ⴳ ⵜⴰⴳⵔⴰⵡⵜ ⵏ ⵡⵉⵔⴳⴰⵏ ⵍⵍⵉ ⵉⵍⵍⴰⵏ ⴳ ⵉⴷⵔⴰⵔⵏ ⵍⴰⵟⵍⴰⵙ ⴰⵎⵇⵔⴰⵏ /62 ⵙⴳ ⵎⵕⵕⴰⴽⵛ/ ⵜⵓⴹⴰⴷ ⵜⵓⴷⵔⵜ ⵙ ⵖⵎⴽⵍⵍⵉ ⵜⵏ ⵜⴽⴽⴰ ⵜⴳⴰⵜ ⵉⴼⴳⴰⵏ ⴳⵓⵜⵏ ⵉⵎⵓⵙⵙⵓⵜⵏ ⴳ ⵉⴳⴰⴷⴰⵣⵏ ⵄⵎⵎⵔⵏ ⵉⵙⵡⴰⴽ ⵙ ⵎⵉⴷⵏ ⵎⵓⵏ ⴷ ⵜⴰⴹⵚⵉⵡⵉⵏ ⵏ ⵉⵔⴱⴰⵜⵏ ⵉⴼⵔⵃⵏ.
ⴷⴷⵓ ⵍⵊⵓⵡⴰⴷⵉⵖⵓⴷⴰⵏ ⴽⵎⵍⵏⵜ ⵜⵓⴳⵜ ⵏ ⵜⴰⵡⵊⵉⵡⵉⵏ ⵜⵉⵡⵓⵔⵉⵡⵉⵏ ⵏ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⵏ ⵜⵉⴳⵎⵎⴰ ⵏⵏⵙⵏⵜ ⵍⵍⵉ ⵢⵓⵜ ⵓⵏⴷⵓⴷⵉ ⵢⴰⴷ ⵉⵖⵛⵏ.
ⴳ ⵢⴰⵜ ⵜⵙⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ,ⵏⵉⵏⵏⴰ ⵄⵓⵎⴰⵕ ⵍⵍⵉ ⴷⴰⵔ ⵄⵍⴰⵢⵏ 60 ⵏ ⵓⵙⴳⴳⵯⴰⵙ ⵍⵍⵉⴷ ⵉⵜⵜⵊⴱⴷⵏ ⵏⵏⵜⵜⴰ ⴷ ⵜⴰⵎⵖⴰⵔⵜ ⵏⵏⵙ ⴷⴷⵓ ⵍⴱⵏⵉ ⵉⴹⵕⵏ ⴳ ⵢⵉⴹ ⵍⵍⵉ ⵓⵔ ⴰⵜ ⵉⵜⵜⵓ “ ⴽⴽⵉⵖⵜⵏ ⴷⴷⵓ ⵉⵙⵉⵍⵉⵜⵏ ⵍⵍⵉ ⴷ ⵉⴹⵔⵏ ⵎⵏⵏⴰⵡⵜ ⵏ ⵜⴰⵙⵔⴰⴳⵉⵏ ⴽⵖⵜⵏ ⵥⵓⵥⴹⵖ ⴰⴷ ⵢⴰⵛⴽ ⴽⵔⴰ ⵏ ⵓⴼⴳⴰⵏ ⴰⴼⴰⴷ ⴰⴷⵉ ⵢⴰⵡⵙ .
ⴷⴼⴼⵉⵔ ⵏ ⵍⵍⵉⵖ ⵉⵣⵔⵉ ⵢⴰⵏ ⵓⵙⴳⴳⵯⴰⵙ , ⵉⵙⵏⵉⵎⵎⵔ ⴱⴰⵀⵔⴰ ⵄⵓⵎⴰⵕ ⵜⵉⵡⵓⵔⵉⵡⵉⵏ ⵍⵍⵉ ⵉⵜⵜⵓⵙⴽⴰⵔⵏ ⴷ ⵜⵉⴱⴰⴹⵉⵏ ⵏ ⵜⵙⴳⴰ ⴷ ⵜⵉⵎⵙⵙⵓⴳⵓⵔⵉⵏ ⵉⵥⵍⵉⵏ ⵍⵍⵉ ⵉⵎⴰⵍⴰⵏ ⴰⵎⵢⴰⵡⴰⵙ ⵉⵖⵓⴷⴰⵏ ⴷ ⵡⴰⵏⵏⴰⵍ ⵍⵍⵉ ⴷⴰⵔ ⵉⵍⵍⴰ ⵡⴰⵜⵉⴳ ⵉ ⵉⵎⵣⴷⴰⵖⵏ .
ⵙ ⵜⵓⴳⴳⴰⵙ ⵏ ⵓⵎⵢⴰⵡⴰⵙ ⴰⵥⵕⴼⴰⵏ ⴷ ⵡⴰⵏⵏⴰⵍ ⵉⵜⵜⵓⵙⴽⴰⵔⵏ ⵄⵍⴰⵢⵏ ⴰⴷ ⵜⴽⵎⵍ ⵜⵉⴳⵎⵎⵉ ⵏⵓ ⵜⴰⵎⴰⵢⵏⵓⵜ ⵍⵍⵉ ⵉⵎⵙⴰⵙⴰⵏ ⴷ ⵜⵓⵙⴽⴰ ⵎⵏⵉⴷ ⵏ ⵉⵏⴷⵓⴷⵓⵢⵏ.
ⴳ ⵜⴰⵙⴳⴰ ⵏⵏⵙ ⵉⵏⵏⴰ ⴰⵎⵉⵏ ⵉⴷⵔⵉⵙⵉ ⴱⵍⵇⴰⵙⵎⵉ ⴰⵏⵎⵀⴰⵍ ⵏ ⵜⴰⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵎⵕⵕⴰⴽⵛ ⵎⴰⵙ ⵍⴽⵎⵏⵜ ⵜⵉⵡⵓⵔⵉⵡⵉⵏ ⵏ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⵍⵍⵉ ⵢⵓⵜ ⵓⵏⴷⵓⴷⵉ ⵢⴰⵏ ⵓⴷⵖⴰⵔ ⵉⵖⵓⴷⴰⵏ.
ⴷⴼⴼⵉⵔ ⵏ ⵓⵙⴳⴳⴰⵙ ⵅⴼ ⴰⵏⴷⵓⴷⵉ ⵙ ⵜⵓⴳⴳⴰⵙ ⵏ ⵜⵉⵏⴱⴹⵉⵏ ⵉⵥⵍⵉⵏ ⴷ ⵉⵏⴰⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⵍⵍⴰⵏⵜ ⴷⴰⵔ ⵜⵉⴳⵎⵎⴰ ⵜⵉⵎⴰⵢⵏⵓⵜⵉⵏ ⵜⵉⵖⴰⵡⵙⵉⵡⵉⵏ ⵏ ⵙⵙⵍⴰⵎⵜ ⴷ ⵔⴰⵃⴰ .
