المخزن والقبائل، الضغط الجبائي وتداعياته

ⵉⵎⵓⵔⵙ ⵓⵎⵔⵣⵓ ⵍⵍⵉⴳ ⵉⵙⵓⵙⵙⵏ ⵙ ⵓⵏⴳⵔⴰⵡ ⵏ ⵓⵔⴳⴰⵢ ⴰⵎⵖⵔⴰⴱⵉ, ⵉⵣⵔⵓ ⴰⵍⵍⴰⵍ ⵍⵍⵉ ⵜⵜ ⵉⵜⵜⴰⵡⵉⵏ ⴳ ⵓⵏⴳⵔⴰⵡ, ⵢⴰⵡⵉ ⴷ ⴰⵏⴰⵡⵏ ⵏⵏⵙ, ⵢⴰⵡⵉ ⴷ ⵎⴰⵕⵕⴰ ⵉⵏⵖⵎⵉⵙⵏ ⵅⴼ ⵜⵡⵓⵔⵉⵡⵉⵏ ⵍⵍⵉ ⵢⴰⴽⴽⴰ ⵍⵎⵅⵣⵏ ⵉ ⵜⵇⴱⵉⵍⵉⵏ ⴰⴷ ⵜⵏⵜ ⵙⴽⵔⵏ, ⵉⴼⴽ ⵉⵎⴷⵢⴰⵜⵏ ⵀⵉⵢⵢⴰⵏⵉⵏ ⵙⴳ ⴰⵟⵟⴰⵙ ⵏ ⵜⵎⵏⴰⴹⵉⵏ ⵏ ⵍⵎⵖⵔⵉⴱ, ⵙⵡⴰ ⴳ ⵓⵣⵎⵣ ⵏ ⵓⴳⵍⵍⵉⴷ ⵄⴱⴷⵍⵄⵣⵉⵣ ⵓⵍⴰ ⵡⵉⵏ ⵄⴱⴷⵍⵃⴰⴼⵉⴹ, ⵉⵙⵙⴽⵜⵉ ⴷ ⵜⵉⵙⴰⵖ ⵏ ⵓⵙⵎⵙⴰⵙⴰ ⵍⵍⵉ ⵓⵔ ⵉⵎⵓⵔⵙⵏ, ⵢⴰⵡⵉ ⴷ ⵉⵙⵔⴰⴳⵏ ⵎⴰⵢⴰⵏⵏ ⵉⴳⵔ ⵏⵏ ⴼⵍⵍⴰⵙⵏ ⴰⵟⵟⴰⵚ ⵏ ⵜⵉⴼⴰⵡⵉⵏ.

ⵉⴼⵔⵙ ⵓⵎⴰⵔⴰ ⴳ ⵓⵙⵙⴼⵙⵉ ⵏ ⵜⵏⴰⵟⵟⵓⴼⵉⵏ ⵍⵍⵉ ⴷ ⵜⴼⵍ ⵜⴰⵙⵙⴰⵙⵜ ⵏ ⵡⴰⵔⴳⴰⵢ ⴳ ⵓⴱⴰⵔⴰⵣ ⴰⵏⴰⵎⵓⵏ ⴷ ⵓⴱⴰⵔⴰⵣ ⴰⵙⵔⵜⴰⵏ. ⵉⵙⵙⵉⵙⴼⵉⵡ ⴱⴰⵀⵔⴰ ⴽⵔⴰ ⵏ ⵜⴰⵎⴰⵖⵉⵏ ⵏ ⵜⵇⴱⵉⵍⵉⵏ ⴷ ⴽⵔⴰ ⵉⴳⵔⵉⵡⵉⵍⵏ ⵍⵍⵉ ⵎⵓ ⵣⵡⴰⵔⵏ ⵢⴰⵏ ⵎⵏⵏⴰⵡ ⵉⵎⵇⵇⵔⴰⵏⵏ. ⵉⵙⵙⴰⴳⴳⵯ ⴷ ⴽⵔⴰ ⵓⴷⵎⴰⵡⵏ ⵏ ⵓⵔⴼⵓⴼⵏ ⴷ ⵜⴰⵖⴰⵔⵜ ⵍⵍⵉ ⵉⴷⴷⵔ ⵓⴼⴰⵔⴰ ⴰⵎⵖⵔⴰⴱⵉ ⵖ ⵓⵣⵎⵣ ⴰⵏⵏ. ⵢⵉⵡⵉ ⴷ, ⵙⴳ ⴰⵔⵔⴰⵜⵏ ⵉⵎⴰⴷⴷⵓⵜⵏ, ⴰⵟⵟⴰⵚ ⵏ ⵉⵏⵖⵎⵉⵙⵏ ⵙⵓⴳⵔⵏⵉⵏ ⵉⵡⵙⵏ ⴳ ⵓⵙⵙⵉⵙⴼⵉⵡ ⵏ ⵉⵙⵏⴼⴰⵍ ⵍⵍⵉ ⵉⵣⵔⵉⵏ ⵅⴼ ⵡⴰⵎⵓⵏ ⴰⵎⵖⵔⴰⴱⵉ, ⴷ ⵜⵉⵎⵙⴰⵔⵉⵏ ⵉⵣⵔⵉⵏ ⴳ ⵓⴳⵏⵙ ⵏⵏⵙ ⴳ ⵜⴳⵉⵔⴰ ⵏ ⵜⴰⵙⵓⵜ ⵜⵉⵙⵙ ⵜⵥⴰ ⴷ ⵎⵔⴰⵡⵜ ⴷ ⵓⵙⵙⵏⵜⵉ ⵏ ⵜⴰⵙⵓⵜ ⵜⵉⵙⵙ ⴰⴳⵏⴰⵔ.

ⵉⵏⵖⵎⵉⵙⵏ ⴰⵏⵏ ⴳⴰⵏ ⵡⵉⵏ ⵜⵉⴷⵜ ⴷⵓⵙⵏ ⵥⴹⴰⵕⵏ ⵉⵎⵔⵣⵓⵜⵏ ⵍⵍⵉ ⴹⴼⴰⵕⵏⵉⵏ ⵉⵙⵏⴼⴰⵍ ⵉⵏⴰⵎⵓⵏⵏ ⴳ ⵓⴳⵏⵙ ⵏ ⴽⵔⴰ ⵏ ⵡⴰⵎⵓⵏ ⴰⴷ ⴳⵉⵙⵏ ⵙⵙⵢⴰⴼⵓⵜⵏ. ⵓⴽⴰⵏ ⵉⵥⴹⴰⵕ ⵢⴰⵏ ⴰⴷ ⴳⵉⵙ ⵉⵣⵔⵓ ⴰⵢⵍⵍⵉ ⵜⵍⴽⵎ ⵜⵡⵏⴽⵜ ⵜⴰⵎⵖⵔⴰⴱⵉⵜ, ⵔⴰⴷ ⵉⵏⵉⵖ ⴰⵢⵢⵓⵣ ⵉ ⵜⵡⵓⵔⵉ ⴰⴷ ⴷ ⵜⵓⴳⴳⴰⵙ ⵍⵍⵉ ⵏⵏ ⵉⴳⴰ ⵓⵎⴰⵔⴰ ⵏⵏⵙ ⴷ ⵜⵢⴰⴼⵓⵜ ⵏⵏⵙ ⵉⵥⵉⵍⵏ.