ⴰⵢⵜ ⵎⵍⵍⵓⵍ: ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵍⵎⵓⵇⵇⴰⵔ ⵏ ⵜⵥⵓⵕⵉⵡⵉⵏ ⴷ ⵜⵎⴽⵯⵜⵉⵜ ⵅⴼ ⵓⵙⵏⵜⵍ ⵏ : “ⵉⴹ ⵏ ⵢⵉⵏⵏⴰⵢⵔ ⵜⵉⵎⴰⵜⴰⵔⵉⵏ ⴷ ⵉⵥⵓⵕⴰⵏ”..

ⴰⵔ ⵜⵙⴼⵓⴳⵍⵓ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵓⵎⵙⴰⵡⴰⴹ ⴷ ⵜⴷⵍⵙⴰ – ⵉⴳⵔ ⵏ ⵜⴷⵍⵙⴰ ⴳ ⵙⵓⵙ ⵎⴰⵙⵜ ⴷ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⴰⵢⵜ ⵎⵍⵍⵓⵍ ⵙ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2974, ⵙ ⵓⵙⵏⵎⵉⵍⵉ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵍⵎⵓⵇⵇⴰⵔ ⵏ ⵜⵥⵓⵕⵉⵡⵉⵏ ⴷ ⵜⵎⴽⵯⵜⵉⵜ ⵅⴼ ⵓⵙⵏⵜⵍ ⵏ : « ⵉⴹ ⵏ ⵢⵉⵏⵏⴰⵢⵔ :ⵜⵉⵎⴰⵜⴰⵔⵉⵏ ⴷ ⵉⵥⵓⵕⴰⵏ »,

ⵔⴰⴷ ⵢⴰⵎⵓ ⵡⴰⵀⵉⵍ ⵏ ⵓⵍⵎⵓⵇⵇⴰⵔ ⴰⴷ ⵜⵓⴳⵜⵜ ⵏ ⵜⵉⵍⴰⵍ ⵜⵉⴷⵍⵙⴰⵏⵉⵏ ⵖ ⵜⴳⴰ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⴰⵏⴰⵎⵓⵔⵜ « ⵉⴹ ⵏ ⵢⵉⵏⵏⴰⵢⵔ ⴳ ⵜⵉⵙⵉⵜⵉⵏ ⵏ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵏⵉⵏ : ⵉⵎⵏⵏⵣⵉⵜⵏ ⵉⵎⴰⵙⵙⴰⵏⵏ » ⵙ ⵜⴷⵔⴰⵡⵜ ⵏ ⵉⵎⵔⵣⵓⵜⵏ ⵙⴳ ⵜⵓⴳⵜⵜ ⵏ ⵜⵥⵍⴰⵢⵉⵏ, ⵎⴽⵍⵍⵉ ⴳⵉⵙ ⴰⵡⴷ ⵉⵍⵎⵓⵇⵇⴰⵔⵏ ⴷ ⵉⵎⴰⵔⴰⵜⵏ ⴷ ⵜⵉⴽⴽⵉ ⵏ ⵜⵙⵎⵖⵓⵔⵉⵏ ⵅⴼ ⵜⴷⵍⵙⴰ ⵜⴰⵎⴰⵣⵉⵖⵜ ⵣⵓⵏⴷ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⴱⵣⵉⴽⴽⴰ ⵉ ⵓⵔⵣⵣⵓ ⴷ ⵓⵙⵏⴼⵍⵓⵍ ⴰⵙⴽⵍⴰⵏ ⴰⵎⴰⵣⵉⵖ,

ⴷ ⵜⵙⵎⵖⵓⵔⵜ ⵏ ⵙⴰⵄⵉⴷ ⴰⵛⵜⵓⴽ ⵉ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴰⴷ ⵅⴰⵢⵔ ⴷⴷⵉⵏ ⵉ ⵡⴰⵍⵍⴰⵙ ⴰⵎⴰⵣⵉⵖ, ⵜⴰⵙⵎⵖⵓⵔⵜ ⵏ ⵄⴰⵍⵉ ⵢⵉⴽⴽⵏ ⵉ ⵓⵏⴳⴰⵍ ⴰⵎⴰⵣⵉⵖ, ⵜⵉⵙⵎⵖⵓⵔⵉⵏ ⴰⴷ ⴳⴰⵏⵜ ⵢⴰⵜ ⵜⴷⵓⴳⴰⵎⵜ ⵏ ⵓⵙⵙⵉⵎⵖⵔ ⵉ ⵡⵉⴷ ⵉⴼⴽⴰⵏ ⴽⵉⴳⴰⵏ ⴳ ⵜⵓⴷⵔⵜ ⵏⵏⵙ ⴼⴰⴷ ⴰⴷ ⴷⴷⵔⵏⵜ ⵜⵎⴰⵜⴰⵔⵉⵏ ⴷ ⵉⵥⵓⵕⴰⵏ ⵏ ⵜⵎⴰⵣⵉⵖⵜ, ⵎⴽⵍⵍⵉ ⵢⵓⵎⴰ ⵡⴰⵀⵉⵍ ⴰⴷ ⵜⵓⴳⵜⵜ ⵏ ⵜⵉⵍⴰⵍ ⵜⵉⴷⵍⵙⴰⵏⵉⵏ ⵉⵙⵓⵔⵏ ⵅⴼ ⵜⴰⵢⵔⵉ ⵏ ⴰⴷ ⵜⴰⵡⴹ ⵜⴷⵍⵙⴰ ⵜⴰⵎⴰⵣⵉⵖⵜ ⴰⴼⵍⵍⴰ, ⴷ ⴰⴷ ⵜⴰⵡⵙ ⴳ ⵜⴷⵉⵏⴰⵎⵉⵜⵉⵏ ⵜⵉⵎⴰⵣⵉⵖⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵉⵙⵏⵉⵍⵙⵏ ⴷ ⵉⴷⵍⵙⴰⵏⵏ, ⵔⴰⴷ ⵜⴻⵜⵜⵡⴰⵢⵙⴽⴰⵔ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵍⵎⵓⵇⵇⴰⵔ ⴰⴷ ⴳ ⵜⵖⵔⵎⵜ ⵓⴳⴰⴷⵉⵔ ⴷ ⵜⵖⵔⵎⵜ ⵏ ⴰⵢⵜ ⵎⵍⵍⵓⵍ ⵙⴳ 06 ⴰⵔ 14 ⵢⵉⵏⵏⴰⵢⵔ 2024.