ⴰⵍⵖⵓ ⵏ ⵓⵕⵥⵥⵓⵎ ⵏ ⵜⴳⴳⵓⵔⵜ ⵏ ⵓⵙⵜⴰⵢ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ (ⵙ ⵡⴰⵔⵔⴰ ⵏ 2025) ⴰⵏⴰⵡ ⵏ ⵓⵙⴰⵔⵓ ⴰⵎⴰⵣⵉⵖ

ⵙ ⵓⵙⴼⵓⴳⵍⵓ ⵏ ⵏ ⵓⴽⵯⵜⵜⴰⵢ ⴰⵙⴳⵯⵙⴰⵏ ⴰⵏⵎⵣⵔⵓⵢ ⵢⴰⵜⵜⵓⵢⵏ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵙⵙⵏⵔⵓ ⵕⴱⴱⵉ, ⴳ ⴰⵊⴷⵉⵔ (17 ⴽⵟⵓⴱⵕ), ⵍⵍⵉ ⵉⵙⴽⴰⵏ ⵉ ⵜⵎⵢⴰⴷⴰⵙⵜ ⵜⴰⵏⴰⵎⵓⵔⵜ ⵏ ⵓⵙⴱⵓⵖⵍⵓ ⵏ ⵜⵎⴰⵣⵉⵖⵜ ⵜⵉⵣⵉ ⵍⵍⵉ ⵜⴳⴰ ⴰⴼⵔⴷⵉⵙ ⴰⴷⵙⵍⴰⵏ ⴳ ⵜⵎⴰⴳⵉⵜ ⵜⴰⵎⵖⵔⵉⴱⵉⵢⵜ, ⴷ ⵙ ⵓⵙⵉⴳⴳⵣ ⵏ ⵡⴰⵙⵙⴰⵔ ⴰⵙⵜⵔⴰⵜⵉⵊⵉ ⵉⵍⵍⴰⵏ ⴳⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⵙⵎⵓⵏⵜⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ
ⴰⵔ ⵜⵙⵙⵍⵖⵓ ⵜⵎⵙⵎⵓⵏⵜⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ ⵎⴰⵙ ⵜⵕⵥⵎ ⵜⴳⴳⵓⵔⵜ ⵏ ⵓⵙⵜⴰⵢ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵡⴰⵔⵔⴰ ⵏ 2025, ⵉⵜⵜⵓⵥⵍⴰⵢⵏ ⵉ ⵓⵙⵏⴼⵍⵓⵍ ⵏ ⵙⵙⵉⵏⵉⵎⴰ ⴳ ⵙⵉⵏ ⵡⴰⵏⴰⵡⵏ:
– ⵉⵙⵓⵔⴰ ⵉⵎⴰⵍⵍⴰⵙⵏ ( ⵉⵖⵣⵣⴰⴼⵏ ⴷ ⵉⴳⵯⵣⵍⴰⵍⵏ)
– ⵉⵙⵓⵔⴰ ⵓⵏⵜⵉⵎⵏ ( ⵉⵖⵣⵣⴰⴼⵏ ⴷ ⵉⴳⵯⵣⵍⴰⵍⵏ)
ⵜⵉⴼⴰⴷⵡⵉⵏ ⵏ ⵓⵙⵜⴰⵢ:

– ⵉⵙⵓⵔⴰ ⵏⵏⴰ ⵉⵜⵜⵓⵙⵜⴰⵢⵏ ⵉ ⵜⵙⵎⵖⵓⵔⵜ, ⵉⵇⵇⴰⵏ ⴷ ⴰⴷ ⵜⵜⵓⵙⴽⴰⵔⵏ ⴳ ⵓⵙⴳⴳⵯⴰⵙ ⵏ 2025, ⴷ ⵓⵙⵙⴽⵏ ⵉ ⵓⵙⴳⴳⵯⴰⵙ ⵏ ⵓⴼⴰⵔⵙ ⴳ ⵊⵉⵏⵉⵔⵉⴽ ⵏ ⵓⵙⴰⵔⵓ.
– ⴰⴷ ⵓⵔ ⵢⴰⵡⵉ ⵓⵙⴰⵔⵓ ⴰⵔⵔⴰⵣ ⴳ ⵙⵎⵎⵓⵙ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ, ⴷ ⵉⴳⴰ ⵜⴰⴼⴰⴷⴰ ⴰⴷ ⵓⵔ ⵢⴰⵡⵉ ⵓⵎⵙⵙⵓⴼⴼⵖ ⵏ ⵓⵙⴰⵔⵓ ⵜⴰⵙⵎⵖⵓⵔⵜ ⴳ ⵙⵎⵎⵓⵙ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ
ⵉⴼⵔⴷⵉⵙⵏ ⵏ ⵓⵙⴷⴰⵡ ⵏ ⵓⵙⵜⴰⵢ:
ⵉⵍⵍⴰ ⵅⴼ ⵉⴷ ⴱⵓ ⵙⵙⵉⵏⵉⴰ ⵍⵍⵉ ⵔⴰⵏⵉⵏ ⴰⴷ ⴷⵔⵓⵏ ⴳ ⵜⵙⵎⵖⵓⵔⵜ ⴰⴷ, ⴰⴷ ⵃⵢⵢⵍⵏ ⴰⵙⴷⴰⵡ ⵉⵙⵎⴷⵏ ⵏⵏⴰ ⴳ ⵍⵍⴰⵏⵜ ⵜⵏⵜⵜⴰⵎⵉⵏ ⴰⴷ ⴷ ⵜⴰⵏⴳⵉⵡⵉⵏ ⴷ ⵉⴷⴷⴰⵏ:

1- ⵜⵉⵏⵜⵜⴰⵎⵉⵏ ⵜⵉⵎⵏⵀⴰⵍⵉⵏ ⴷ ⵜⵓⴷⵎⴰⵡⴰⵏⵉⵏ:
– ⵜⵓⵜⵔⴰ ⵜⴰⵎⵉⵔⴰⵢⵜ ⵉⵜⵜⵓⵙⴳⵎⴰⴹⵏ ⵉⵜⵜⵢⴰⵣⴰⵏⵏ ⵉ ⵎⴰⵙⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ
– ⴰⵍⵖⵓ ⴰⵏⴰⴷⴷⵓⵔ ⵉⵙⵙⴳⵎⴹ ⵓⵎⵙⵙⵓⴼⴼⵖ ⴰⵔ ⴳⵉⵙ ⵉⵙⵙⵏⵥⴰⵢ ⵎⴰⵙ ⵓⵔ ⵢⵉⵡⵉ ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ (ⴰⵏⴰⵡ ⵏ ⵓⵙⴰⵔⵓ) ⴳ ⵙⵎⵎⵓⵙ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ.
– ⵜⵓⵏⵖⴰⵍⵜ ⵏ ⵜⴽⵕⴹⴰ ⵜⴰⵏⴰⵎⵓⵔⵜ ⵏ ⵓⵎⵙⵙⵓⴼⴼⵖ ⵉⵜⵜⵓⵙⴳⵎⴰⴹⵏ.
– ⵜⴰⵎⴷⴷⵓⵔⵜ ⵉⵙⵎⴷⵏ ⵏ ⵓⵎⵙⵙⵓⴼⴼⵖ, ⵉⵎⵓⵏⵏ ⴷ ⴷ ⵜⵓⵏⵖⴰⵍⵜ ⵉⵜⵜⵓⴳⵣⴰⵍⵏ ⵉⵥⵍⵉⵏ ⵙ ⵓⴽⴰⵜⴰⵍⵓⴳ, ⴰⴷ ⵓⵔ ⵉⵣⵔⵉ 70 ⵏ ⵜⴳⵓⵔⵉ.
– ⵜⴰⵡⵍⴰⴼⵜ ⵜⵓⴷⵎⴰⵡⴰⵏⵜ ⵏ ⵓⵎⵙⵙⵓⴼⴼⵖ ⵜⴰⵎⴰⵢⵏⵓⵜ.

2- ⵜⴰⵏⴳⵉⵡⵉⵏ ⵜⵉⵏⴰⵥⵓⵕⵉⵏ ⴷ ⵜⵉⵜⵉⴽⵏⵉⴽⵉⵏ ⵏ ⵓⵙⴰⵔⵓ:
– ⴰⵙⴳⵣⵍ ⵉⴷⵔⵓⵙⵏ ⵏ ⵓⵙⴰⵔⵓ
– ⴰⵙⵎⴰⵍ ⵓⵏⵚⵉⴱ ⵏ ⵓⵙⴰⵔⵓ ⵙ ⵜⵉⵥⵉⵍⵜ ⵢⴰⵜⵜⵓⵢⵏ, ⴷ ⵎⵏⵏⴰⵡⵜ ⵜⵡⵍⴰⴼⵉⵏ ⴷ ⵉⵜⵜⵢⴰⵙⴰⵢⵏ ⵙⴳ ⵓⵙⴰⵔⵓ
– ⵜⴰⵏⴳⴰ ⵜⴰⴼⵉⵍⵎⵜ: ⵙⵎⵎⵓⵙⵜ ⵜⵓⵏⵖⴰⵍⵉⵏ ⵏ ⵓⵙⴰⵔⵓ ⴳ ⵜⵇⵇⴰⵕⴹⵉⵏ ⵏ DVD ⵏⵖ ⴷ Blu-ray ⵉⵜⵜⵓⵙⵎⴰⴷ ⴰⵙ ⵓⴽⴰⵔⵉⴼ ⴰⵍⵉⴽⵜⵔⵓⵏ ⵙ ⵜⵉⵥⵉⵍⵜ ⵢⴰⵜⵜⵓⵢⵏ ⵍⵍⵉ ⴳ ⵔⴰⴷ ⴷ ⵉⵜⵜⵢⴰⴳⴰⵎ ⵓⵙⴰⵔⵓ ( ⵉⵕⵥⵎ ⴷ ⴰⵔ ⵉⵜⵜⵙⵓⵔⵓⴼ ⵙ ⵡⴰⴷⴰⴼ ⴷ ⵡⴰⴳⴳⴰⵎ ⵡⴰⵔ ⵜⵉⴼⴰⴷⵡⵉⵏ, ⵉⵜⵜⵢⴰⵣⴰⵏ ⵉⵜ ⴷ ⴳ ⵡⵓⵣⵓⵏ ⴰⵍⵉⴽⵜⵔⵓⵏ ⵏⵖ ⴷ Google Drive).

3- ⵜⵉⵖⴰⵔⴰⵙⵉⵏ ⴷ ⵓⵙⴰⴽⵓⴷ ⵏ ⵡⵓⵣⵓⵏ ⵏ ⵉⵙⵜⴰⵢⵏ :
ⵉⵇⵇⴰⵏ ⴷ ⴰⴷ ⵜⵜⵢⴰⵣⴰⵏⵜ ⵜⵙⵜⴰⵢⵉⵏ ⴳ ⵙⵏⴰⵜ ⵜⵓⵏⵖⴰⵍⵉⵏ (ⵜⴰⵏⴼⵓⵍⴰⵏⵜ ⴷ ⵜⴰⵍⵉⴽⵜⵔⵓⵏⵜ) ⵙ ⴰⵢⵍⵍⵉ ⵉⵎⵙⴰⵙⴰⵏ ⴷ ⵜⴱⴰⴷⵓⵜⵉⵏ ⴷ ⵉⵏⵙⴰⵜⵏ ⴷ ⵉⴷⴷⴰⵏ:
– ⴷⴰ ⵜⵜⵢⴰⵣⴰⵏⵏ ⵉⵙⴷⴰⵡⵏ ⵏ ⵓⵙⵜⴰⵢ ⴳ ⵜⵓⵏⵖⴰⵍⵜ ⵜⴰⵏⴼⵓⵍⴰⵏⵜ ⴷ ⴳ ⵜⵇⵇⴰⵕⵉⴹⵜ DVD ⵙ ⵡⵓⵣⵓⵏ :
ⵜⵎⵙⵎⵓⵏⵜⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ, ⴰⴼⵏⵉⵇ ⵏ ⵡⵓⵣⵓⵏ 20724, ⴰⵙⵓⴽ ⵏ ⵎⵓⵍⴰⵢ ⵄⴱⴷⵍⵍⴰⵀ, ⵜⵉⵖⵔⵎⵜ ⵜⴰⵎⴰⵢⵏⵓⵜⵏ ⴰⴳⴰⴷⵉⵔ, 80000
ⵓⵣⵓⵏ ⴰⵍⵉⴽⵜⵔⵓⵏ: (ⵜⵉⵏⵜⵜⴰⵎⵉⵏ ⴷ ⵉⴽⴰⵔⵉⴼⵏ):
festivalissninourgh@gmail.com
ⵜⴰⵏⵏⴰⵢⵜ ⵜⴰⴽⵙⵡⴰⵜ :

ⵉⵜⵜⵓⵙⵔⴰⵙ ⵡⴰⵙⵙ ⵏ 05 ⵖⵓⵛⵜ 2026, ⴷ ⴰⵙⵙ ⴰⵎⴳⴳⴰⵔⵓ ⵏ ⵓⵙⵏⵓⴱⴱⴳ ⵏ ⵉⵙⴷⴰⵡⵏ ⵏ ⵉⵙⵜⴰⵢⵏ, ⴷ ⴽⵓ ⴰⵙⴷⴰⵡ ⵏⵏⴰ ⵓⵔ ⵉⵙⵎⴷⵏ, ⵏⵖ ⴷ ⵉⵜⵜⵢⴰⵣⴰⵏ ⴹⴰⵕⴰⵜ ⴰⵙⴰⴽⵓⴷ ⴰⴷ ; ⵓⵔ ⴰⴷ ⵉⵜⵜⵢⴰⵙⴰⵢ.
“ⵉⵙⵏⵉ ⵏ ⵡⵓⵔⵖ” ⵙⵙⵉⵏⵉⵎⴰ ⵜⴳⴰ ⵜⵉⵍⴳⴳⵯⵉⵜ ⵜⴰⴷⵍⵙⴰⵏⵜ

ⴰⵔ ⵉⵙⴼⵓⴳⵍⵓ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵉ ⵓⵙⴰⵔⵓ ⴰⵎⴰⵣⵉⵖ (FINIFA) ⵙ ⵜⵙⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵓⵍⵎⵓⴳⴳⴰⵔ, ⵜⵉⵣⵉ ⵍⵍⵉ ⵔⴰⴷ ⵙⵙⵏⵜⵉⵏⵜ ⵜⵉⵍⴰⵍ ⵏⵏⵙ ⵙ ⵜⵙⵙⵓⵜⵍⵜ ⵜⵉⵙⵙ 17 ⴳ ⵓⵙⴰⴽⵓⴷ ⴳⵔ 1 ⴰⵔ 5 ⴽⵟⵓⴱⵔ 2026 ⴳ ⵙⵙⵉⵏⵉⵎⴰ ⵚⴰⵃⴰⵕⴰ ( ⵜⵓⴷⴷⵓⵔⵜ ⵏ ⵜⴰⵍⴱⵔⵊⵜ- ⴰⴳⴰⴷⵉⵔ).
ⴰⵙⵏⵎⴰⵍⴰ ⵏ ⵜⴷⵢⴰⵏⵜ ⴰⴷ, ⵉⴷⴷⴰ ⴷ ⵙ ⵜⴷⵔⴰⵡⵜ ⵓⵙⵇⵇⵉⵎ ⵏ ⵜⵎⵏⴰⴹⵜ ⵙⵓⵙ ⵎⴰⵙⵙⴰ ⴷ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴷ ⵓⵙⵏⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ (IRCAM) ⴷ ⵡⴰⵎⵎⴰⵙ ⵏ ⵙⵙⵉⵏⵉⵎⴰ ⴰⵎⵖⵔⵉⴱⵉ (CCM), ⴷⴷⴰⵡ ⵜⵎⴰⵜⴰⵔⵜ ⵜⴰⵙⵓⵍⴰⵏⵜ:
” ⴰⴳⴰⴷⵉⵔ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⴰⵎⴰⵣⵉⵖⵜ”
ⵙ ⵜⵏⵢⴰⴼⵜ ⵏ 19 ⵏ ⵓⵙⴳⴳⵯⴰⵙ ⵏ ⵜⴷⵔⴰⵡⵜ ⵉⴷⵓⵙⵏ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷⴰ ⵏⵏ ⵉⵜⵜⵏⵓⵕⵥⵓⵎ “ⵉⵙⵏⵉ ⵏ ⵡⵓⵔⵖ” ⵅⴼ ⵙⵙⵉⵏⵉⵎⴰ ⵜⴰⵎⴰⴹⵍⴰⵏⵜ, ⵜⵉⵣⵉ ⵍⵍⵉ ⵉⵙⴽⵔ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵢⴰⵏ ⵓⵏⵎⵓⵇⵇⴰⵔ ⴰⵏⵎⵖⵔⴰⴷ ⵏ ⵓⵙⵏⴼⵍ ⴷ ⵓⵎⵙⴰⵡⴰⵍ ⴷ ⵓⵙⴰⵔⵓⴼ ⴳⵔ ⵉⵎⴰⴷⴰⵏⵏ.

ⵕⴰⵛⵉⴷ ⵎⵓⵜⵛⵓ
ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⴰⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ