴷ ⵜⵉⵔⵣⵣⴰⴼ ⵏ ⵜⵓⴳⵜⵜ ⵏ ⵜⵙⴳⴳ‍ⵉⵏ ⵜⵉⵎⴰⵍⵍⴰⵢⵉⵏ ⴷ ⵜⵉⵏ ⵓⵎⵣⵔⵓⵢ ⴷ ⵜⴷⵍⵙⴰ ⵏ ⵜⵎⴷⵉⵏⵜ ⵏ ⵟⴰⵏⵊⴰ.

الحسن باكريم مدير النشر5 January 2023 - 10:38