ⵜⴻⵜⵜⵓⵙⴽⴰⵔ ⴳ ⵓⵙⵙⴰⵏ ⵣⵔⵉⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵢⴰⵜ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵉⵡⵉⵙⴰⵎⵏ ⵉⴳⵍⴷⴰⵏⵏ ⵏⵏⴰ ⴷ ⵉⴽⴽⴰⵏ ⵙⴳ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉ ⴽⵕⴰⴹ ⵉⴳⵎⴰⵎⵏ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ .
ⴰⵙⵉⵏⴰⴳ
ⵜⴰⵙⵏⵜⴰⵢⵜ ⴰⴷ ⵜⴰⴳⵍⴷⴰⵏ ⵜⵓⵎⴰ,ⴰⵏⵙⵙⵉⵅⴼ ⵏ ⵓⵙⵉⵏⴰⴳ ⵎⴰⵙⵙ ⵃⵎⴰⴷ ⴱⵓⴽⵓⵙ, ⴷ ⵙⵉⵏ ⵉⴳⵎⴰⵎⵏ ⵢⴰⴹⵏ, ⵎⴰⵙⵙ ⵎⵓⵃⴰⵎⵓⵅⵍⵉⵚ ⴷ ⵃⵎⵎⵓ ⴰⵃⵉⵣⵓⵏ .
ⵉⵏⵏⴰ ⵎⴰⵙⵙ ⵃⵎⴰⴷ ⴱⵓⴽⵓⵙ ⴳ ⵢⴰⵏ ⵓⵅⴼⴰⵡⴰⵍ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵜⴰⴳⵍⴷⴰⵏⵜ ⴰⵔ ⵜⴰⴽⴽⴰ ⴰⴷⴷⵓⵔ ⵉ ⵜⵡⵓⵔⵉ ⵜⴰⵎⴰⵣⴷⴰⴳⵜ ⵏⵏⴰ ⴰⴽⴽⴰⵏ ⵉⴳⵎⴰⵎⵏ ⴰⴷ ⵉ ⵜⵓⵙⵙⵏⴰ ⵜⴰⵎⵖⵔⵉⴱⵉⵜ ⵙ ⵓⵎⴰⵜⴰ, ⴷ ⵜⵎⴰⵣⵉⵖⵜ ⵙ ⵜⵓⵥⵍⴰⵢⵜ ;
ⵉⵣⴰⵢⴷ ⵎⴰⵙⵙ ⴱⵓⴽⵓⵙ ⵉⵏⵏⴰ, ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵜⴳⴰ ⴰⴷⴷⵓⵔ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜⴷ ⵉⴳⵎⴰⵎⵏ ⵏⵏⵙ ⵏⵏⴰ ⵉⴳⴰⵏ ⵉⵎⵍⵜⴰⵖⵏ ⴳ ⵓⵙⵏⴼⴰⵕ ⴰⴳⵍⴷⴰⵏ ⴷ ⵓⵏⴰⵎⵓⵏ ⵓⵍⴰ ⴰⵏⴰⵎⵓⵔ ⴰⴼⴰⴷ ⴰⴷ ⵢⴰⵜⵜⵓⵢ ⵓⵙⵡⵉⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⵎⴽⵍⵍⵉ ⴷ ⵉⴷⴷⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏⵏⵖ .
ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⴰⵙⵙ ⵎⵓⵅⵍⵉⵚ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵜⴳⴰ ⴰⴷⴷⵓⵔ ⵉ ⵜⵡⵡⵓⵔⵉ ⵏⵏⴰ ⴰⴽⴽⵯ ⵢⴰⴽⴽⴰ ⵉ ⵜⴷⵍⵙⴰ ⵜⴰⵎⴰⵣⵉⵖⵜ ⴳ ⵓⴳⵏⵙ ⵏ ⵓⵙⵉⵏⴰⴳ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵙⵙⴽⵯⵜⵉ ⵙ ⵓⵙⴽⴽⵉⵔ ⵏ ⵓⵙⵉⵏⴰⴳ ⵙⴳ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵙ ⴷ ⵓⵙⵙⵉⴷⴼ ⵏ ⵜⵎⴰⵣⵉⵖⵜ ⴳ ⵓⵙⵙⵍⵎⴷ ⴷ ⵜⵎⵙⵙⵓⴳⵓⵔⵉⵏ ⴷ ⵓⵙⵏⵚⴱ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵎⴰⵙ ⵉⴳⴰ ⵢⴰⵏ ⵓⵙⵓⵏⴼⵓ ⴰⵎⴰⴷⴷⵓⴷ .
ⵉⵣⴰⵢⴷ ⵎⴰⵙⵙ ⵎⵓⵅⵍⵉⵚ ⵉⵏⵏⴰ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵜⴰⴳⵍⴷⴰⵏⵜ ⵔⴰⴷ ⵜⵙⴱⵓⵖⵍⵓ ⴰⵢⴷⴰ ⴱ ⵓⴱⵔⵉⴷ ⵏ ⵜⴷⵍⵙⴰ ⴷ ⵜⵓⵜⵍⴰⵢⵜ ⵜⵉⵎⴰⵣⵉⵖⵉⵏ ⴳ ⵍⵎⵖⵔⵉⴱ .
ⴳ ⵜⵙⴳⴰ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ ⵃⵎⵎⵓ ⴰⵃⵉⵣⵓⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵙⵏⵜⴰⵢⵜ ⴰⴷ ⵏⵏⵙ ⵜⴰⵎⴰⵣⴷⴰⴳⵜ ⵉⵎⵎⵔ ⴱⴰⵀⵔⴰ ⵙ ⵓⵙⵎⵖⵕ ⴰⴷ .
