ⴰⵔ ⵜⴻⵜⵜⵃⵉⵢⵢⴰⵍ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⴷ ⵜⵙⵏⵎⴰⵍⴰ ⴰⴱⵔⴰⴳⵔⴰⵡ ⵏⵏⵙ ⵡⵉⵙⵙ ⴽⴽⵓⵥ ⴷ ⵎⵔⴰⵡ 14 ⵖ ⵜⵖⵔⵎⵜ ⵏ ⵓⴳⴰⴷ ⵓⵙⵙⴰⵏ ⵏ 22 – 23 ⵎⴰⵢ 2973 / 03 – 04 ⵢⵓⵏⵢⵓ 2023 ⵖ ⵡⴰⵎⵎⴰⵙ ⵏ ⵓⵙⵏⴱⴷⵓ ⵏ ⵜⵎⴰⵡⴰⵙⵜ ⵏ ⵓⵣⵔⴼ ⵖ ⵜⵖⵔⵎⵜ ⵏ ⵓⴳⴰⴷⵉⵔ,
ⵙ ⵜⵎⵍⴷⴰ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵏⵏⵙ ⵡⵉⵙⵙ ⴽⵓⵎⵔⴰⵡ ⴷ ⵙⵎⵎⵓⵙ 45, ⵙ ⵓⵣⵔⴽⴽ ⵏ ⵉⵙⴱⴷⴰⴷⵏ ⵏⵏⵙ ⵉⵎⵙⵏⵉⵎⵉⵍⵉⵢⵏ ⴷ ⵉⵙⵍⴳⵏⵏ ⵉⵙⵏⵎⴰⵍⴰⵏ ⵜⴰⵡⵓⵔⵉ ⵏⵏⵙ ⵜⵓⵖⵔⵎⵉⵜ, ⵙ ⵜⵎⴰⵜⴰⵔⵜ ⵏ: “ⵜⴰⵎⴰⵣⵉⵖⵜ ⵙⴳ ⵜⵣⵔⴷⵉ ⵏ ⵓⵙⵖⵥⵏ ⴰⵔ ⵜⵓⵖⵓⵏⵜ ⴷ ⵓⵙⵓⴷⵙ ⴼⴰⴷ ⴰⴷ ⵜⵉⵍⵉ ⵜⵉⴽⴽⵉ ⵏ ⵉⵣⵔⴼⴰⵏ ⵙ ⵜⵉⴷⵜ“, ⵢⵓⵛⴽⴰ ⴷ ⵓⴱⵔⴰⴳⵔⴰⵡ ⴰⴷ ⴰⴼⵉⴼⵉⵕⴰⵍ ⵖ ⵢⴰⵏ ⵡⴰⴷⴷⴰⴷ ⴰⵏⴰⵍⵓⵔ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ ⵍⵍⵉ ⴳ ⵍⵍⴰⵏ ⵜⵓⴳⵜⵜ ⵏ ⵉⵎⵎⵓⵜⵜⵓⵢⵏ ⴷⴰ ⵉⴳⴰⵏ ⵉⵊⵢⵓ–ⵉⵙⵔⵜⴰⵏⵏ ⵉⵙⴽⴰⵔⴱ ⴰⴷⵔⵉⵣ ⵏⵏⵙⵏ ⴳ ⵉⴱⵔⵉⴷⵏ ⵉⵣⵔⴼⴰⵏⵏ ⵙ ⵜⵖⴰⵔⴰⵙⵜ ⵢⵓⵎⴰⵏ ⴷ ⵅⴼ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⵙ ⵢⴰⵜ ⵜⵖⴰⵔⴰⵙⵜ ⵉⵥⵍⵉⵏ, ⴳ ⵓⵎⵏⵉⴷ ⴰⴷ, ⵓⴱⵛⴽ ⵍⵍⵉ ⵙ ⴰⵔ ⵏⵙⵙⵉⵜⵉⴳ ⴰⵢⵍⵍⵉ ⵏⵍⴽⵎ ⵏ ⵜⵢⴰⴼⵓⵜⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵉⵙⵏⵉⵍⵙⵏ ⴷ ⵉⴷⵍⵙⴰⵏⵏ ⵉⵣⴷⵉⵏ ⴷ ⵜⵎⴰⵣⵉⵖⵜ, ⵙ ⵓⵙⴼⴰⵙⴽⴰ ⵏ ⵡⴰⵎⵓⵏ ⵓⵖⵔⵉⵎ ⴰⵎⴰⵣⵉⵖ ⴷ ⵓⵎⵓⵙⵙⵓ ⴰⴷⵉⵎⵓⵇⵕⴰⵜⵉ ⴳ ⵍⵎⵖⵔⵉⴱ,
ⴰⵔ ⵏⵙⵙⵉⵜⵉⵎ ⵜⴰⵣⵔⴼⵉ ⴳ ⵓⴱⵟⵟⵓ, ⴷ ⵢⵉⴷⵉⵔ ⵏ ⵓⵙⵓⴷⵙ ⴰⵥⵕⴼⴰⵏ ⴼⴰⴷ ⴰⴷ ⵉⵍⵉⵏ ⵉⵣⵔⴼⴰⵏ ⵉⵏⵢⵓⵎⴰⵏⵏ ⴷ ⵉⵎⴳⵔⴰ ⵙ ⵜⵉⴷⵜ, ⴷ ⵓⵙⵏⴼⵍ ⵏ ⵓⵙⵖⵥⵏ ⴰⴷ ⵖⵔ ⵜⵎⵙⴽⴰⵔ ⴷ ⵜⵡⵓⵔⵉⵡⵉⵏ ⵏ ⵉⴷⵜ ⴳ ⵜⵉⵍⴰⵡⵜ ⵍⵍⵉ ⵙ ⵏⵥⴹⴰⵕ ⴰⴷ ⵜⵏⵜ ⵏⵥⵕ ⵏⵙⵖⵍ ⵜⵏⵜ ⵏⵙⵉⵜⵜⴳ ⵜⵏⵜ ⵏⵥⵕ ⴰⴷⵔⵉⵣ ⵏⵏⵙⵏⵜ ⵖ ⴽⵓ ⵜⵉⵙⴳⵉⵡⵉⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ.
ⵏⵍⴽⵎ ⵉⵍⵎⵎⴰ ⵢⴰⵜ ⵜⵍⵓⵜⵍⵜ ⵎⵇⴰⵔⴱ ⴳ ⵓⴱⵔⵉⴷ ⵏ ⵜⵎⴰⴳⵔⴰⵡⵜ ⵏⵏⵖ ⵍⵍⵉ ⴱⴷⴷⴰ ⵉⵙⵖⵏⵙⴰⵏ ⵅⴼ ⵢⴰⵏ ⵍⵎⵖⵔⵉⴱ ⴰⴷⵉⵎⵓⵇⵕⴰⵜⵉ ⴷ ⵓⵜⵔⴰⵔ, ⵢⴰⵏ ⵍⵎⵖⵔⵉⴱ ⵏ ⵜⵍⴻⵍⵍⵉⵢⵉⵏ ⵜⵉⵏⵢⵉⵎⴰⵏ ⴷ ⵜⵎⴳⵔⴰ ⴷ ⵓⵣⵔⴽⴽⵉ ⴷ ⵓⵎⵙⴰⵙⵡⴰ ⵏ ⵜⵉⴷⵜ, ⴷ ⵜⵣⵔⴼⵉ ⵜⴰⵏⴰⵎⵓⵏⵜ ⴷ ⵜⴷⵖⴰⵔⴰⵏ, ⴷ ⵢⴰⵏ ⵓⵚⵏⴼⴰⵕ ⵏ ⵓⵙⵡⵉⵏⴳⵎ ⴳ ⵜⵖⴰⵔⴰⵙⵉⵏ ⵏ ⵓⵙⴱⵓⵖⵍⵓ ⵏ ⵜⵎⴰⵎⴽⵉⵏ ⵏ ⵜⵖⵏⵙⴰ ⵏⵏⵖ ⴷ ⵜⴰⵎⵓⵏⵜ ⵏⵏⵖ ⴷ ⵓⵏⵄⴰⵕ ⴼⴰⴷ ⴰⴷ ⵏⵉⵍⵉ ⵖ ⵓⵙⵡⵉⵔ ⵏ ⵉⵏⴰⵥⴰⵕⵏ ⵉⵍⵍⴰⵏ ⵎⵏⵉⴷ ⵏ ⵜⵡⵓⵔⵉ ⵏⵏⵖ ⵜⵓⵖⵔⵉⵎⵜ ⴷ ⵏⵣⵎⵔ ⵉ ⵜⵎⴰⵙⴰⵢⵜ ⵜⴰⵎⵣⵔⵓⵢⴰⵏⵜ ⵉⵍⵍⴰⵏ ⵅⴼ ⵓⵎⴳⴳⵕⴹ ⵏ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⵖ ⵎⴰ ⵉⵥⵍⵉⵏ ⵙ ⵜⵎⴰⵣⵉⵖⵜ ⵖ ⵜⵎⴰⵣⵉⵔⵜ ⵏ ⵍⵎⵖⵔⵉⴱ.
ⵅⴼ ⵎⴽ ⴰⴷ, ⴰⵔ ⵏⴰⵇⵔⴰ ⵉ ⴽⵓ ⵉⵎⵙⴽⴰⵔⵏ ⵏ ⵓⵙⵏⵖⵎⵙ ⴷ ⵡⵉⵏ ⵉⵣⵔⴼⴰⵏ ⴷ ⵓⵖⵔⵉⵎⵏ ⵉⴷⵎⵓⵇⵕⴰⵜⵉⵢⵏ ⴷ ⵉⵜⵔⴰⵔⵏ ⵍⵍⵉ ⵉⵙⵙⵏ ⵙ ⵉⵜⴰⴳⴳⵏ ⵏ ⵓⵏⵏⵓⵕⵥⵎ ⴷ ⵜⵎⵢⴰⵏⴰⵡⵜ, ⴰⴷ ⵏⵏ ⵉⵍⵉⵏ ⵖ ⵉⴳⵉⵡⵔ ⵏ ⵓⵏⵏⵓⵕⵥⵎ ⵏ ⵓⴱⵔⴰⴳⵔⴰⵡ ⴰⵙⵙ ⵏ ⵓⵚⵉⴹⵢⴰⵙ 22 ⵎⴰⵢ 2973 / 03 ⵢⵓⵏⵢⵓ 2023 ⵖ ⵜⵉⵣⵉ ⵜⵉⵙⵙ ⴽⴽⵓⵥⵜ ⵏ ⵜⴷⴳⴳⵯⴰⵜ (16:00) ⴷⵎⵖ ⵜⴷⴰⵍⴰ ⵜⴰⵎⵇⵔⴰⵏⵜ ⵏ ⵓⴷⴷⵉⵙ ⵏ ⵜⵎⴰⵡⴰⵙⵜ ⵏ ⵜⵣⵔⴼⵉ ⵖ ⵜⵖⵔⵎⵜ ⵏ ⵓⴳⴰⴷⵉⵔ.
ⵜⴰⵎⴰⴳⵔⴰⵡⵜ ⵜⴰⵎⴰⵢⵏⵓⵜ
ⴰⵎⴰⵔⵉⵙ ⴰⴼⵉⴷⵉⵕⴰⵍ
ⴰⵏⵙⵙⵉⵅⴼ: ⵄⴱⴷⵓⵍⵍⴰⵀ ⵚⴱⵕⵉ.
